ເດືອນຜ່ານມາລາວສົ່ງອອກຜະລິດຕະພັນພືດຫຼາຍກວ່າ 62 ໂຕນ

ກະຊວງກະສິກໍາ ແລະ ປ່າໄມ້ ໃຫ້ຮູ້ວ່າ: ໃນເດືອນຜ່ານມາ, ລາວສາມາດສົ່ງອອກສິນຄ້າພືດ ແລະ ຜະລິດຕະພັນພືດ ໄດ້ຫຼາຍກວ່າ 62 ໂຕນ ລວມມູນຄ່າ 17 ລ້ານກວ່າໂດລາສະຫະລັດ. ໃນນັ້ນຫຼາຍກວ່າໝູ່ແມ່ນກາເຟ, ໝາກກ້ວຍ ແລະ ມັນຕົ້ນ ແລະ ສັດປະເພດຄວາຍ, ງົວ, ໝູ, ແບ້ ແລະ ສັດປີກອີກຈໍານວນຫຼາຍ ແລະ ນັບແຕ່ຕົ້ນປີມາຮອດປັດຈຸບັນລາວສາມາດສົ່ງສັດອອກຈໍາໜ່າຍທັງໝົດຫຼາຍກວ່າ 5 ລ້ານກວ່າໂຕ.

ກະຊວງກະສິກໍາ ແລະ ປ່າໄມ້ ໃຫ້ຮູ້ອີກວ່າ:  ໃນຜ່ານມາໜ່ວຍງານສະຕະວະແພດຂອງຕົນຕ່າງກໍໄດ້ອອກແຮງລົງເຄື່ອນໄຫວສັກຢາກັນພະຍາດສັດໄດ້ 2,59 ລ້ານກວ່າໂຕ, ນັບແຕ່ຕົ້ນປີຮອດປັດຈຸບັນໜ່ວຍງານກ່ຽວຂ້ອງກໍ ສາມາດຜະລິດຢາວັກຊິນປ້ອງກັນພະຍາດສັດໄດ້ຫຼາຍກວ່າ 7  ລ້ານເຂັມ, ເທົ່າກັບ 90,27% ຂອງແນການວາງໄວ້.