ດາວລ້ອມເດືອນເໝືອນປວງຊົນລາວຢູ່ອ້ອມຂ້າງພັກ

ວັນຊາດທີ 2 ທັນວາ ຄົບ ຮອບ 42 ປີ ຫາກໍຜ່ານພົ້ນໄປບໍ່ ພໍເທົ່າໃດວັນ, ໃນໂອກາດວັນຊາດ ປີນີ້ໄປທາງໃດ, ເສັ້ນທາງໃດ, ທຸກ ບ້ານທຸກເຮືອນກໍເຫັນທຸງຊາດ, ທຸງພັກ, ທຸງທິວປິວ ສະບັດຢ່າງ ສະງ່າສວຍງາມ ແລະ ອາດຕາ ອາດໃຈ, ຕ້ອງຍອມຮັບວ່າຜູ້ອອກ ແບບທຸງຊາດລາວກາວົງເດືອນ ເຕັມດວງທີ່ພວກເຮົາພາກັນເຄົາລົບໃນປັດຈຸບັນນີ້, ນັບວ່າເພິ່ນມີ ວິໃສທັດ ແລະ ຄວາມຮູ້ສຶກຢ່າງ ກົມກຽວກັບຄວາມໝາຍຂອງ ທຸງຊາດ, ເວົ້າສະເພາະແມ່ນນັບ ແຕ່ມີການຕໍ່ສູ້ເພື່ອເອກະລາດເປັນຕົ້ນມາ. ນັບແຕ່ເຮົາເອງໄດ້ເຕີບ ໂຕຂຶ້ນມາ ແລະ ໄດ້ເຂົ້າຮ່ວມ ເຮັດ ການປະຕິວັດຍັງບໍ່ທັນເຫັນທຸງປະເທດໃດທີ່ເປັນເດືອນເພັງເຕັມຟ້າ, ບາງປະເທດກໍໄດ້ພຽງເຄິ່ງໜຶ່ງ ຫລື ອາດໄດ້ແຕ່ໜຶ່ງສ່ວນສາມ ຫລື ໜຶ່ງສ່ວນສີ່, ແຕ່ທຸງປະເທດ ເຮົາແມ່ນ ເປັນດວງເດືອນເຕັມຟ້າ ຫລື ເປັນເດືອນເພັງສິບຫ້າຄ່ຳ ເຊິ່ງມັນໝາຍເຖິງວິຖີຊີວິດ, ຈິດ ໃຈທີ່ປອດໃສຂາວສະອາດຂອງຊາດລາວ, ຄົນລາວເໝືອນດັ່ງ ເດືອນ ເພັງສິບຫ້າຄ່ຳ ດັ່ງບົດ ກອນ ສຸພາສິດບູຮານໄດ້ເວົ້າກ່າວຂານຕໍແຍກັນມາວ່າ “ດາວເຕັມຟ້າຍັງ ບໍ່ແຈ້ງປານເດືອນ ຄົນເຕັມເມືອງ ບໍ່ມີໃຜງາມປານເຈົ້າ”.

ເມື່ອເວົ້າເຖິງຄຳວ່າ ດາວ ລ້ອມເດືອນກໍຄິດເຖິງບົດເພງ ດາວລ້ອມເດືອນທີ່ຂັບຮ້ອງໂດຍ ອາຈານສຸບັນ ສຸວັນນະວົງ ແລະ ໄຊສະຫວາດ ສິງນາມວົງ ນັບຕັ້ງ ແຕ່ສະໃໝການປະຕິວັດ ຈົນມາ ຮອດປັດຈຸບັນກໍຍັງຄົງເປັນອຳ ມະຕະຢູ່ຕະຫລອດ. ເນື້ອໃນຂອງ ບົດເພງ ດາວລ້ອມເດືອນນັ້ນ, ປຽບເໝືອນປະຊາຊົນລາວທີ່ຢູ່ ອ້ອມຂ້າງພັກ ແລະ ລັດຖະບານ, ພ້ອມກັນ ຕໍ່ສູ້ຍາດເອົາໄຊຊະນະ ເພື່ອປົດປ່ອຍປະເທດຊາດອອກ ຈາກແອກຄອບຄອງຂອງສັກດີນາ ແລະ ຈັກກະພັດຜູ້ຮຸກຮານ. ພໍຕົກມາໃນຍຸກສັນຕິພາບ, ປະ ເທດຊາດມີເອກະລາດ, ປະຊາ ຊົນທຸກຊົນຊາດຊົນເຜົ່າຍາມໃດ ກໍຢູ່ອ້ອມຂ້າງພັກ ແລະ ລັດຖະ ບານ ເໝືອນດັ່ງດາວລ້ອມເດືອນ ທີ່ບໍ່ມີວັນຈືດຈາງຫາຍ ແລະ ເຫືອດແຫ້ງ.

30 ກວ່າປີທີ່ພັກໄດ້ນຳພາ ຕໍ່ສູ້ປະຕິວັດ, 42 ປີທີ່ພັກ ແລະ ລັດຖະບານໄດ້ນຳພາປົກປັກຮັກສາ ແລະ ສ້າງສາປະເທດຊາດ, ໄດ້ເຮັດໃຫ້ສາທາລະນະລັດ ປະ ຊາທິປະໄຕ ປະຊາຊົນລາວ ມີ ຄວາມຈະເລີນຮຸ່ງເຮືອງ ແລະ ຂະຫຍາຍຕົວໄປຢ່າງບໍ່ຢຸດຢັ້ງ. ປັດຈຸບັນ, ປະເທດຊາດພວມ ກ້າວໄປຢ່າງໜັກແໜ້ນ ແລະ ເຂັ້ມ ແຂງ. ດ້ານການເມືອງ ນັບມື້ມີ ສະເຖຍລະພາບໝັ້ນຄົງ, ເສດ ຖະກິດຂະຫຍາຍຕົວຢ່າງຕໍ່ ເນື່ອງ, ດ້ານວັດທະນະທຳສັງຄົມກໍນັບ ມື້ໄດ້ຮັບການປັບປຸງ ແລະ ປົວ ແປງໃຫ້ສອດຄ່ອງກັບຍຸກສະໃໝ ແລະ ມີຄວາມຈະເລີນຮຸ່ງເຮືອງ ຂຶ້ນເລື້ອຍໆ, ມາຮອດປັດຈຸບັນ ພວກເຮົາຢັ້ງຢືນໄດ້ວ່າຊີວິດການ ເປັນຢູ່ຂອງປະຊາຊົນນັບມື້ດີຂຶ້ນ, ອັດຕາຄອບຄົວທຸກຍາກ, ບ້ານ ທຸກຍາກນັບມື້ຫລຸດລົງ, ບ້ານ ແບບຢ່າງ ແລະ ບ້ານພັດທະນາ ໄດ້ເພີ່ມຂຶ້ນໃນແຕ່ລະປີ.

ຈາກຜົນສຳເລັດ ແລະ ໄຊ ຊະນະທີ່ໄດ້ຍົກມານີ້ແມ່ນເປັນຜົນງານຢ່າງຍິ່ງໃຫຍ່ພາຍໄຕ້ການ ນຳພາຂອງພັກ ແລະ ລັດຖະບານ ນັບແຕ່ໄລຍະຕໍ່ສູ້ປົດປ່ອຍຊາດ ຈົນມາຮອດໄລຍະສ້າງສາ ແລະ ພັດທະນາປະເທດຊາດໃນຍຸກປັດຈຸບັນ. ຕາມຜູ້ຂຽນວ່າ, ຍັງອີກບໍ່ພໍ ເທົ່າໃດປີຂ້າງໜ້າພວກເຮົາກໍ ຈະເຫັນປະເທດຊາດໄດ້ຫລຸດພົ້ນ ອອກຈາກຄວາມທຸກຍາກ ແລະ ດ້ອຍພັດທະນາ, ຈະໄດ້ເຫັນລົດໄຟ ຄວາມໄວສູງແລ່ນມາເຖິງນະ ຄອນຫລວງວຽງຈັນ. ພິເສດປີ ທ່ອງທ່ຽວລາວ 2018 ຈະເຫັນ ປະເທດລາວມີແຕ່ຄວາມສະຫງົບ ສຸກຮົ່ມເຢັນ. ໄປບໍ່ຄາມາບໍ່ຂ້ອງ, ຂຶ້ນເໜືອລ່ອງໄຕ້ເຫັນແຕ່ສິ່ງດີໆ, ເຂົ້າປາອາຫານຖືກບໍ່ອຶດບໍ່ຢາກ, ພຽບພ້ອມໄປດ້ວຍອັດທະຍາໃສໄມຕີ ແລະ ຮອຍຍິ້ມ, ນີ້ລະຄືສະເໜ່ ຂອງເມືອງລາວ.

ໂດຍ: ກ້ອງສ່ອງ ອິດສະຫລະ