ເມືອງໝື່ນໂຄສະນາຕ້ານການຄ້າມະນຸດ

ໃນວັນທີ 6 ທັນວານີ້, ເມືອງ ໝື່ນແຂວງວຽງຈັນໄດ້ເປີດກອງ ປະຊຸມໂຄສະນາຕ້ານການຄ້າ ມະນຸດ ແລະ ການປົກປ້ອງສິດ ຜົນປະໂຫຍດຂອງຜູ້ຖືກເຄາະ ຮ້າຍຈາກການຄ້າມະນຸດໂດຍ ມີຄະນະປົກຄອງເມືອງ ແລະ ຜູ້ ຕ່າງໜ້າຂະແໜງການກ່ຽວ ຂ້ອງຕ່າງໆເຂົ້າຮ່ວມນຳດ້ວຍ.

+ ຄະນະນຳກະຊວງແຮງງານມອບເຄື່ອງຊ່ວຍເຫຼືອບັນເທົາທຸກໃຫ້ແຂວງ ຊຽງຂວາງ ແລະ ຫົວພັນ

+ ຈະລາຈອນແຂວງຄຳມ່ວນລົງໂຄສະນາວຽກງານ ຕ້ານປະກົດການຫຍໍ້ທໍ້ໃຫ້ນັກສຶກສາວິທະຍາໄລເຕັກນິກວິຊາຊີບ

ທ່ານ ຮອງເຈົ້າເມືອງໄດ້ ກ່າວເປີດກອງປະຊຸມວ່າ: ກອງປະຊຸມຄັ້ງນີ້ຈະໄດ້ເຜີຍແຜ່ເອກະສານກ່ຽວກັບສະພາບຂອງເດັກໃນປັດຈຸບັນ, ການປົກປ້ອງ ແລະ ການຊ່ວຍເຫລືອເດັກ, ສະພາບ ການຄ້າມະນຸດຢູ່ພາກພື້ນ, ຂົງ ເຂດ ແລະ ຢູ່ ສປປ ລາວ ໃນປັດຈຸບັນ, ບັນຫາການໄປອອກ ແຮງງານຢູ່ຕາງປະເທດ, ມາດ ຕະການຕ່າງໆ ເພື່ອສະກັດກັ້ນ ການເຄື່ອນໄຫວ ຄ້າມະນຸດ, ເອກະສານສິດພັນທະຂອງຜູ້ອອກ ແຮງງານ, ການສົ່ງແຮງງານ ໄປຕ່າງປະເທດ ແລະ ຄຸ້ມຄອງແຮງງານຕ່າງປະເທດຢູ່ລາວ ແລະ ລະບຽບການແຕ່ງງານ ກັບຄົນຕ່າງປະເທດ ແລະ ອື່ນໆ ທ່ານຮອງເຈົ້າເມືອງໃຫ້ຮູ້ອີກວ່າ: ການຄ້າມະນຸດໄດ້ສົ່ງ ຜົນກະທົບບໍ່ໜ້ອຍຕໍ່ສັງຄົມ ໂດຍສະເພາະເມືອງໝື່ນເປັນ ເມືອງທີ່ຕິດກັບຊາຍແດນປະເທດ ເພື່ອນບ້ານຄືປະເທດໄທ ດັ່ງນັ້ນຕ້ອງມີສະຕິລະວັງຕົວ ຕໍ່ການຖືກຕົວະຍົວະຫລອກ ລວງຂອງກຸ່ມຄົນບໍ່ດີໃນການ ຊວນເຊື່ອໃຫ້ລູກຫລານຂອງ ຕົນເອງ ແຕ່ງງານກັບຄົນຕ່າງ ປະເທດ, ບັງຂັບໃຫ້ອອກແຮງ ງານ ແລະ ຂູດຮີດທາງເພດ ສ້າງຄວາມສູນເສຍໃຫ້ແກ່ ຕົວເອງ ແລະ ສັງຄົມ.