ເຈົ້າໜ້າທີ່ USAID ທະຍອຍເກັບເຄື່ອງອອກຈາກສໍານັກງານໃຫຍ່ ພາຍຫລັງລັດຖະບານ ທຣໍາ ຕັດງົບສະໜັບສະໜູນ-ເລີກຈ້າງ
ເຈົ້າໜ້າທີ່ຂອງສໍານັກງານເພື່ອການພັດທະນາສາກົນຂອງອາເມລິກາ (USAID) ທະຍອຍເກັບເຄື່ອງ ແລະ ບອກລາສໍານັກງານໃຫຍ່ຢູ່ນະຄອນຫລວງວໍຊິງຕັນ ໃນວັນທີ 27 ກຸມພາຜ່ານມາ ພາຍຫລັງລັດຖະບານອາເມລິກາພາຍໃຕ້ການນໍາຂອງທ່ານ ໂດນັລ ທຣໍາ ຕັດສິນໃຈຕັດງົບປະມານສະໜັບສະໜູນ ພ້ອມສັ່ງຢຸດການຊ່ວຍເຫລືອຕ່າງປະເທດເປັນເວລາ 90 ວັນ ນັບແຕ່ທ້າຍເດືອນມັງກອນຜ່ານມາ ເພື່ອກວດສອບວ່າ: ໂຄງການຕ່າງໆຂອງອາເມລິກາສອດຄ່ອງກັບນະໂຍບາຍ America First ຫລື ບໍ່.
ຄໍາສັ່ງດັ່ງກ່າວເຮັດໃຫ້ເຈົ້າໜ້າທີ່ USAID ກວ່າ 90% ຖືກພັກວຽກ ແລະ ທະຍອຍຖືກເລີກຈ້າງ ໂດຍອົງການມີທ່າອ່ຽງສູງຈະຖືກຍຸບຢ່າງເປັນທາງການໃນອະນາຄົດ ເຮັດໃຫ້ມີພົນລະເມືອງອາເມລິກາຈໍານວນໜຶ່ງມາຮ່ວມໃຫ້ກໍາລັງໃຈບັນດາເຈົ້າໜ້າທີ່ USAID ຢູ່ບໍລິເວນທາງໜ້າສໍານັກງານໃຫຍ່. ນອກຈາກນີ້ ຄໍາສັ່ງຂອງທ່ານ ທຣໍາ ຍັງສ້າງແຮງລຸກຂຶ້ນຄັ້ງໃຫຍ່ໃຫ້ໜ່ວຍງານຊ່ວຍເຫລືອດ້ານມະນຸດສະທໍາໃນປະເທດຕ່າງໆທົ່ວໂລກ.
ອ້າງອີງ:
- https://www.reuters.com/world/us/usaid-workers-say-goodbye-headquarters-trump-drastically-cuts-foreign-aid-2025-02-27/
- https://edition.cnn.com/2025/02/23/politics/usaid-employees-administrative-leave-email/index.html
