ສຶກສາອົບຮົມໄວໜຸ່ມ 32 ຄົນ ທີ່ມົ້ວສຸມດື່ມນໍ້າກະທ່ອມ ຢູ່ພາຍໃນເຂດເສດຖະກິດພິເສດສາມຫຼ່ຽມຄຳ

ໜັງສືພິມຄວາມສະຫງົບ ລາຍງານວ່າ: ໃນວັນທີ 6 ມີນາ 2025 ຜ່ານມາ ພັອ ວັນນະສັກ ທອງອຸໄລ ຮອງຫົວໜ້າກອງບັນຊາການ ປກສ ເຂດເສດຖະກິດພິເສດສາມຫຼ່ຽມຄຳ, ຫົວໜ້າພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ກອງບັນຊາການ ປກສ ເຂດເສດຖະກິດພິເສດສາມຫຼ່ຽມຄຳ ໄດ້ນໍາຕົວໄວໜຸ່ມທີ່ມົ້ວສຸມດື່ມນ້ຳກະທ່ອມ ຢູ່ພາຍໃນເຂດເສດຖະກິດພິເສດສາມຫຼ່ຽມຄໍາ ຈໍານວນ 32 ຄົນ ຍິງ 5 ຄົນ ມາສຶກສາອົບຮົມ ໃຫ້ຮູ້ເຖິງຜົນຂ້າງຄຽງທີ່ຮ້າຍແຮງຕໍ່ສຸຂະພາບຂອງນໍ້າກະທ່ອມ ແລະ ຮູ້ເຖິງສານເສບຕິດ ໃນກະທ່ອມອັນເປັນສານທີ່ຜິດຕໍ່ລຽບກົດໝາຍ ໃນ ສປປ ລາວ ພ້ອມດຽວກັນກໍ ໄດ້ເຮັດບົດບັນທຶກ ແລະ ສົ່ງໃຫ້ຜູ້ປົກຄອງເພື່ອນຳໄປສຶກສາອົບຮົມລູກຫຼານຂອງຕົນຕື່ມ.

ທີ່ມາ: ໜັງສືພິມຄວາມສະຫງົບ