ໂລກປະນາມທ່ານ ທຣຳ ຮັບເຢລູຊາເລມ ເປັນເມືອງຫລວງຂອງອິດສະລາແອນ
ປະທານາທິບໍດີ ໂດນັນ ທຣຳ ປະກາດຮັບຮອງນະຄອນຫລວງເຢລູຊາເລມໃນຖານະ “ເມືອງຫລວງຢ່າງເປັນທາງການ” ຂອງອິດສະລາແອນ ທ່າມກາງສຽງປະນາມຢ່າງໜັກຈາກສະຫະປະຊາຊາດ ແລະ ປະຊາຄົມອາຣັບ ວ່າອາເມລິກາທຳລາຍຂະບວນການສັນຕິພາບ ແລະ ກຳລັງຈະເຮັດໃຫ້ຕາເວັນອອກກາງ “ລຸກເປັນໄຟ”.
I have determined that it is time to officially recognize Jerusalem as the capital of Israel. I am also directing the State Department to begin preparation to move the American Embassy from Tel Aviv to Jerusalem… pic.twitter.com/YwgWmT0O8m
— Donald J. Trump (@realDonaldTrump) December 6, 2017
ສຳນັກຂ່າວຕ່າງປະເທດລາຍງານຈາກນະຄອນຫລວງວໍຊິງຕັນ ປະເທດສະຫະລັດອາເມລິກາ ໃນວັນທີ 6 ທັນວາວ່າ: ປະທານາທິບໍດີ ໂດນັນ ທຣຳ ລົງນາມໃນຄຳສັ່ງຝ່າຍບໍລິຫານ ໃນວັນທີ 6 ທັນວາ ວ່າດ້ວຍການຮັບຮອງສະຖານະການຂອງນະຄອນຫລວງເຢລູຊາເລມເປັນ “ເມືອງຫລວງຢ່າງເປັນທາງການ” ຂອງອິດສະລາແອນ ແລະ ໃຫ້ກະຊວງການຕ່າງປະເທດກຽມການຍ້າຍສະຖານເອກອັກຄະລັດຖະທູດອາເມລິກາຈາກນະຄອນຫລວງເທລອາວີຟໄປນະຄອນຫລວງເຢລູຊາເລມ ໂດຍມີຮອງປະທານາທິບໍດີ ໄມ ເພນ ເປັນສັກຂີພິຍານ.
ທັງນີ້, ກ່ອນໜ້າການລົງລາຍເຊັນຂອງທ່ານ ທຣຳ ທີ່ໝາຍເຖິງການເປັນຜູ້ນຳອາເມລິກາຄົນທຳອິດນັບແຕ່ປະທານາທິບໍດີ ບິລ ຄລີນຕັນ ເຊິ່ງປະຕິເສດລົງນາມຢຸດການບັງຄັບໃຊ້ກົດໝາຍສະຖານເອກອັກຄະລັດຖະທູດອາເມລິກາປະຈຳນະຄອນຫລວງເຢລູຊາເລມ ທີ່ສະພາຄອງເກຣດລົງມະຕິໃນປີ 1992. ທ່ານ ທຣຳ ກ່າວວ່າ: ການຕັດສິນໃຈຂອງທ່ານໃນເລື່ອງນີ້ເປັນໄປຕາມຂະບວນການທີ່ຖືກຕ້ອງ ເນື່ອງຈາກເຖິງເວລາແລ້ວທີ່ປະຊາຄົມໂລກຕ້ອງຮ່ວມກັນຮັບຮອງນະຄອນຫລວງເຢລູຊາເລມໃນຖານະເມືອງຫລວງຢ່າງເປັນທາງການຂອງອິດສະລາແອນ, ລັດເອກະລາດທີ່ສົມຄວນມີ “ເມືອງຫລວງ” ຄືລັດປະຊາທິປະໄຕທຸກແຫ່ງໃນໂລກ.
There is no alternative to the two-state solution: two states living side-by-side in peace, security and mutual recognition – with Jerusalem as the capital of Israel and Palestine. pic.twitter.com/r95LPIZimg
— António Guterres (@antonioguterres) December 6, 2017
ເຖິງຢ່າງໃດກໍຕາມ, ຜູ້ນຳອາເມລິກາກ່າວວ່າ: ລັດຖະບານວໍຊິງຕັນຍັງສະໜັບສະໜູນການເຈລະຈາສັນຕິພາບລະຫວ່າງອິດສະລາແອນກັບປາແລັສຕິນ ຕາມແນວທາງ 2 ລັດ ເພື່ອນຳໄປສູ່ການສະຖາປະນາລັດປາແລັສຕິນຄຽງຄູ່ກັບລັດອິດສະລາແອນ, ພ້ອມທັງກ່າວຕຳໜິຜູ້ນຳອາເມລິກາຄົນກ່ອນໜ້າ ທັງທ່ານ ບິລ ຄລີນຕັນ, ທ່ານ ຈອດ ດັບເບິນຢູ ບຸສ ແລະ ທ່ານ ບາຣັກ ໂອບາມາ ວ່າບໍ່ສາມາດຮັກສາ “ຄຳໝັ້ນສັນຍາ” ເອົາໄວ້ໄດ້. ສ່ວນນາຍົກລັດຖະມົນຕີ ເບນຈາມິນ ເນຕັນຢາຮູ ຜູ້ນຳອິດສະລາແອນ ກ່າວຍົກຍ້ອງການປະກາດຂອງທ່ານ ທຣຳ ວ່າຄື “ວັນປະຫວັດສາດ” ສຳລັບອິດສະລາແອນ ໂດຍຖືເປັນ “ບາດກ້າວສຳຄັນສູ່ການສ້າງສັນຕິພາບ” ໃນຕາເວັນອອກກາງ ແລະ ຮຽກຮ້ອງໃຫ້ບັນດາປະເທດເດີນຕາມຮອຍອາເມລິກາໃນເລື່ອງດັ່ງກ່າວ.
Hundreds protest outside U.S. consulate in Istanbul over Trump’s Jerusalem decision https://t.co/VFevVKt2sj pic.twitter.com/lFBJVvhGgO
— Ruptly (@Ruptly) December 6, 2017
ຕໍ່ມາປະທານາທິບໍດີ ມາມຸດ ອັບບັດ ຜູ້ນຳປາແລັສຕິນ ກ່າວວ່າ: ອາເມລິກາບໍ່ຢູ່ໃນສະຖານະຜູ້ຮ່ວມສ້າງສັນຕິພາບໃນຕາເວັນອອກກາງອີກຕໍ່ໄປ, ດ້ານກຸ່ມຮາມັດອອກຖະແຫລງການເຕືອນວ່າ: ທ່ານ ທຣຳ ກຳລັງ “ເປີດປະຕູນາຮົກ” ສຳລັບຜົນປະໂຫຍດຂອງອາເມລິກາໃນຕາເວັນອອກາງ. ຂະນະທີ່ບັນດາປະເທດໃນຕາເວັນອອກກາງ ລວມທັງອີຣານ, ອາຣັບບີ ຊາອຸດິດ, ລີບັງ ແລະ ຊັອກດານີ ຕະຫລອດຮອດຕວກກີ ປະສານສຽງປະນາມການຕັດສິນໃຈຂອງທ່ານ ທຣຳ ເລື່ອງນະຄອນຫລວງເຢລູຊາເລມ ແລະ ເຕືອນ “ການລຸກຮື້” ຄັ້ງຍິ່ງໃຫຍ່ໃນຕາເວັນອອກກາງ, ສ່ວນທ່າທີຂອງມະຫາອຳນາດໃນເອີຣົບ ຄືເຢຍລະມັນ, ຝຣັ່ງ ແລະ ສະຫະລາຊະອານາຈັກ ລ້ວນ “ຜິດຫວັງ” ແລະ ປະກາດຈຸດຢືນຮ່ວມກັນຄັດຄ້ານອາເມລິກາໃນເລື່ອງນີ້.
