ຟາມພູຕາເວັນແຫລ່ງທ່ອງທ່ຽວທີ່ປະທັບໃຈແຫ່ງໃໝ່

ຟາມພູຕາເວັນ ຕັ້ງຢູ່ບ້ານ ນາໄຊ, ເມືອງທ່າພະບາດ ແຂວງ ບໍລິຄຳໄຊ, ຂ້າມຂົວສີທອງ ເມືອງປາກງື່ມ ໄປຕາມເສັ້ນທາງ 13 ໃຕ້ປະມານ 1 ກິໂລແມັດ ກໍ ຈະເຫັນປ້າຍທາງເຂົ້າຟາມດັ່ງ ກ່າວຢູ່ເບື້ອງຂວາມື, ບໍ່ຫ່າງໄກ ຈາກນະຄອນຫລວງວຽງຈັນພໍ ປານໃດ, ໃຊ້ເວລາຂັບລົດ ໄປປະ ມານຊົ່ວໂມງກວ່າ, ຊຶ່ງເປັນສະ ຖານທີ່ອັນເໝາະສົມແກ່ການ ພັກຜ່ອນໃນທ້າຍອາທິດ, ໂດຍ ສາມາດທ່ອງ ທ່ຽວແບບຄອບ ຄົວ ແລະ ເປັນໝູ່ຄະນະ ໄດ້ຢ່າງ ປະທັບໃຈ. ສະຖານທີ່ດັ່ງກ່າວ ມີສິ່ງອຳນວຍຄວາມສະດວກ ຫລາຍຢ່າງເປັນຕົ້ນ ຮ້ານອາ ຫານ, ມີບ່ອນພັກຜ່ອນຊົມວິວທີ່ ສວຍງາມ, ບ່ອນຫລີ້ນກິດຈະກຳ ແລະ ອື່ນໆທີ່ໜ້າຕື່ນເຕັ້ນ.

+ ທ່ຽວຊົມກາບໄຫ້ວວັດຖ້ຳພະລືສີ, ວັດຖ້ຳພະ, ວັດຖ້ຳຄອກມ້າ

+ ແຂວງເຊກອງມີຫລາຍກິດຈະກຳທີ່ໜ້າທ່ຽວຊົມໃນປີທ່ອງທ່ຽວ

ທ່ານນາງ ດາລຸນີ ດວງປະ ເສີດ ອຳນວຍການຟາມພູຕາ ເວັນ ໃຫ້ຮູ້ວ່າ: ຟາມດັ່ງກ່າວ ໄດ້ ເປີດໃຫ້ທ່ອງທ່ຽວເປັນປີທີ 2 ແລ້ວ, ຊຶ່ງປີນີ້ຈະເປີດໃຫ້ບໍລິ ການ ນັບແຕ່ວັນທີ 9 ທັນວານີ້. ເປັນ ຕົ້ນໄປ ໂດຍເນັ້ນໃສ່ການພັດ ທະ ນາການທ່ອງທ່ຽວແບບ ເຊື່ອມ ໂຍງຕິດພັນກັບການອານຸລັກ ຮັກສາສິ່ງແວດລ້ອມທຳມະ ຊາດໃຫ້ຍືນຍົງຕາມທິດສີຂຽວ, ໃນປີຜ່ານມາ ມີນັກທ່ອງທ່ຽວ ເຂົ້າມາທ່ຽວຊົມຫລາຍພັນຄົນ ຊຶ່ງໃນປີນີ້ ຟາມພູຕາເວັນ ໄດ້ມີ ຄວາມພ້ອມຮອງຮັບນັກທ່ອງ ທ່ຽວຫລາຍກວ່າ 1 ລ້ານຄົນ, ໂດຍເນັ້ນໃສ່ສ້າງສິ່ງອຳນວຍ ຄວາມສະດວກຕ່າງໆຫລາຍ ດ້ານ ແລະ ພິເສດ ໃນປີນີ້, ໄດ້ ເພີ່ມກິດຈະກຳໃຫ້ຫລາກ ຫລາຍ ຂຶ້ນຕື່ມເປັນຕົ້ນການຍ່າງປ່າ, ນອນແຄັມ, ລ່ອງເຮືອຕາມສາຍ ນ້ຳງື່ມ-ນ້ຳຂອງ, ຊົມພະອາທິດ ຕົກດິນ, ທ່ຽວຊົມນ້ຳຕົກທຳ ມະຊາດ, ຮັບຟັງເລື່ອງລາວປະ ຫວັດສາດກັບຄົນທ້ອງຖິ່ນ ແລະ ກິດຈະກຳອື່ນໆທີ່ດຶງດູດໃຈໄດ້ຢ່າງຫລວງຫລາຍ.

ຜູ້ອຳນວຍການ ໃຫ້ຮູ້ຕື່ມ ວ່າ: ປີນີ້ ຈະເປີດໃຫ້ບໍລິການ ນັບແຕ່ວັນທີ 9 ທັນວາເຖິງທ້າຍ ເດືອນມີນານີ້, ສຳລັບປີ້ເຂົ້າ ທ່ຽວ ຊົມ ຈະເພີ່ມຈາກ 10 ພັນ ກີບໃນ ປີຜ່ານມາເປັນ 15 ພັນກີບ/ຄົນ, ສ່ວນວັນເສົາ-ວັນອາທິດແມ່ນ 25 ພັນກີບ/ຄົນ, ພ້ອມແຖມນ້ຳ ດື່ມ 1 ຕຸກ ແລະ ຈືນລູກຊີ້ນ 1 ຖ້ວຍ, ສ່ວນນັກຮຽນ- ນັກສຶກ ສາຂໍພຽງມີໜັງສືຢັ້ງ ຢືນຈາກ ໜ່ວຍງານກ່ຽວຂ້ອງ ກໍສາມາດ ເຂົ້າຊົມໄດ້ໂດຍບໍ່ເສຍຄ່າໃດໆ.