ໄມ້ເຖື່ອນຍັງທ້າທາຍຄຳສັ່ງເລກທີ 15/ນຍ
ນັບວ່າເປັນຂ່າວທີ່ໂດ່ງດັງ ໃນໂລກໂຊຊຽວກ່ຽວກັບໄມ້ ທ່ອນຈຳນວນ 27 ຄັນລົດ, ເຊິ່ງ ເຈົ້າໜ້າທີ່ກ່ຽວຂ້ອງຍຶດໄດ້ຢູ່ ແຂວງອັດຕະປືໃນສາມເດືອນ ຜ່ານມາ. ຕາມຄຳສັນຍາຂອງເຈົ້າ ແຂວງອັດຕະປືຄົນໃໝ່ ທ່ານ ເລັດ ໄຊຍະພອນ ກໍວ່າຈະດຳເນີນການ ແກ້ໄຂຢ່າງເຖິງກົກເຖິງຮາກ. ຕໍ່ ມາໃນວັນທີ 24 ພະຈິກ 2017 ສື່ ອອນລາຍກໍອອກຂ່າວວ່າ: ເຈົ້າ ໜ້າທີ່ທະຫານ ແລະ ພາສີຂອງ ປະເທດເພື່ອນບ້ານໄດ້ກວດສອບ ແລະ ຍຶດໄມ້ດູ່ແປຮູບຂະໜາດ ຕ່າງໆໄດ້ 83.500 ໂຕ, ໄມ້ດູ່ ທ່ອນຈຳນວນ 254 ທ່ອນ. ແຫລ່ງຂ່າວຍັງບອກວ່າ: ໄມ້ ຈຳ ນວນດັ່ງກ່າວໄດ້ມີການຂົນສົ່ງ ຜ່ານດ່ານສາກົນນ້ຳເງິນ ແຂວງ ໄຊຍະບູລີ ສປປ ລາວ ເຂົ້າປະ ເທດໄທໄປຍັງປະເທດຈີນ, ໂດຍ ຜ່ານດ່ານອຳເພີທຸ່ງຊ້າງຈັງ ຫວັດນ່ານ. ພາຍຫລັງມີການ ກວດສອບ ແລະ ຍຶດແລ້ວກໍພົບ ວ່າ ມີການປອມແປງເອກະສານ ທັງຫລີກເວັ້ນຂໍ້ຈຳກັດທາງດ້ານກົດໝາຍ, ສ່ວນວ່າມູນຄ່າຂອງ ຈຳນວນໄມ້ທີ່ຍຶດໄດ້ນີ້ຖ້າສົ່ງ ໄປຮອດຈີນຈະສູງເຖິງ 30 ລ້ານ ບາດ (ສະກຸນເງິນໄທ). ສາເຫດ ໃນການກວດຄົ້ນ ແລະ ຍຶດໄດ້ ຄັ້ງນີ້, ກໍແມ່ນຜົນຈາກການປະ ສານງານທາງຝ່າຍລາວ. ຕາມ ເຮົາວ່າ, ນີ້ຄືເຫດການສອງບ່ອນ ກ່ຽວກັບເລື່ອງໄມ້. ແນວໃດ ກໍຕາມ, ເຮົາຄິດວ່າສ່ວນທີ່ຍັງ ມີທັງຮູ້ເຫັນ ແລະ ກວດກາຍຶດ ໄດ້ຢູ່ທ້ອງຖິ່ນອື່ນໆ, ເຂດແຂວງ ອື່ນກໍອາດຈະມີ, ຍ້ອນເປັນການ ປິດລັບ ຫລື ແຫລ່ງຂ່າວຍັງໄປ ບໍ່ທັນທົ່ວເຖິງ.
ຖ້າຈະເວົ້າເຖິງການຕັດໄມ້ ທຳລາຍປ່າບ່ອນເລັກບ່ອນໜ້ອຍ, ກະປ໊ອກກະແປ໊ກ ຜູ້ຂຽນເອງຍັງ ໄດ້ຍິນຂ່າວ ແລະ ຍັງເຫັນກັບຕາ ຢູ່. ສ່ວນຫລາຍແມ່ນຢູ່ເຂດຊົນ ນະບົດຫ່າງໄກສອກ ຫລີກເຊັ່ນ: ຕັດຕາມຫົວໄຮ່ປາຍນາ, ຕັດຜູ້ ເລັກຜູ້ໜ້ອຍ ເອົາມາເຮັດເຮືອນ ເຮັດຊານ ຫລື ສວຍໂອກາດສະ ສົມໄວ້ແລ້ວກໍລັກຂາຍໃຫ້ພວກ ຫາເລາະກິນນຳໄມ້. ດັ່ງເຮົາໄດ້ ເຫັນໃນ ແຫລ່ງຂ່າວ ຫລື ກວດ ກາຍຶດໄດ້ໃນບາງບ່ອນບາງທີ່ ແລະ ດ່ານເຂົ້າ-ອອກລະຫວ່າງ ປະເທດ. ຈາກສະພາບທີ່ເກີດຂຶ້ນ ນີ້, ຜູ້ຂຽນເຫັນວ່າມັນຍັງຫລອກຫລອນ ແລະ ທ້າທາຍຄຳສັ່ງ ເລກທີ 15/ນຍ ຢູ່. ເທົ່າທີ່ຜູ້ຂຽນ ໄດ້ຕິດຕາມກ່ຽວກັບການຕັດໄມ້ທຳລາຍປ່ານັບແຕ່ຄ່າມີຄຳສັ່ງ ເລກທີ 15/ນຍ ມານີ້, ກໍເຫັນວ່າ ມີ ຄວາມສະຫງົບຂຶ້ນຫລາຍອີ່ຫລີ. ອັນທີ່ພົ້ນເດັ່ນສຸດກໍແມ່ນປ່າ ໄດ້ ປິດບໍ່ໃຫ້ເຂົ້າໄປຕັດໄມ້ຢ່າງຊິ້ນ ເຊີງ, ຫລາຍບ່ອນ, ຫລາຍທີ່ ແລະ ຫລາຍເຂດແຂວງໃນທົ່ວປະເທດໄດ້ພ້ອມກັນເຂັ້ມງວດຕໍ່ການຕັດ ໄມ້ທຳລາຍປ່າຢ່າງຊິ້ນເຊີງ. ເຮົາ ຄິດວ່າໃນຂັ້ນຕໍ່ໄປຖ້າແກນນຳ ແຕ່ລະຂັ້ນຫາກເປັນຕົວຢ່າງ, ເຂັ້ມ ງວດກວດຂັນ ແລະ ເດັດຂາດ ໃນ ເລື່ອງນີ້ ຄາດວ່າແຕ່ນີ້ເຖິງ ປີ 2020 ຫລື 2030 ເນື້ອທີ່ປ່າ ໄມ້ກໍອາດຈະມີພື້ນທີ່ສີຂຽວປົກ ຄຸມຕາມມະຕິ 10 ໄດ້ວາງອອກ ຢ່າງແນ່ນອນ.
+ ກອງກວດກາພາສີແຂວງສະຫວັນນະເຂດເກັບລາຍຮັບໄດ້ເກີນແຜນ 42 ຕື້ກວ່າກີບ
ເຖິງຢ່າງໃດກໍດີ, ຕາມເຮົາ ວ່າ, ການປະຕິບັດຄຳສັ່ງເລກທີ 15/ນຍ ຈະໄດ້ຮັບຜົນ ຫລື ບໍ່ນັ້ນ ແມ່ນຂຶ້ນກັບແກນນຳຂອງທ້ອງຖິ່ນເປັນຫລັກ, ຖ້າແກນນຳແຕ່ລະ ຂັ້ນເດັດຂາດຈິງຈັງ ເຂັ້ມແຂງ ແລະ ທັງບໍ່ພາໝູ່ເຮັດ ປະຊາຊົນ ເຂົາກໍບໍ່ກ້າເຮັດ ຫລື ຖ້າເຫັນຜູ້ ໃດຝ່າຝືນກໍຕ້ອງປັບໄໝໃສ່ໂທດ ຕາມຂັ້ນຕອນຂອງກົດໝາຍ. ກົງ ກັນຂ້າມ, ຖ້າແກນນຳແຕ່ລະ ຂັ້ນບໍ່ເດັດຂາດເຂັ້ມແຂງ, ທັງບໍ່ ເປັນແບບຢ່າງ ແລະ ທັງພາໝູ່ ເຮັດເຂົາກໍວ່າເຮືອນມັນຮົ່ວມາ ແຕ່ຫລົບ.
ໃນສັງຄົມຍຸກປັດຈຸບັນ, ໂດຍ ສະເພາະໃນປະເທດເຮົາພວມ ມີ ການສ້າງສາພັດທະນາໃຫ້ ຫລຸດພົ້ນອອກຈາກຄວາມທຸກ ຍາກ ແລະ ດ້ອຍພັດທະນາ, ມີ ຫລາຍອັນຫລາຍຢ່າງໄດ້ເກີດ ດອກອອກຜົນ ແລະ ຂະຫຍາຍ ຕົວໄປຢ່າງບໍ່ຢຸດຢັ້ງ, ທັງມີຫລາຍ ອັນຫລາຍຢ່າງທີ່ພວກເຮົາຕ້ອງ ໄດ້ເຮັດ ແລະ ຕ້ອງໄດ້ແກ້. ດັ່ງ ແນວທາງນະໂຍບາຍຂອງພັກ ແລະ ລັດຖະບານເຮົາໄດ້ວາງ ອອກແຕ່ລະໄລຍະນັ້ນມັນຖືກ ຕ້ອງສອດຄ່ອງກັບຍຸກສະໄໝ ແລະ ທ່າອ່ຽງການຂະຫຍາຍ ຕົວຂອງໂລກທີ່ສຸດ. ຂໍພຽງແຕ່ ພວກເຮົາພ້ອມກັນເຮັດໂຮມກັນ ສ້າງ ໃນຫລັກການພັກນຳພາ, ລັດຄຸ້ມຄອງ, ປະຊາຊົນເປັນເຈົ້າ ຄືຫົນທາງແຫ່ງຜົນສຳເລັດໃນ ການສ້າງສາພັດທະນາປະເທດ ຊາດພວກເຮົາແນ່ນອນ.
