ເບິ່ງຕື່ມເລື່ອງປ້າຍຄຳຂວັນ

ສະບາຍດີເພື່ອນຜູ້ອ່ານທີ່ຮັກແພງ, ໃນຜ່ານມາອົງການ ສື່ມວນ ຊົນ ພາກສ່ວນຕ່່າງໆ ກໍເຄີຍໄດ້ ສ່ອງແສງມາຫລາຍແລ້ວກ່ຽວ ກັບ ເລື່ອງປ້າຍໂຄສະນາ, ປ້າຍ ອົງກອນ ແລະ ຫ້າງຮ້ານຕ່າງໆ ມີຫລາຍອັນບໍ່ຄ່ອຍແທດເໝາະ ກັບ ລະບຽບການ, ວັດທະນະທຳ ແລະ ຕົວອັກສອນລາວປານໃດ, ມີບາງປ້າຍບໍ່ມີຮອດຕົວໜັງສື ລາວແຕ່ກໍຍັງມີການນຳໃຊ້ ເບິ່ງ ຢ່າງໜຶ່ງຄືບໍ່ມີໃຜເປັນຜູ້ຄຸ້ມຄອງ ກວດກາແຕ່ຢ່າງໃດ. ໂດຍສະ ເພາະຢູ່ນະຄອນຫລວງວຽງຈັນ ຍິ່ງມີຫລາຍ, ມີບາງເສັ້ນທາງ ຜ່ານໄປຄືບໍ່ແມ່ນຢູ່ເມືອງລາວ ເພາະບັນດາ ປ້າຍໂຄສະນາ ແລະ ປ້າຍຫ້າງຮ້ານຕ່າງໆໃນ ສອງ ຝາກທາງນັ້ນເກືອບ ຈະບໍ່ມີໜັງ ສືລາວເຮົາ, ພ້ອມການໃຊ້ໄຟ ແສງສີຕ່າງໆຂອງບັນດາປ້າຍ ເລົ່ານັ້ນກໍຮຸ່ງແຈ້ງໄປທົ່ວໂດຍ ບໍ່ໄດ້ ຄຳນຶງ ເຖິງປະຊາຊົນຜູ້ຢູ່ໃກ້ ຄຽງ ແລະ ຜູ້ ຂັບຂີ່ໃນຍາມຄ່ຳ ຄືນ, ນີ້ແມ່ນ ປ້າຍທົ່ວໆໄປ, ສ່ວນ ອັນຮ້າຍແຮງ ອີກອັນໜຶ່ງກໍແມ່ນ ປ້າຍໂຄສະນາວັນສຳຄັນຕ່າງໆ ຂອງຊາດກໍຍັງຂຽນຜິດ ດັ່ງປ້າຍ ຂ່ຳນັບຮັບຕ້ອນ ວັນຊາດ ທີ 2 ທັນວາ ເຮົາໃນ ປີ 2017 ນີ້ ແມ່ນ ຄົບຮອບ 42 ປີ ແຕ່ມີກະຊວງ ໜຶ່ງຕັ້ງຢູ່ກະໂຕແຄມທາງໃຫຍ່ ໃນນະຄອນຫລວງ ພັດຂຽນ ເປັນ 41 ປີ.

+ ປີທ່ອງທ່ຽວຢ່າໃຫ້ມີສິ່ງອຸດຕັນ

+ ໜັງສືພິມ ແລະ ການຕະຫລາດ

ໂຕບັກໃຫຍ່ຕິດຂຶ້ນ ໃສ່ ອາຄານຊັ້ນ 2 ຊັ້ນ 3 ຂອງກະ ຊວງດັ່ງກ່າວກໍຍັງໃຫ້ເຫັນຈົນເຖິງ ທຸກວັນນີ້, ໂດຍບໍ່ມີໃຜກວດກາ, ເບິ່ງຢ່າງໜຶ່ງຄືຢາກເຮັດຫຍັງກໍ ເຮັດຈົນເຖິງຂັ້ນຄຳຂວັນຂຽນ ຂ່ຳນັບຊົມເຊີຍວັນສະຖາປະນາ ປະເທດ ຂອງຕົນຄົບຮອບຈັກປີ ກໍ ບໍ່ຖືກ. ຈົນມີປະຊາຊົນ ແລະ ສັງ ຄົມໂທລະສັບເຂົ້າມາສ່ອງແສງ ຕໍ່ສື່ພວກເຮົາ. ເອົາ ແລະ ພາຍ ຫລັງບົດຂຽນນີ້ກໍ່ຫວັງວ່າກະ ຊວງດັ່ງກ່າວຈະຕື່ນຕົວປ່ຽນ ແປງໂດຍໄວ, ເພື່ອບໍລະອາຍ ບ້ານລະອາຍເມືອງເພິ່ນ.