ຄຳສັ່ງຊອກຈັບທ້າວ ບົວຄໍາ ສົມວັນຈິດ ຍັກຍອກຊັບແລ້ວເອົາຕົວຫລົບໜີ
ວັນທີ 21 ກຸມພາ 2025 ນີ້ ອົງການສືບສວນ-ສອບສວນ ກົມຕໍາຫຼວດເສດຖະກິດ ໄດ້ອອກຄໍາສັ່ງຊອກຈັບຕົວ ທ້າວ ບົວຄໍາ ສົມວັນຈິດ, ອາຍຸ 29 ປີ, ວັນເດືອນປີເກີດ ເຊື້ອຊາດ- ສັນຊາດ ລາວ, ບ້ານເກີດ ແລະ ປັດຈຸບັນ ຢູ່ບ້ານສີຄຸນ, ເມືອງ ແປກ, ແຂວງຊຽງຂວາງ. ລັກສະນະຈຸດພິເສດ: ລວງສູງ 1,65 ແມັດ, ດັງໂມ ຫູເຕິ່ງ ຜິວຂາວ.
ຜູ້ກ່ຽວເປັນພະນັກງານທະນາຄານ ແຫ່ງ ສປປ ລາວ ພາກເໜືອ ແຂວງຊຽງຂວາງ ມີຄວາມຜິດຕາມປະມວນກົດໝາຍອາຍາມາດຕາ 234 ເລື່ອງການຍັກຍອກຊັບ ແລ້ວເອົາຕົວຫລົບໜີ.
ດັ່ງນັ້ນ, ຫົວໜ້າອົງການສືບສວນ-ສອບສວນ ກົມຕໍາຫຼວດເສດຖະກິດ ຈຶ່ງໄດ້ອອກຄໍາສັ່ງສະບັບນີ້ແຈ້ງມາຍັງທ່ານ ຫົວໜ້າກອງບັນຊາການ ປກສ ແຂວງໃນທົ່ວປະເທດ ຖ້າພົບເຫັນບຸກຄົນດັ່ງກ່າວກະລຸນາຈັບຕົວຜູ້ກ່ຽວສົ່ງໃຫ້ເຈົ້າໜ້າທີ່ ຕໍາຫຼວດກົມເສດຖະກິດ ເພື່ອສືບຕໍ່ດໍາເນີນຕາມກົດໝາຍ.
ຫາກພົບເຫັນສາມາດຕິດຕໍ່: 020 54948644 ແລະ 020 99959356
ທີ່ມາ: ທະນາຄານແຫ່ງ ສປປ ລາວ ພາກເໜືອແຂວງຊຽງຂວາງ
