ຈໍານວນຜູ້ເສຍຊີວິດຈາກແຜ່ນດິນໄຫວຢູ່ມຽນມາໃກ້ເຖິງ 3,000 ຄົນ ທີມກູ້ໄພເລັ່ງຊ່ວຍເຫລືອຕໍ່ເນື່ອງ

        ທາງການມຽນມາລະບຸວ່າ: ຈໍານວນຜູ້ເສຍຊີວິດຈາກແຜ່ນດິນໄຫວຄັ້ງໃຫຍ່ຢູ່ມຽນມາໃກ້ເຖິງ 3,000 ຄົນແລ້ວ, ບາດເຈັບອີກ 4,500 ກວ່າຄົນ ແລະ ຍັງສູນຫາຍອີກ 400 ກວ່າຄົນ. ຂະນະທີ່ທີມກູ້ໄພ ໂດຍສະເພາະຈາກຕ່າງປະເທດ ເລັ່ງຊ່ວຍເຫລືອຢ່າງຕໍ່ເນື່ອງ. ສ່ວນສະຫະປະຊາຊາດປະກາດເຕືອນໃຫ້ນາໆຊາດສົ່ງມອບການຊ່ວຍເຫລືອໃຫ້ມຽນມາ ກ່ອນລະດູມໍລະສຸມຈະມາເຖິງໃນມໍ່ໆນີ້ ເຊິ່ງອາດເຮັດໃຫ້ສະຖານະການໂດຍລວມຍາກລໍາບາກຍິ່ງຂຶ້ນ.

       ກຸ່ມພັນທະມິດ Three Brotherhood Alliance ເຊິ່ງເປັນກຸ່ມກະບົດສໍາຄັນຢູ່ມຽນມາ ໄດ້ປະກາດຢຸດຍິງຝ່າຍດຽວເປັນເວລາ 1 ເດືອນ ເພື່ອສະໜັບສະໜູນການໃຫ້ການຊ່ວຍເຫລືອດ້ານມະນຸດສະທໍາຕໍ່ຜູ້ປະສົບໄພແຜ່ນດິນໄຫວ.

        ຂະນະທີ່ຈໍານວນຜູ້ເສຍຊີວິດຢູ່ໄທຫລ້າສຸດ ຕາມລາຍງານຈາກສູນເອຣາວັນມີ 22 ຄົນ ແລະ ບາດເຈັບອີກ 34 ຄົນ ເຊິ່ງໃນຈໍານວນນນີ້ 11 ຄົນ ປິ່ນປົວຢູ່ໂຮງໝໍ ສ່ວນທີ່ເຫລືອກັບບ້ານໄດ້.

ອ້າງອີງ:

• https://www.reuters.com/business/environment/survivors-myanmar-quake-left-without-food-water-shelter-aid-groups-say-2025-04-01/ 
• https://www.theguardian.com/world/2025/apr/02/myanmar-earthquake-death-toll-monsoon-rain-forecast-mandalay-sagaing