4 ວິທີງ່າຍໆ ຊ່ວຍປ້ອງກັນ Account ໄອຈີ (Instagram) ໃຫ້ປອດໄພຈາກຄົນບໍ່ຫວັງດີ

ມື້ນີ້ພວກ​ເຮົາຈະມາແນະນໍາວິທີປ້ອງກັນບໍ່ໃຫ້ Account ໄອຈີ ໃຫ້ປອດໄພຫຼາຍຂຶ້ນ ມີວິທີດັ່ງນີ້:

1. ເປີດການເຂົ້າລະຫັດ 2 ຊັ້ນ (Two-Factor Authentication): ການເປີດລະຫັດເຂົ້າ 2 ຊັ້ນ ນອກຈາກຊ່ວຍໃນເລື່ອງຄວາມປອດໄພແລ້ວ ເວລາທີ່ມີການເຂົ້າບັນຊີການໃຊ້ງານ Social Network ກໍຈະມີການແຈ້ງເຕືອນໃຫ້ຮູ້ວ່າມີການເຂົ້າບັນຊີຢູ່ ກໍສາມາດປ້ອງກັນໄດ້.

2. ບໍ່ເຂົ້າເວັບໄຊທີ່ບໍ່ຮູ້ຈັກແຫຼ່ງທີ່ມາ: ທຸກມື້ນີ້ ເວັບໄຊທີ່ຕົວະເອົາລະຫັດ ຫຼື Phishing ເລີ່ມຫຼາຍຂຶ້ນ ແຕ່ກໍມີວິທີສັງເກດໄດ້ງ່າຍ ພຽງແຕ່ເບິ່ງວ່າເວັບໄຊມີລະບົບຄວາມປອດໄພ ຫຼື ບໍ່ ຫຼື https ເປັນຕົ້ນ ນັ້ນກໍພຽງແຕ່ສ່ວນຫນຶ່ງ ແຕ່ອາດຈະລົບໃນອີເມວບໍ່ພົ້ນ. ສະນັ້ນ ຖ້າມີອີເມວບອກໃຫ້ປ່ຽນລະຫັດຜ່ານບໍ່ຄວນຈະກົດ ຈົນກວ່າເຮົາຈະກົດຈາກເວັບໄຊດີໆ.

3. ຕັ້ງລະຫັດໃຫ້ຍາກຕໍ່ການຄາດເດົາ: ວີທີການຕັ້ງລະຫັດຖືວ່າເປັນອີກຮູບແບບໜຶ່ງທີ່ເຮັດໃຫ້ Hacker ຫຼື ບຸກຄົນທີ່ບໍ່ຫວັງດີເຂົ້າເຖິງບັນຊີໄດ້ຍາກຂຶ້ນ ໂດຍແນະນໍາໃນການຕັ້ງລະຫັດຜ່ານ ຄວນຈະມີຕົວອັກສອນ A-Z ທັງຕົວພິມນ້ອຍ ຫຼື ໃຫຍ່ ແລະ ຕົວເລກປະປົນກັນໄປ ຫາກບາງຕົວສາມາດໃຊ້ຕົວເລກແທນໄດ້ ໃຫ້ໃຊ້ຕົວເລກແທນ ເພື່ອເພີ່ມຄວາມຍາກຕໍ່ການຄາດເດົາ.

4. ບໍ່ໃຫ້ລະຫັດກັບໃຜ: ເຖິງວ່າເຮົາຈະໃຊ້ບັນຊີຮ່ວມກັບໃຜ ແຕ່ລະຫັດຜ່ານຖືວ່າເປັນຄວາມລັບ ກໍບໍ່ຄວນໃຫ້ກັບບຸກຄົນອື່ນ ຕໍ່ໃຫ້ສະໜິດກັນພຽງໃດກໍຕາມ ເພື່ອຄວາມປອດໄພສູງສຸດ. ກໍລະນີນີ້ຍົກເວັ້ນຖ້າເປັນການສ້າງ Page ຂຶ້ນມາກໍຄວນໃຫ້ສະເພາະຄົນທີ່ເຂົ້າມາເບິ່ງແຍງເທົ່ານັ້ນ.

ເຖິງວ່າວິທີເຫຼົ່ານີ້ຈະເພີ່ມຄວາມປອດໄພໃນການເຂົ້າເຖິງບັນຊີສໍາຄັນບໍ່ວ່າຈະເປັນ Instagram, Facebook ລວມໄປເຖິງອີເມວຕ່າງໆ ສຸດທ້າຍວິທີທີ່ດີທີ່ສຸດຄື: ບໍ່ປະຫມາດ ໃນການເຂົ້າເວັບໄຊ ຫຼື ໃຊ້ງານ Social Network ແລະ ບໍ່ຄວນຕັ້ງລະຫັດໃຫ້ຄືກັນ ຫຼື ງ່າຍເກີນໄປ ຈະດີທີ່ສຸດ.