ລີເວີພູລ ຈະພົບ ເອຟເວີຕັນ ການແຂ່ງຂັນເອຟເອ ຄັບ ອັງກິດ ຮອບ 3
December 5, 2017 - 6:16 PM
ລີເວີພູລ ຈະພົບກັບ ເອຟເວີຕັນ, ສ່ວນ ອາເຊນອລ ແຊ້ມເກົ່າ ພົບ ນອດຕິງແຮມ ຟໍເຣສ ໃນການແຂ່ງຂັນເອຟເອ ຄັບ ອັງກິດ ຮອບ 3.
ການຈັບສະຫລາກຄູ່ບານເຕະເອຟເອ ຄັບ ອັງກິດ ຮອບ 3 ຜົນປາກົດວ່າ: ລີເວີພູລ ຈະຕ້ອງເປີດສະໜາມແອນຟິລ ພົບກັບ ເອຟເວີຕັນ. ຂະນະທີ່ ອາເຊນອລ ແຊ້ມເກົ່າ ຈະຕ້ອງອອກໄປຢາມ ນອດຕິງແຮມ ຟໍເຣສ ທີມຈາກອີເອຟແອລ ແຊ້ມປ້ຽນຊິບ. ຂະນະທີ່ ແມນເຊັດສເຕີ ຢູໄນເຕັດ ພົບ ດາບີ ເຄົາຕີ ຈາກອີເອຟແອລ ແຊ້ມປ້ຽນຊິບ, ສ່ວນ ແມນເຊັດສເຕີ ຊິຕີ້ ທີມນຳພຣີເມຍລີກ ຈະເປີດບ້ານພົບ ເບິນລີ, ດ້ານ ເຊລຊີ ຈະຕ້ອງອອກໄປຢາມ ນໍຣິ ຊິຕີ້ ແລະ ທ໊ອດແນມ ຮອດສເປີ ເປີດບ້ານພົບ ວິມເບິລດັນ ຈາກລີກ ວັນ ໂດຍເກມຮອບ 3 ຈະເຕະກັນລະຫວ່າງວັນທີ 5-7 ມັງກອນ 2018.
