ການທ່ອງທ່ຽວໜຶ່ງໃນອຸດສະຫະກຳແບບຍືນຍົງ

ເວົ້າເຖິງການທ່ອງທ່ຽວມີ ຫລາຍປະເທດຮັ່ງມີໄດ້ຍ້ອນມີ ຊັບພະຍາກອນທີ່ບົ່ມຊ້ອນຢ່າງ ຫລວງຫລາຍ, ສາມາດຂຸດຄົ້ນ ຊັບພະຍາກອນເຫລົ່ານັ້ນອອກ ມາໃຊ້ເປັນທ່າແຮງໜຶ່ງທີ່ມີລາຍ ຮັບແກ່ປະເທດຊາດຢ່າງຍາວ ນານ ກິນຮອດເຊັ່ນລູກເຊັ່ນຫລານ ກາຍເປັນອຸດສະຫະກຳແບບຍືນ ຍົງ. ສະເພາະປະເທດລາວຂອງ ພວກເຮົາເຖິງວ່າບໍ່ມີຊາຍແດນ ຕິດກັບທະເລແຕ່ກໍມີແຫລ່ງຊັບ ພະຍາກອນທີ່ຫລາກຫລາຍເພື່ອ ຫັນເປັນອຸດສະຫະກຳການທ່ອງ ທ່ຽວ, ເປັນຕົ້ນໃນດ້ານວັດທະນະ ທຳກໍມີວັດວາອາຮາມ, ມີສະຖາ ປັດຕະຍະກຳຫລາຍແຫ່ງທີ່ເປັນ ມໍລະດົກຂອງໂລກ, ຂອງຊາດ ແລະ ຂອງທ້ອງຖິ່ນ. ນອກຈາກ ນັ້ນ, ກໍມີຮີດຄອງປະເພນີ, ຮີດ ສິບສອງຄອງສິບສີ່, ມີບຸນສິນ ກິນທານຕາມວາລະຕ່າງໆ ປະ ຈຳເດືອນ ແລະ ປະຈຳປີຂອງແຕ່ ລະເຜົ່າຊົນ.

+ ແຂວງບໍລິຄຳໄຊກຽມຈັດຫລາຍກິດຈະກຳເພື່ອຮອງຮັບປີທ່ອງທ່ຽວລາວ 2018

+ ກະຊວງການເງິນຊີ້ແຈງການຂຸດຄົ້ນແຫລ່ງລາຍຮັບພາຍໃຕ້ກົດໝາຍພາສີ-ອາກອນ

ສ່ວນທາງດ້ານທຳມະຊາດ, ກໍມີແມ່ນ້ຳລຳເຊ, ພູຜາປ່າໄມ້, ທີ່ ສວຍສົດງົດງາມອັນເປັນເງື່ອນໄຂ ແລະ ທ່າແຮງຢ່າງໃຫຍ່ຫລວງ ໃນການຂຸດຄົ້ນສິ່ງເຫລົ່ານັ້ນໃຫ້ ເປັນແຫລ່ງທ່ອງທ່ຽວໃນຫລາຍ ຮູບແບບບໍ່ວ່າໃນເຊີງການອານຸ ລັກ ແລະ ທັງເຮັດແບບຍືນຍົງ ພິເສດ, ທາງດ້ານທຳມະຊາດນີ້ ຍັງມີປ່າດົງພົງໄພ, ຖ້ຳຮູພູເຂົາ ຫລາຍແຫ່ງທີ່ຍັງບໍທັນສາມາດ ຂຸດຄົ້ນອອກມານຳໃຊ້ໄດ້ເທື່ອ ຍ້ອນວ່າອີງໃສ່ສະພາບແວດ ລ້ອມດ້ານພູມີປະເທດ ແລະ ເສັ້ນ ທາງໄປມາຍັງຫຍຸ້ງຍາກ.
ດັ່ງພວກເຮົາຮູ້ນຳກັນແລ້ວວ່າ, ແຫລ່ງທ່ອງທ່ຽວໜຶ່ງໆ ບໍ່ວ່າ ໃນດ້ານວັດທະນະທຳ ແລະ ທຳ ມະຊາດກໍມີສິ່ງດັ່ງພວກເຮົາຮູ້ນຳ ກັນແລ້ວວ່າ, ແຫລ່ງທ່ອງທ່ຽວ ໜຶ່ງໆບໍ່ວ່າໃນດ້ານວັດທະນະທຳ ແລະ ທຳມະຊາດແຫລ່ງລຶກລັບ ແລະ ມີຄວາມໝາຍທາງດ້ານ ປະຫວັດສາດສະເພາະໃນຕົວ ຂອງມັນເອງ, ອັນພິເສດສຸດ ກໍ ແມ່ນຄວາມຍືນຍົງຄົງຕົວໄປ ຄຽງຄູ່ກັບສະພາບແວດລ້ອມ, ເລື່ອງລາວ, ນະວະນິຍາຍ ແລະ ຈິດສຳນຶກຂອງຄົນໃນທ້ອງຖິ່ນດ້ວຍສາເຫດດັ່ງກ່າວ, ການຊອກ ຄົ້ນຫາສິ່ງລຶກລັບ ແລະ ຈິດຕະນາ ການຈຶ່ງເປັນສິ່ງທີ່ນັກທ່ອງທ່ຽວພາກັນມຸ້ງຫວັງ ແລະ ຊອກສະ ແຫວງຫາຢ່າງຄຸກຄີ ແລະ ບໍ່ຮູ້ ອິດຮູ້ເມື່ອຍ.
ໃນປີ 2018 ສປປ ລາວ ພວກເຮົາໄດ້ເປີດປີທ່ອງທ່ຽວອີກ ຄັ້ງ, ໜຶ່ງເພື່ອເປັນກິດຈະກຳ ແລະ ຮູບແບບທີ່ຕ້ອງການໃຫ້ຄົນພາຍ ໃນ ແລະ ຕ່າງປະເທດໄດ້ມີການ ສຳພັດເຖິງ ຄວາມງົດງາມມົນ ສະເໜ່ທີ່ບົ່ມຊ້ອນໃນແຕ່ລະທ້ອງ ຖິ່ນແຫ່ງດິນແດນລ້ານຊ້າງ.

ແນວໃດກໍຕາມ, ໃນສະ ພາບຜ່ານມາກໍຄືປັດຈຸບັນ, ການ ທ່ອງທ່ຽວຢູ່ບ້ານເຮົາເຫັນວ່າ ຍັງມີປັດໄຈ ແລະ ສິ່ງຈຳກັດໃນ ຫລາຍດ້ານ, ດັ່ງການໃຫ້ຂໍ້ມູນ ຂອງທ່ານນາງ ພອນມະລີ ອິນ ທະພົມ ຮອງຫົວໜ້າກົມພັດທະ ນາການທ່ອງທ່ຽວກະຊວງຖະ ແຫລ່ງຂ່າວ, ວັດທະນະທຳ ແລະ ທ່ອງທ່ຽວວ່າ: ໃນປີ 2017 ນັກ ທ່ອງທ່ຽວເຂົ້າມາລາວແມ່ນ ຫລຸດລົງເຖິງ 11% ທຽບໃສ່ໄລ ຍະ 3 ເດືອນຕົ້ນປີ 2016 ມີນັກ ທ່ອງທ່ຽວເຂົ້າມາລາວ 1,2 ລ້ານ ຄົນ 6 ເດືອນຕົ້ນປີ 2017 ມີ 1,1 ລ້ານຄົນ ເທົ່ານັ້ນ; ຫລາຍກວ່າໝູ່ ແມ່ນໄທ, ຈີນ, ຫວຽດນາມ, ໝົດ ປີ 2016 ມີນັກທ່ອງທ່ຽວເຂົ້າ ມາລາວທັງໝົດ 4 ລ້ານຄົນ. ສາ ເຫດທີ່ຫລຸດລົງນີ້ກໍມີຫລາຍປັດ ໄຈ, ອັນທີໜຶ່ງ: ການໃຊ້ຈ່າຍຄ່າ ເດີນທາງສູງຖ້າທຽບໃສ່ປະເທດ ອ້ອມຂ້າງ. ສອງຄ່າປີ້ເຂົ້າຊົມ ສະຖານທີ່ທ່ອງທ່ຽວກໍແພງ. ສາມ: ກິດຈະກຳການທ່ອງທ່ຽວ ບໍ່ມີຫລາຍຫລືມີກໍບໍຄົບ. ສີ່: ຄວາມ ປອດໄພໃນທ້ອງຖະໜົນຍັງມີປາ ກົດການປຸ້ນຈີ້ ຊີ້ງຊັບ ແລະ 5. ແມ່ນສິ່ງອຳນວຍຄວາມສະດວກ ຕ່າງໆຍັງມີຈຳກັດ, ໂດຍສະເພາະ ເບື້ອງເຈົ້າໜ້າທີ່ທ່ອງທ່ຽວແຂກ ໄປຈອດລົດຖ່າຍຮູບຢູ່ບ່ອນໃດກໍ ບໍ່ໄດ້, ໄປໃສກໍຕ້ອງລາຍງານຂໍ ໃບສະເໜີ ແລະ ອື່ນໆ, ຖ້າໃຜລະ ເມີດກໍປັບໄໝ, ສ້າງຄວາມຫຍຸ້ງ ຍາກຕ່າງໆ ເພື່ອແກ້ໄຂບັນຫາດ່ັງ ກ່າວຕ້ອງ ເຮັດແນວໃດ? ອັນທີ ໜຶ່ງຕ້ອງເວົ້າເລື່ອງເສັ້ນທາງໄປ ມາໃຫ້ສະດວກສະບາຍ. ສອງຄ່າ ເດີນທາງໃຫ້ຖືກລົງ. ສາມຄ່າ ຄອງຊີບໃຫ້ພໍດີພໍງາມສີ່ຄ່າປີເຂົ້າ ຊົມສະຖານທີ່ ທ່ອງທ່ຽວກໍເໝາະ ສົມ, ຫ້າເຮັດປະຕິທິນ ຫລື ກິດ ຈະກຳການທ່ອງທ່ຽວໃຫ້ຫລາກ ຫລາຍ, ແຫລ່ງທ່ອງທ່ຽວກໍໃຫ້ ຫລາຍ. ຫົກຮັບປະກັນຄວາມ ປອດໄພ, ເຈົ້າໜ້າທີ່ ໃຫ້ເປັນທີ່ ເຜິ່ງ ຂອງນັກທ່ອງທ່ຽວແທ້.

ເຖິງຢ່າງໃດກໍດີ, ຕາມທິດ ກ່ຳວ່າໃນກອງປະຊຸມສະໄໝສາ ມັນເທື່ອທີ 4 ຂອງສະພາແຫ່ງ ຊາດຊຸດທີ 8 ທ່ານນາຍົກລັດ ຖະມົນຕີ ເຮົາກໍໄດ້ເວົ້າເລື່ອງສາມ ເປີດໄປແລ້ວ, ຂໍພຽງແຕ່ວ່າ ເຮົາ ເຂົ້າໃຈ ແລະ ພ້ອມກັນເຮັດຖ້າບໍ່ ດັ່ງນັ້ນການທ່ອງທ່ຽວທີ່ເປັນອຸດ ສະຫະກຳແບບຍືນຍົງມັນກໍຈະ ສ້ວຍຄືຫາງຂີ້ໂກະ.