ເຈົ້າໜ້າທີ່ ປກສ ເມືອງນາກາຍ ແຂວງຄຳມ່ວນ ຈັບຕົວເປົ້້າໝາຍ 1ຄົນພ້ອມຂອງກາງຢາບ້າ 4,000 ເມັດ ແລະ ອາວຸດ
ຂ່າວ ປກສ ແຂວງຄຳມ່ວນລາຍງານວ່າ: ວັນທີ 27 ມັງກອນ 2025 ຜ່າມນາ ປກສ ເມືອງນາກາຍ ແຂວງຄຳມ່ວນ ເຂົ້າປິດລ້ອມ ແລະ ກັກຕົວເປົ້າໝາຍຄ້າຂາຍຢາເສບຕິດ ຢູ່ສວນມັນຕົ້ນໄດ້ 1 ຄົນ ຊື່ທ້າວ ດວງ ອຸ່ນສອນ ອາຍຸ 60 ປີ, ອາຊີບເຮັດສວນ, ຢູ່ບ້ານອຸດົມສຸກ ເມືອງນາກາຍ ແລະ ກວດຄົ້ນຕູບພົບ ຂອງກາງຢາເສບຕິດ ປະເພດຢາບ້າ 20 ຖົງ, ເທົ່າກັບ 4,000 ເມັດ, ໝາກແຕກ1 ໜ່ວຍ, ປືນປະດິດຍິງລູກອີ່ບູດ 1 ກະບອກ, ປືນປະດິດຍິງລູກດອກ 1 ກະບອກ, ປືນແກັບ1 ກະບອກ, ລູກປືນ AK 28 ລູກ, ເງິນ 6,810,000 ກີບ ແລະ ໂທລະສັບມືຖື 5 ໜ່ວຍ.
ຜ່ານການສືບສວນ-ສອບສວນຜູ້ກ່ຽວຮັບສາລະພາບວ່າ: ອາວຸດປືນ,ລູກລະເບີດ ແລະ ຢາເສບຕິດປະເພດຢາບ້າຈຳນວນດັ່ງກ່າວ ແມ່ນເປັນຂອງຜູ້ກ່ຽວແທ້ ເຊິ່ງໄດ້ຊື້ມາຈາກຄົນຮູ້ຈັກ ເພື່ອເອົາມາເສບ ແລະ ຈຳໜ່າຍໃຫ້ກັບໄວໜຸ່ມເຂດເມືອງນາກາຍ, ປັດບັນ ເຈົ້າໜ້າທີ່ ພວມເລັ່ງໃສ່ ຂະຫຍາຍຜົນຫາກຸ່ມແກ້ງຮ່ວມຂະບວນການ ມາດຳເນີນຄະດີ ຕາມຂັ້ນຕອນຂອງກົດໝາຍຕໍ່ໄປ.
ທີ່ມາ: ປກສ ແຂວງຄໍາມ່ວນ
