ອົງການອະນາໄມໂລກຊີ້ເຫຍື່ອຢູ່ຊີຣີອາການຄືຖືກສານທຳລາຍປະສາດ

      ອົງການອະນາໄມໂລກ ອອກຖະແຫລງການໃນວັນທີ 6 ເມສານີ້ວ່າ: ຊາວເມືອງຂ່ານ ເຊຄຸນ ແຂວງອິດລິບ ບາງຄົນມີອາການເພີ່ມຕື່ມຄືກັບການຖືກສານເຄມີກຸ່ມອໍກາໂນຟໍເຟດ ເຊິ່ງລວມສານທຳລາຍປະສາດໄວ້ໃນ ກຸ່ມນີ້ນຳ ແລະ ມີຄວາມເປັນໄປໄດ້ວ່າການຍິງຈະຫລວດຖະຫລົ່ມເມືອງໃນວັນທີ 4 ເມສາ ມີການໃຊ້ສານເຄມີບາງ ປະເພດ ເນື່ອງຈາກຊາວເມືອງບໍ່ມີບາດແຜພາຍນອກທີ່ເຫັນຈະແຈ້ງ, ແຕ່ຫລາຍຄົນເສຍຊີວິດໂດຍການເກີດຂຶ້ນ ຢ່າງວ່ອງໄວຄືກັນເຊັ່ນ: ຫາຍໃຈບໍ່ອອກກະທັນຫັນ. ປັດຈຸບັນນີ້ຜູ້ຊ່ຽວຊານຕວກກີພວມໃຫ້ຄຳແນະນຳເຈົ້າໜ້າທີ່ ສາທາລະນະສຸກຢູ່ແຂວງອິດລິບເລື່ອງການບົ່ງມະຕິ ແລະ ປິ່ນປົວຄົນເຈັບ ລວມທັງໄດ້ສົ່ງຢາບາງຊະນິດເຂົ້າໄປພື້ນ ທີ່ເກີດເຫດແລ້ວ.

ອາເມລິກາລະບຸວ່າ: ຊາວເມືອງຂ່ານ ເຊຄຸນ ເສຍຊີວິດເພາະເຮືອບິນລັດຖະບານຊີຣີຖິ້ມ ແກັສພິດຊາຣິນລົງ ໄປ, ແຕ່ຣັດເຊຍຄັດຄ້ານວ່າ: ແກັສພິດຮົ່ວອອກມາຈາກສາງອາວຸດຂອງຝ່າຍຕໍ່ຕ້ານທີ່ຖືກລັດຖະບານຊີຣີ ຖິ້ມລະເບີດ.