ຊົມທຳມະຊາດນ້ຳງື່ມ

ອ່າງນ້ຳງື່ມທີ່ຖືກຂະໜານນາມວ່າເປັນ “ທະເລສາບເມືອງ ລາວ” ຕັ້ງຢູ່ບ້ານແສງສະຫວ່າງ ເມືອງແກ້ວອຸດົມ, ຢູ່ຫ່າງຈາກ ຕົວເມືອງໄປທາງທິດເໜືອ ປະມານ 8 ກິໂລແມັດ, ປະກອບ ມີເກາະດອນນ້ອຍ-ໃຫຍ່ 2 ພັນ ກວ່າດອນ ເຊິ່ງເປີດເປັນແຫລ່ງ ທ່ອງທ່ຽວພ້ອມໆກັບການສ້າງເຂື່ອນນ້ຳງື່ມໃນປີ 1962. ຄວາມງົດງາມຂອງອ່າງນ້ຳງື່ມ ແຫ່ງນີ້ ໂດ່ງດັ່ງໄປ ທົ່ວສາລະທິດ, ມີຄວາມກວ້າງໃຫຍ່ສຸດສາຍຕາ, ເປັນທີ່ນິຍົມຂອງ ນັກທ່ອງທ່ຽວພາຍໃນທີ່ມັກ ພາກັນໄປພັກຜ່ອນກິນປາລ່ອງ ເຮືອທ້າຍອາທິດກັບຄອບຄົວ ແລະ ໝູ່ຄູ່. ນອກນັ້ນຍັງສາມາດທ່ຽວຊົມ ທິວທັດງົດງາມຂອງ ດອນທ້າວ- ດອນນາງ ເພື່ອຊົມຄວາມສວຍສົດງົດງາມຂອງບໍລິເວນນີ້.

+ ຟາມພູຕາເວັນແຫລ່ງທ່ອງທ່ຽວທີ່ປະທັບໃຈແຫ່ງໃໝ່

+ ທ່ຽວຊົມວັດພະບາດແອວຂັນແລ້ວພາກັນມາຂີ່ເຮືອແພທ່າງ່ອນ

ຫລັງຈາກນັ້ນກໍພາກັນໄປທ່ຽວສວນສັດບ້ານເກີນຕັ້ງຢູ່ ຖະໜົນເລກທີ 10 ຫ່າງຈາກ ນະຄອນຫລວງວຽງຈັນປະ ມານ 70 ກິໂລແມັດ, ໄປທາງ ເຂື່ອນນ້ຳງື່ມ, ຢູ່ໃກ້ບໍລິເວນ ພູເຂົາຄວາຍ. ສວນສັດບ້ານ ເກີນປະກອບມີສັດປ່ານາໆຊະ ນິດບໍ່ວ່າຈະເປັນເໝັ້ນ, ລິງລົມ ແລະ ລິງຊະນິດຕ່າງໆ, ໝູປ່າ, ກວາງ, ຟານ, ເຕົ່າ, ນົກນາໆ ຊະນິດ ແລະ ສັດນ້ຳຊະນິດ ຕ່າງໆ, ເໝາະແກ່ການ ໄປທ່ອງ ທ່ຽວກັບຄອບຄົວໃນມື້ພັກທ້າຍອາທິດໃຫ້ສະບາຍໃຈ.