ສ. ເກົາຫລີ ອະນຸມັດເງິນກູ້ດອກເບ້ຍຕ່ຳໃຫ້ແກ່ລາວຫລາຍກວ່າ 122 ລ້ານໂດລາສະຫະລັດ
ລັດຖະບານ ສ.ເກົາຫລີ ໄດ້ ຕົກລົງອະນຸມັດເງິນກູ້ດອກເບ້ຍຕໍ່າ ຫລາຍກວ່າ122,6 ລ້ານໂດລາ ສະຫະລັດ ເຊິ່ງພິທີລົງນາມສັນ ຍາເງິນກູ້ດັ່ງກ່າວໄດ້ມີຂຶ້ນໃນວັນ ທີ 28 ພະຈິກ ນີ້ທີ່ນະຄອນຫລວງ ວຽງຈັນລະຫວ່າງທະນາຄານ ສົ່ງອອກ-ນຳເຂົ້າ ສ.ເກົາຫລີ ແລະ ກະຊວງການເງິນ ໂດຍຜ່ານ ກອງທຶນຮ່ວມມືເພື່ອການພັດ ທະນາເສດຖະກິດ (EDCF) ເພື່ອນຳໃຊ້ເຂົ້າໃນການຈັດ ຕັ້ງປະຕິບັດ 2 ໂຄງການຄື: ໂຄງການກໍ່ສ້າງໂຮງໝໍທັນສະໄໝ 5 ເມສາ ມູນຄ່າ 65 ລ້ານໂດລາ ສະຫະລັດ ແລະ ໂຄງການປ້ອງ ກັນຕາຝັ່ງເຈື່ອນແມ່ນໍ້າຂອງຢູ່ ນະຄອນຫລວງວຽງຈັນ ໄລຍະ 2 ມູນຄ່າ 57.605.000 ໂດລາ ສະຫະລັດ, ຕາງໜ້າລັດຖະບານ ລາວໂດຍທ່ານນາງ ທິບພະກອນ ຈັນທະວົງສາ ຮອງລັດຖະມົນ ຕີກະຊວງການເງິນ ແລະ ທ່ານ ຣີເທຢອງ ຫົວໜ້າຫ້ອງການ ຜູ້ຕາງໜ້າທະນາຄານສົ່ງ ອອກ-ນຳເຂົ້າສ.ເກົາຫລີ ປະຈຳ ນະຄອນຫລວງຢາງກຸ້ງປະເທດ ມຽນມາ.
+ ທະນາຄານໄຕ້ຫວັນ ແລະ ຫວຽດນາມ ສົນໃຈລົງທຶນປ່ອຍເງິນກູ້ຢູ່ລາວ
+ ກະຊວງການເງິນປັບປຸງຂໍ້ຕົກລົງການໃຊ້ຈ່າຍງົບປະມານບໍລິຫານຂອງລັດ
ເພື່ອສ້າງ ແລະ ຂະ ຫຍາຍ ໂຮງໝໍ 5 ເມສາ ທີ່ມີຢູ່ໃນປັດຈຸບັນ ໃຫ້ເປັນໂຮງໝໍທີ່ສາມາດຮອງ ຮັບຄົນເຈັບໄດ້ 300 ຕຽງ, ມີລະ ບົບການຄຸ້ມຄອງບໍລິຫານທີ່ທັນ ສະໄໝ ແລະ ວ່ອງໄວ ແລະ ມີຄຸນ ນະພາບສູງ. ພ້ອມນີ້ ຍັງຈະສ້າງ ໂອກາດໃຫ້ແພດໝໍ ແລະ ພະນັກ ງານໄດ້ຮັບການພັດທະນາດີຂຶ້ນ. ສ່ວນໂຄງການປ້ອງກັນຕາຝັ່ງ ເຈື່ອນແມ່ ນໍ້າຂອງໄລຍະ 2 ເປັນ ໂຄງການ ສືບຕໍ່ໄລຍະ 1 ທີ່ ສ.ເກົາຫລີ ໄດ້ໃຫ້ການສະໜັບ ສະໜູນທຶນໃນການຈັດຕັ້ງປະ ຕິບັດມາແຕ່ປີ 2008 ເຊິ່ງໂຄງ ການໄລຍະ 2 ນີ້ ແມ່ນຈະສືບຕໍ່ ສ້າງລະບົບປ້ອງກັນນໍ້າຖ້ວມ, ດິນເຊາະເຈື່ອນ ແລະ ພັດທະນາ ພື້ນຖານ ໂຄງລ່າງບໍລິເວນລຽບ ແຄມແມ່ນໍ້າຂອງເຊັ່ນ: ລະບົບ ປ້ອງກັນຕາຝັ່ງເຈື່ອນຍາວ 8,36 ກິໂລແມັດ ແຕ່ເຂດຫລັກ 4 ໄປ ເຖິງຫາດດອກແກ້ວ, ຈະກໍ່ສ້າງ ສວນສາທາລະນະໃນເນື້ອທີ່ 4 ເຮັກຕາ ແລະ ຈະກໍ່ສ້າງເສັ້ນທາງ ລຽບແຄມແມ່ນ້ຳຂອງ ແຕ່ເຂດ ເກົ້າລ້ຽງຫາບ້ານຂຸນຕາທ່າ ຍາວ 4,4 ກິໂລແມັດ ເພື່ອລະບາຍ ການສັນຈອນໃນເຂດດັ່ງກ່າວ ມີຄວາມສະດວກດີຂຶ້ນ.
ໃນໄລຍະ 2016-2019, ສ.ເກົາຫລີ ຈະສະໜອງເງິນກູ້ ດອກເບັ້ຍຕໍ່າ ໂດຍຜ່ານກອງທຶນ EDCF ໃຫ້ ສປປ ລາວມູນຄ່າ 300 ລ້ານໂດລາ ສະຫະລັດ ເພື່ອ ຈັດຕັ້ງປະຕິບັດບັນດາໂຄງການທີ່ ມີຜົນຕອບແທນດ້ານເສດຖະ ກິດ ແລະ ຫລຸດດຜ່ອນຄວາມ ທຸກຍາກຂອງປະຊາຊົນໃຫ້ມີປະ ສິດທິຜົນສູງຂຶ້ນເຊິ່ງສອງໂຄງ ການນີ້ເປັນໂຄງການທຳອິດທີ່ ໄດ້ຮັບການສະໜັບສະໜູນທຶນ ດັ່ງກ່າວ.
