ເສດຖະກິດແຂວງຄຳມ່ວນຂະຫຍາຍຕົວໃນລະດັບ 8% ຕໍ່ປີ

ແຂວງຄຳມ່ວນເປັນ ແຂວງຕັ້ງຢູ່ພາກກາງຂອງລາວ, ມີເນື້ອທີ່ 16.315 ກິໂລຕາແມັດ, ປະກອບມີ 10 ເມືອງ, 574 ບ້ານ, 79.617 ຄອບຄົວ, ມີພົນ ລະເມືອງ 4 ແສນກວ່າຄົນ ເຊິ່ງ ແຂວງ ໄດ້ກຳນົດເອົາ 3 ທ່າແຮງ ເພື່ອພັດທະນາເສດຖະກິດ-ສັງ ຄົມຄື: ດ້ານກະສິກຳ-ປ່າໄມ້, ພະ ລັງງານ-ບໍ່ແຮ່ ແລະ ທ່ອງທ່ຽວ.

+ ເຜີຍແຜ່ຜົນການຄົ້ນຄວ້າເສດຖະກິດ-ສັງຄົມແຫ່ງຊາດ

+ 42 ປີການສຶກສາລາວເຕີບໃຫຍ່ຂະຫຍາຍຕົວ

ທ່ານ ໂອໄດ ສຸດາພອນ, ເຈົ້າແຂວງຄຳມ່ວນ ໃຫ້ຮູ້ວ່າ: ຄະນະພັກ, ອຳນາດການປົກ ຄອງແຂວງທຸກຂັ້ນໄດ້ສຸມໃສ່ ເພື່ອໃຫ້ແຂວງຄຳມ່ວນສືບຕໍ່ມີ ສະຖຽນລະພາບທາງດ້ານການ ເມືອງໜັກແໜ້ນ, ສັງຄົມມີ ຄວາມສະຫງົບ ແລະ ມີຄວາມ ເປັນລະບຽບຮຽບຮ້ອຍ ໂດຍພື້ນ ຖານ,ເສດຖະກິດ-ສັງຄົມສືບ ຕໍ່ພັດທະນາຢ່າງຕໍ່ເນື່ອງຕາມທິດ ທີ່ ວາງໄວ້, ປີ 2017 ເສດຖະກິດ ຂອງແຂວງຂະຫຍາຍຕົວໃນ ລະດັບ 8%, ລວມຍອດຜະລິດ ຕະພັນພາຍໃນ (GDP) ບັນລຸ 7.535 ຕື້ກີບ, ສະເລ່ຍລາຍຮັບ 18 ລ້ານກວ່າກີບ ຫຼືເທົ່າກັບ 2.243 ໂດລາສະຫະລັດ ຕໍ່ຄົນ ຕໍ່ປີທຽບໃສ່ປີ 2016 ໄດ້ ເພີ່ມຂຶ້ນ 321 ໂດລາສະຫະລັດ.

ການພັດ ທະນາ ເສດຖະກິດ-ສັງຄົມຂອງ ແຂວງແມ່ນ ອີງໃສ່ 3 ທ່າແຮງ ຕົ້ນຕໍເຊັ່ນ: ດ້ານກະສິກຳ-ປ່າໄມ້, ໂດຍສະ ເພາະການຜະລິດເຂົ້າ ແມ່ນ ໄດ້ສຸມໃສ່ ນຳໃຊ້ກົນ ຈັກທີ່ ທັນສະໄໝເຂົ້າໃນການຜະລິດ ເປັນຕົ້ນການຜະລິດນາໄຮ່ໃຫຍ່ ເພື່ອຫຼຸດຜ່ອນຕົ້ນທຶນ, ເວລາ ແລະ ແຮງງານ ເຮັດມີເນື້ອທີ່ນາໄຮ່ ໃຫຍ່ເພີ່ມຂຶ້ນຈາກ 150 ເຮັກຕາ ໃນປີ 2016 ມາເປັນ 690 ກວ່າ ເຮັກຕາ ໃນປີ 2017. ໃນທົ່ວ ແຂວງສາມາດຜະລິດ ເຂົ້າໄດ້ 312.300 ກວ່າໂຕນ, ວຽກ ງານອຸດສາຫະກຳໄດ້ມີການພັດທະນາໄປຕາມທິດຫັນ ເປັນ ອຸດສາຫະກຳ ແລະ ທັນສະໄໝ ເທື່ອລະກ້າວ, ທົ່ວແຂວງມີ ໂຮງງານ ອຸດສາຫະກຳ 200 ກວ່າ ແຫ່ງ, ໃນນັ້ນອຸດສາຫະ ກຳຂະໜາດໃຫຍ່ 77 ແຫ່ງ, ສະເພາະໂຮງງານຊີມັງທີ່ທຳ ການຜະລິດແລ້ວ 3 ແຫ່ງ, ໂຮງງານຂຸດຄົ້ນປຸງແຕ່ງເກືອໂປຕາສ 2 ແຫ່ງ, ດັດສົມ ໂຮງ ງານໄມ້ ແລະ ເຟີນີເຈີໄມ້ຈາກ 370 ແຫ່ງລົງມາເປັນ 77 ແຫ່ງໃນທົ່ວແຂວງ, ດ້ານການ ບໍລິການກໍໄດ້ມີການຂະຫຍາຍ ຕົວ ໂດຍສະເພາະພາຍຫລັງ ເປີດນຳໃຊ້ຂົວມິດຕະພາບ ແຫ່ງທີ 3 ເຊິ່ງເປັນທາງເຊື່ອມ ຕໍ່ອອກສູ່ທະເລ ປະເທດຫວຽດ ນາມ ຜ່ານດ່ານສາກົນນາ ເພົ້າ-ຈໍຫຼໍ ມີໄລຍະທາງທີ່ສັ້ນ ເຮັດໃຫ້ບັນດາບໍລິສັດເລືອກ ນຳໃຊ້ເສັ້ນທາງດັ່ງກ່າວໃນ ການລຳລຽງຂົນສົ່ງສິນຄ້າ ຜ່ານ ເຂົ້າ-ອອກ ແລະ ດ້ານ ການລົງທຶນໄດ້ຮັບອະນຸມັດ ຈາກສະພາແຫ່ງຊາດຈຳ ນວນ 357 ໂຄງການ, ເຊິ່ງ 11 ເດືອນສາມາດປະຕິບັດ ໄດ້ 94%, ການລົງທຶນພາກເອກະ ຊົນທັງພາຍໃນ ແລະ ຕ່າງປະ ເທດ ມີ 63 ໂຄງການ ມີມູນຄ່າ 355 ລ້ານໂດລາສະຫະລັດ.

ສຳລັບການຈັດເກັບລາຍຮັບເຂົ້າ ງົບປະມານ. ຮອດປັດຈຸບັນປະຕິ ບັດໄດ້ 324 ຕື້ກີບ ເທົ່າກັບ114%, ໃນນີ້ພູດ ຂອງສູນກາງ ປະຕິບັດໄດ້ 213 ຕື້ກວ່າກີບ. ນອກນີ້ຍັງໄດ້ສຸມ ໃສ່ວຽກງານສຶກສາ ໂດຍປະຕິບັດ ນະໂຍບາຍຂອງລັດ ເພື່ອຍົກລະ ດັບຄວາມຮູ້ຂອງປະຊາຊົນ ເຊິ່ງ ແຂວງຄຳມ່ວນໄດ້ ປະກາດເມືອງ ຈົບຊັ້ນມັດທະຍົມແລ້ວ 5 ເມືອງ ແລະ ກຽມປະກາດເພີ່ມອີກ 4 ເມືອງໃນມໍ່ໆນີ້, ວຽກງານສາທາ ລະນະສຸກກໍໄດ້ ເອົາໃຈໃສ່ຄວບຄຸມ ແລະ ຕ້ານພະຍາດຕາມລະດູການ ໂດຍສະເພາະແມ່ນພະຍາດໄຂ້ ເລືອດອອກ, ວຽກງານການທ່ອງ ທ່ຽວກໍໄດ້ສືບຕໍ່ພັດທະນາບັນ ດາພື້ນຖານໂຄງລ່າງຂອງແຫຼ່ງ ທ່ອງທ່ຽວ ແລະ ສ້າງສິ່ງອຳນວຍ ຄວາມສະດວກອື່ນໆ ເພື່ອຮອງ ຮັບໃຫ້ ແກ່ການເປີດປີທ່ອງທ່ຽວ ລາວ 2018 ເພື່ອດຶງດູດໃຫ້ນັກ ທ່ອງທ່ຽວທັງພາຍໃນ ແລະ ຕ່າງ ປະເທດ ເຂົ້າມາທ່ຽວພາຍໃນ ແຂວງ ໃຫ້ຫຼາຍຂຶ້ນ, ສຳລັບວຽກ ງານ ພັດທະນາຊົນນະບົດ ແລະ ແກ້ໄຂຄວາມທຸກຍາກໄດ້ຫຼຸດ ລົງເຫຼືອພຽງ 12 ບ້ານ ເທົ່າກັບ 2,06% ແລະ ຄອບຄົວທຸກຍາກ ຍັງເຫຼືອ 1.151 ຄອບຄົວເທົ່າກັບ 1,53% ຂອງຈຳນວນຄອບຄົວ ທັງໝົດໃນທົ່ວແຂວງ.