ລາວ-ຫວຽດນາມລົງນາມຮ່ວມມືໂຄງການປູກຢາງພາລາ ແລະ ສ້າງຕັ້ງໂຮງງານປຸງແຕ່ງ

ພິທີເຊັນສັນຍາ ສຳປະທານ ໂຄງການປູກຢາງພາລາ ແລະ ສ້າງຕັ້ງໂຮງງານປຸງແຕ່ງຢາງ ພາລາ ຢູ່ເຂດເມືອງສະໝ້ວຍ ແຂວງສາລະວັນ ລະຫວ່າງ ລັດຖະບານ ແລະ ບໍລິສັດກາວ ຊູກວາງຈິ ຈຳກັດ ແຫ່ງ ສສ ຫວຽດນາມ ໄດ້ຈັດຂຶ້ນ ໃນວັນທີ 29 ພະຈິກນີ້, ທີ່ກະຊວງແຜນ ການ ແລະ ການລົງທຶນ, ເຊິ່ງ ຕາງໜ້າລັດຖະບານລາວ ໂດຍ ທ່ານ ຄຳລຽນ ພົນເສນາ ຮອງ ລັດຖະມົນຕີ ກະຊວງແຜນການ ແລະ ການລົງທຶນ ແລະ ທ່ານ Van Luu ຜູ້ອຳນວຍການ ບໍລິສັດ ກາວຊູກວາງຈິ ຈຳກັດ, ໂດຍມີ ທ່ານ ຫົວໜ້າຫ້ອງການ ກະຊວງກະສິກຳ ແລະ ປ່າໄມ້, ຫົວໜ້າພະແນກແຜນການ ແລະ ການລົງທຶນ ແຂວງສາລະວັນ, ແລະ ທ່ານ ປະທານບໍລິສັດ ກາວ ຊູກວາງຈິ ຈຳກັດ ເຂົ້າຮ່ວມເປັນ ສັກຂີພິຍານ.

+ ກະຊວງຍຸຕິທໍາລາວ-ຫວຽດນາມສະຫຼອງການຮ່ວມມືຄົບຮອບ 35 ປີ

+ ສູນພັດທະນາສີມືແຮງງານເວດສະພົງທົດສອບສີມືແຮງງານຊ່າງໄມ້ເຄື່ອງເຮືອນ ລະດັບ 3

ໂຄງການດັ່ງກ່າວ, ມີເນື້ອ 500 ເຮັກຕາ, ຢູ່ເຂດເມືອງ ສະ ໝ້ວຍ ແຂວງສາລະວັນ, ເຊິ່ງຈະ ມີມູນຄ່າການລົງທຶນ ໃນເບື້ອງ ຕົ້ນ 6,5 ລ້ານ ໂດລາສະຫະລັດ ຫລັງຈາກໂຄງການ ມີການຂະຫຍາຍຕົວຈະເພີ່ມມູນຄ່າການລົງ ທຶນເປັນ 9,67 ລ້ານກວ່າ ໂດລາ ສະຫະລັດ, ໂດຍມີອາຍຸສຳປະ ທານ 30 ປີ ສາມາດຕໍ່ໄດ້ຕາມ ການຕົກລົງເຫັນດີຂອງລັດຖະ ບານ ສຳລັບການກໍ່ສ້າງແມ່ນ ໃຫ້ສຳເລັດພາຍໃນ 7 ປີ ນັບຕັ້ງ ແຕ່ມື້ປູກຢາງພາລາ ແລະ ໂຄງ ການນີ້ຈະສາມາດສ້າງວຽກ ເຮັດງານທຳໃຫ້ແກ່ປະຊາຊົນ ຫລາຍກວ່າ 500 ຄົນ ແລະ ແຮງງານຕ່າງປະເທດ 100 ກວ່າຄົນ. ນອກນັ້ນ, ທາງບໍລິສັດ ຍັງຕ້ອງປະຕິບັດຕາມສັນຍາ ຟື້ນ ຟູສິ່ງແວດລ້ອມໃນ ພື້ນທີ່ໂຄງ ການ ຕາມທິດສີຂຽວ.

ບໍລິສັດ ກາວຊູກວາງຈິ ຈຳກັດ ໄດ້ເຊັນບົດບັນທຶກ ຄວາມ ເຂົ້າໃຈ ກັບລັດຖະບານ ລາວ ໃນວັນທີ 20 ທັນວາ 2011 ເພື່ອສຳຫລວດ ແລະ ສຶກສາຄວາມເປັນ ໄປໄດ້ຂອງ ໂຄງການປູກຢາງພາລາ ແລະ ສ້າງຕັ້ງໂຮງງານປຸງແຕ່ງ ຢາງພາລາ ໃນເນື້ອທີ່ 947 ເຮັກຕາ ຢູ່ເຂດເມືອງ ສະໝ້ວຍ ແຂວງສາລະວັນ, ພາຍຫລັງ ສຳຫລວດສາມາດຄັດ ໄດ້ເນື້ອ ທີ່ ຈຳນວນ 500 ເຮັກຕາ ທີ່ສາ ມາດປູກຢາງພາລາໄດ້ ລັດຖະ ບານ ຈຶ່ງເຫັນດີອະນຸມັດໃຫ້ ເຊັນສັນຍາສຳປະທານໂຄງ ການດັ່ງກ່າວ, ປັດຈຸບັນໂຄງ ການ ໄດ້ຜ່ານການຮັບຮອງ ບົດວິພາກເສດຖະກິດ- ເຕັກນິກ ຈາກກະຊວງກະສິກຳ ແລະ ປ່າໄມ້ ແລະ ບົດປະເມີນຜົນ ກະທົບຕໍ່ສິ່ງແວດລ້ອມ ແລະ ສັງຄົມຈາກກະຊວງຊັບພະຍາ ກອນ ແລະ ສິ່ງແວດລ້ອມ ແລະ ເປັນໂຄງການທີ່ໄດ້ຮັບ ອະນຸຍາດກ່ອນມີຄຳສັ່ງຂອງ ທ່ານນາຍົກລັດຖະມົນຕີ ສະບັບ ເລກທີ 13/ນຍ, ລົງວັນ ທີ 1/6/2012 ກ່ຽວກັບການ ໂຈະການໃຫ້ສຳປະທານ ໂຄງ ການໄມ້ວິກ ແລະ ຢາງພາລາ.