ທະນາຄານກາງຂອງໄທ ປັບຫລຸດດອກເບ້ຍ 0.25% ຈາກ 2.25% ເຫລືອ 2.00%

ສຳນັກຂ່າວ MRG ຂອງໄທລາຍງານວ່າ: ວັນທີ 26 ກຸມພາ 2025 ຄະນະກໍາມະການນະໂຍບາຍການເງິນ (ກນງ) ປະເທດໄທຖະແຫລງຜົນການປະຊຸມ ຂອງຄະນະກໍາມະການ ໂດຍໄດ້ມີການລົງມະຕິ ຫລຸດອັດຕາດອກເບ້ຍນະໂຍບາຍລົງ 0.25% ຈາກ 2.25% ເຫລືອ 2.00% ຕໍ່ປີ ເຊິ່ງຜົນການລົງມະຕິເຫັນວ່າ ມີ 6 ຕໍ່ 1 ສຽງ ເຫັນດີໃຫ້ຫລຸດອັດຕາດອກເບ້ຍ ໂດຍໃຫ້ມີຜົນທັນທີ.

ຄະນະກໍາມະການນະໂຍບາຍການເງິນ ຂອງໄທໃຫ້ເຫດຜົນວ່າ: ເນື່ອງຈາກເສດຖະກິດໄທມີທ່າອ່ຽງຂະຫຍາຍຕົວຕໍ່າກວ່າທີ່ປະເມີນໄວ້ຈາກພາກການຜະລິດອຸດສາຫະກໍາ ທີ່ຖືກກົດດັນຈາກບັນຫາດ້ານໂຄງສ້າງ ແລະ ການແຂ່ງຂັນຈາກສິນຄ້າຕ່າງປະເທດ ລວມທັງມີຄວາມສ່ຽງສູງຂຶ້ນຈາກນະໂຍບາຍການຄ້າຂອງປະເທດເສດຖະກິດຫລັກ ເຖິງແມ່ນວ່າເສດຖະກິດຈະໄດ້ຮັບແຮງສະໜັບສະໜູນຈາກອຸປະສົງພາຍໃນປະເທດ ແລະ ການທ່ອງທ່ຽວ. ເຊິ່ງກໍາມະການສ່ວນໃຫຍ່ເຫັນຄວນໃຫ້ປັບຫລຸດອັດຕາດອກເບ້ຍນະໂຍບາຍ 0.25% ຕໍ່ປີ,

ໃນການປະຊຸມຄັ້ງນີ້ ເພື່ອກະຕຸ້ນໃຫ້ພາວະການເງິນສອດຄ່ອງກັບທ່າອ່ຽງເສດຖະກິດເງິນເຟີ້ ແລະ ສະຖຽນລະພາບລະບົບການເງິນ, ລວມທັງຮອງຮັບຄວາມສ່ຽງຕໍ່າທີ່ຊັດເຈນຂຶ້ນ.

source: กนง.มีมติ 6:1 ลดดอกเบี้ย 0.25% เศรษฐกิจโตต่ำกว่าเป้า การผลิตหด-ลดการตึงตัวของเงิน