ຖົງຊາທີ່ຊົງແລ້ວໃຫ້ປະໂຫຍດຫຍັງແດ່ ?

ເຊື່ອວ່າຫລາຍທ່ານທີ່ດື່ມຊາແລ້ວມັກຈະຖິ້ມຖົງຊາລົງຖັງຂີ້ເຫຍື້ອທັນທີ ມື້ນີ້ພວກເຮົາຈຶ່ງນຳເອົາຄຸນປະໂຫຍດຈາກຖົງຊາທ່ີຊົງດື່ມແລ້ວມາແນະນຳທ່ານ.

1. ໃຊ້ໝັກ ຫລື ເອືອບຊີ້ນສັດ : ຮູ້ຫລືບໍ່ວ່າຖົງຊາທີ່ໃຊ້ຊົງດື່ມແລ້ວນັ້ນສາມາດເອົາມາໃຊ້ເອືອບຊີ້ນສັດໄດ້ ເຮັດໃຫ້ຊີ້ນສັດອ່ອນ ແລະ ບໍ່ຫຍາບຫລາຍ. ນອກຈາກນີ້, ກິ່ນຫອມຂອງຖົງຊາຍັງຊ່ວຍຕື່ມລົດຊາດໃຫ້ແກ່ຊີ້ນນຳອີກ.
2. ຖົງຊາຊ່ວຍແກ້ບັນຫາຕາແດງ : ວິທີງ່າຍໆໂດຍການເອົາຖົງຊາແຊ່ໃນນ້ຳເຢັນປະໄວ້ 2 ນາທີ ຈາກນັ້ນກໍເອົາມາປົກໄວ້ເທິງເປືອກຕາ ປະໄວ້ອີກປະມານ 5 – 10 ນາທີ ຈົນກ່ວາຈະຮູ້ສຶກພໍໃຈ ແລ້ວຈຶ່ງເອົາຖົງຊາອອກຈາກເປືອກຕາ ອາການຕາແດງກໍຈະຫລຸດຜ່ອນລົງ ແລະ ດວງຕາກໍຈະຊຸ່ມຊື່ນຫລາຍຂຶ້ນນຳອີກ.
3. ກຳຈັດກິ່ນບໍ່ເພິງປະສົງໃນເຄື່ອງນຸ່ງ ແລະ ເກີບ : ບັນຫາກິ່ນຂອງເຄື່ອງນຸ່ງທີ່ເກັບມ້ຽນໄວ້ໃນຕູ້ດົນເກີນໄປ ໃຊ້ຖົງຊາຊ່ວຍໄດ້ ພຽງແຕ່ເອົາຖົງຊາທີ່ໃຊ້ແລ້ວໄປວາງປະໄວ້ໃນຕູ້ເຄື່ອງນຸ່ງ ກິ່ນກໍຈະຫລຸດລົງ, ເກີບກໍຄືກັນຕອນທີ່ຍັງບໍ່ໄດ້ໃສ່ກໍວາງຖົງຊາປະໄວ້ໃນເກີບ ກິ່ນບໍ່ເພິງປະສົງກໍຈະຄ່ອຍໆຈາງໄປ.
4. ໃຊ້ຖູພື້ນເຮັດຄວາມສະອາດເຮືອນ : ຖົງຊາທີ່ໃຊ້ແລ້ວຍັງມີຄຸນປະໂຫຍດດ້ານຄວາມສະອາດນຳອີກ ມັນສາມາດກຳຈັດຄາບເປິເປື້ອນເທິງພື້ນເຮືອນຂອງທ່ານໄດ້ຢ່າງງ່າຍດາຍ.
5. ຊ່ວຍກຳຈັດສິວ ແລະ ຮອຍຈາກຜິວໄໝ້ແດດ : ໜຶ່ງໃນບັນຫາທີ່ຫລາຍຄົນຕ້ອງພົບລອງໃຊ້ຖົງຊາຊ່ວຍ ພຽງແຕ່ປະໄວ້ເທິງຜິວບໍລິເວນທີ່ມີຮອຍຈາກແດດເຜົາໄໝ້ ອາການແສບອອກຮ້ອນກໍຈະຫລຸດລົງຕາມລຳດັບ ແລະ ອີກໜຶ່ງຄວາມສາມາດພິເສດກໍຄືຊ່ວຍກຳຈັດສິວໄດ້.
6. ຫລຸດອາການເຈັບປວດຂອງບາດແຜໃນປາກ : ຫາກທ່ານມີບາດແຜໃນປາກ ກໍໃຫ້ກັດຖົງຊາທີ່ໃຊ້ຊົງຊາແລ້ວ ສານທີ່ຄ່ອຍໆສະກັດອອກມາຈາກຖົງຊາຈະຊ່ວຍຫລຸດຜ່ອນອາການເຈັບປວດຈາກບາດແຜໃນປາກໄດ້ ລະຫ່ວາງນັ້ນກໍໄດ້ຊີມລົດຊາດຊາໃນຖົງໄປໂດຍເພີນໆນຳອີກ.