ເກີດເຫດ! ຜົວແກະລະເບີດໃສ່ເມຍ ເສຍຊີວິດທັງຄູ່ ຢູ່ບ້ານນາເຮືອງ ເມືອງແປກ ແຂວງຊຽງຂວາງ

ຂ່າວໜັງສືພິມຄວາມສະຫງົບລາຍງານວ່າ: ວັນທີ 20 ກຸມພາ 2025  ໄດ້ເກີດເຫດ ຜົວແກະລະເບີດໃສ່ເມຍ ເສຍຊີວິດທັງສອງ ຢູ່ບ້ານນາເຮືອງ ເມືອງແປກ ແຂວງຊຽງຂວາງ.

ຜ່ານການສືບສວນ-ສອບສວນ ເບື້ອງຕົ້ນໃຫ້ຮູ້ວ່າ: ທ້າວ ຫວາທໍ່ເລົ່າ ແມ່ນຕິດຢາເສບຕິດ, ທັງສອງໃຊ້ຊີວິດຢູ່ຮ່ວມກັນມາ 30 ກວ່າປີ ແຕ່ມາຮອດໄລຍະທ້າຍປີ 2024 ທັງສອງແມ່ນໄດ້ແຍກກັນຢູ່ຄົນລະບ້ານ ເພື່ອລໍຖ້າຄໍາຕັດສິນການຢ່າຮ້າງ ຈາກພາກສ່ວນກ່ຽວຂ້ອງ.

ມື້ເກີດເຫດ, ທ້າວ ຫວາທໍ່ເລົ່າ ກັບມາຫານາງ ຈີ້ລິ ຜູ້ເປັນເມຍ ພ້ອມທັງລົມໂທລະສັບຜູ້ຜູ້ເປັນອ້າຍລັກສະນະສັ່ງລາ ຜູ້ເປັນອ້າຍຂໍລົມກັນນາງນາງຈີ້ລິ ທັນໄດ້ບອກໃຫ້ນາງໜີ ແຕ່ຊ້າໄປ ເພາະໄດ້ຍິນສຽງລະເບີດຜ່ານໂທລະສັບ.

ທ້າວ ກູ້ລໍ່ (ລູກຊາຍ) ຂອງຜູ້ເສຍຊີວິດ ໃຫ້ຮູ້ວ່າ: ຕົນເອງເຫັນຜູ້ເປັນພໍ່ມາຫາແມ່ ແຕ່ເມື່ອມາຮອດໄດ້ປະມານ 2-3 ນາທີ ຜູ້ກໍໄດ້ຍິນສຽງລະເບີດແຕກ 1 ຄັ້ງ ແລ້ວຜູ້ກ່ຽວຈຶ່ງໄປເບິ່ງຈຶ່ງເຫັນສະພາບ ພໍ່ກັບແມ່ເສຍຊີວິດຢູ່ຂ້າງຫ້ອງນໍ້າ ຍ້ອນຕົນເອງກຳລັງແປງຫລັງຄາຫ້ອງນໍ້າຢູ່ ຈຶ່ງບໍ່ຮູ້ວ່າທັງສອງລົມຫຍັງກັນ.