ອິນໂດເນເຊຍກໍານົດເປົ້າໝາຍກໍາຈັດຄວາມທຸກຍາກຂັ້ນຮຸນແຮງພາຍໃນປີ 2026
March 17, 2025 - 4:38 PM
ລັດຖະບານອິນໂດເນເຊຍມີແຜນກໍາຈັດຄວາມທຸກຍາກຂັ້ນຮຸນແຮງໃຫ້ໝົດໄປຈາກປະເທດພາຍໃນປີໜ້າ.
ທ່ານ ອັບດຸລ ມູໄຮມິນ ອິສກັນດາ ລັດຖະມົນຕີປະສານງານສົ່ງເສີມພະລັງຊຸມຊົນຂອງອິນໂດເນເຊຍ ເປີດເຜີຍວ່າ: ລັດຖະບານກໍານົດເປົ້າໝາຍກໍາຈັດຄວາມທຸກຍາກຂັ້ນຮຸນແຮງໃຫ້ໝົດໄປຈາກປະເທດພາຍໃນປີ 2026 ໂດຍມີກອງປະຊຸມຮ່ວມກັບລັດຖະມົນຕີ ແລະ ໜ່ວຍງານຕ່າງໆຢ່າງຕໍ່ເນື່ອງ ເພື່ອຫາລືແນວທາງເລັ່ງບັນເທົາຄວາມທຸກຍາກ ແລະ ຄວາມທຸກຍາກຂັ້ນຮຸນແຮງ ຕາມຄໍາສັ່ງຂອງ ພົນໂທ ປຣາໂບໂວ ຊູບຽນໂຕ ປະທານາທິບໍດີ.
ປັດຈຸບັນ, ປະຊາກອນປະມານ 24.8 ລ້ານຄົນຢູ່ອິນໂດເນເຊຍ ຫລື 8.7% ຈັດເປັນຜູ້ມີຖານະທຸກຍາກ ແລະ ລັດຖະບານຕັ້ງເປົ້າໝາຍຫລຸດອັດຕາຄວາມທຸກຍາກໃຫ້ເຫລືອ 4.5% ພາຍໃນປີ 2029 ເຊິ່ງໜຶ່ງໃນແຜນຍຸດທະສາດສໍາຄັນ ຄືຄວາມແນ່ນອນໃນການກໍານົດຜູ້ຮັບຜົນປະໂຫຍດຈາກໂຄງການຂອງລັດຖະບານເຊັ່ນ: ການຊ່ວຍເຫລືອທາງສັງຄົມ ແລະ ເງິນອຸດໜູນດ້ານທີ່ພັກອາໄສ.
