ຜົນງານຕົກຕໍ່າ ! ລີກຮອນແລນ ເສຍໂກຕາໄປຮອບແບ່ງກຸ່ມ ຢູຟາ
ແຊ້ມລີກສູງສຸດຂອງ ຮອນແລນ ເຖິງຕອນທີ່ຕ້ອງລຸ້ນເມື່ອຍແລ້ວ ເມື່ອຈະບໍ່ໄດ້ສິດໄປຫລິ້ນໃນຮອບແບ່ງກຸ່ມຂອງ ຢູຟາ ແຊ້ມປ້ຽນລີກ ແບບອັດຕະໂນມັດເປັນຄັ້ງທຳອິດໃນລະດູການໜ້າ ເນື່ອງຈາກທີມໃນລີກດັ່ງກ່າວ ສ້າງຜົນງານໄດ້ໜ້າຜິດຫວັງໃນລະດູການນີ້ ໂດຍ ເຟເຢນຸດ ຈົບອັນດັບສຸດທ້າຍຂອງຮອບແບ່ງກຸ່ມລະດູການນີ້ເຊັ່ນດຽວກັບ ວິເທສ ອາເນມ ທີ່ຈົບອັນດັບສຸດທ້າຍໃນຮອບແບ່ງກຸ່ມ ຢູໂຣປາ ລີກ ເຊັ່ນກັນ.
ຈາກຜົນງານດັ່ງກ່າວ ເຮັດໃຫ້ລີກສູງສຸດຮອນແລນ ໄປຢູ່ອັນດັບທີ 12 ຂອງເອີຣົບ ເຮັດໃຫ້ທີມແຊ້ມຈາກລີກນີ້ຈະເສຍສິດໄປຫລິ້ນ ຢູຟາ ແຊ້ມປ້ຽນລີກ ຮອບແບ່ງກຸ່ມ ແບບອັດຕະໂນມັດເປັນທີ່ຮຽບຮ້ອຍ.
ສຳລັບສະໂມສອນຈາກ ຮອນແລນ ບໍ່ສາມາດຄວ້າແຊ້ມບານເຕະຊີງຂັນເອີຣົບໄດ້ ນັບແຕ່ ເຟເຢນຸດ ເອົາຊະນະ ດ໊ອດມູນ ຄວ້າແຊ້ມ ຢູຟາ ຄັບ ໄດ້ໃນປີ 2002.
