ເປີດນຳໃຊ້ວິທະຍຸຊຸມຊົນເມືອງທ່າແຕງ
ພິທີເປີດນຳໃຊ້ວິທະຍຸຊຸມ ຊົນ ເມືອງທ່າແຕງ ແຂວງເຊ ກອງໄດ້ມີຂຶ້ນໃນວັນທີ 24 ພະ ຈິກນີ້ ໂດຍການເຂົ້າຮ່ວມຂອງ ທ່ານ ປິ່ນປາດຖະໜາ ພັນທະ ມາລີ ຫົວໜ້າກົມສື່ມວນຊົນກະ ຊວງຖະແຫຼງຂ່າວ, ວັດທະນະ ທຳ ແລະ ທ່ອງທ່ຽວ, ທ່ານ ຮາວ ລຽງ ຊູ, ຜູ້ຊ່ວຍເລຂາທິການໃຫຍ່ ສປຊ , ຜູ້ຊ່ວຍຜູ້ບໍລິຫານອົງການ UNDP ສຳລັບພາກພື້ນອາຊີ ແລະ ປາຊີຟິກ, ພ້ອມ ທ່ານ ນາງ ຄາຣິນາ ອິມໂມເນັນ ຜູ້ຕາງໜ້າ ອົງການ ສປຊ ເພື່ອການພັດ ທະນາປະຈໍາ ລາວ ແລະ ທ່ານ ຄຳໄພ ສິມມາວັດ ຮອງເຈົ້າເມືອງ ທ່າແຕງ.
+ ພິທີອວ່າຍນ້ຳເພື່ອດຳເນີນການກໍ່ສ້າງເຂື່ອນໄຟຟ້ານ້ຳອູ 1 ໄລຍະ 2
+ ກະສິກຳ-ປ່າໄມ້ເມືອງທ່າແຕງເຜີຍແຜ່ພາລະບົດບາດການຈັດຕັ້ງຕ່າງໆ
ຮອງຫົວໜ້າກົມ ສື່ມວນ ຊົນ, ໄດ້ລາຍງານໃຫ້ຮູ້ວ່າ: ສະຖານີວິທະຍຸດັ່ງກ່າວແມ່ນ ການສະໜັບສະໜູນຂອງການ ອົງການ ສປຊ ເພື່ອການພັດ ທະນາເພື່ອແນ່ໃສ່ພັດທະນາ ວິທະຍຸຊຸມຊົນໃນ ສປປ ລາວ ຊຶ່ງ ປະກອບມີ 3 ໄລຍະຄື: ໄລຍະທີ 1 ແຕ່ປີ 2006-2010 ແມ່ນ ສາມາດສ້າງສະຖານີວິທະຍຸ ຊຸມຊົນໄດ້ 2 ແຫ່ງຄື: ສະຖານີ ວິ ທະຍຸຊຸມຊົນເພື່ອການພັດທະ ນາເມືອງຄູນ ແຂວງຊຽງຂວາງ ແລະ ເມືອງທ່າແຕງ ແຂວງ ເຊກອງໂດຍໄດ້ຮັບທຶນສະໜັບ ສະໜູນຈາກໂຄງການບູລະນະ ການປົກຄອງ GPAR, ໄລ ຍະທີ 2 ແຕ່ປີ 2011-2014 ແມ່ນການຮ່ວມມືລະຫວ່າງກະ ຊວງ ຖວທ ກັບອົງການ ສປຊ ເພື່ອການພັດທະນາ ປະຈໍາລາວ ເອີ້່ນວ່າແຜນງານສະໜັບ ສະໜູນໂຄງການມີສ່ວນຮ່ວມ ແລະ ສື່ຊຸມຊົນ, ຊຶ່ງສາມາດ ສ້າງສະຖານີວິທະຍຸຊຸມຊົນໄດ້ 2 ແຫ່ງຄື: ສະຖານີວິທະຍຸຊຸມ ຊົນເພື່ອການພັດທະນາເມືອງ ດາກຈຶງແຂວງເຊກອງ ແລະ ເມືອງໜອງແຮດ ແຂວງ ຊຽງຂວາງ, ໄລຍະທີ 3 ແຕ່ ປີ 2014-2017 ສາມາດ ສ້າງສະຖານີວິທະຍຸຊຸມຊົນ ໄດ້ 4 ແຫ່ງຄື: ສະຖານີວິທະ ຍຸຊຸມຊົນ ເມືອງຮຸນ, ເມືອງນາ ໝໍ້ແຂວງອຸດົມໄຊ, ເມືອງລະ ຄອນເພັງ ແຂວງສາລະວັນ; ເມືອງຄອບ ແຂວງ ໄຊຍະບູລີ, ມາຮອດປັດຈຸບັນສະຖານີວິ ທະຍຸເຫຼົ່ານີ້ໄດ້ກາຍເປັນເຄື່ອງ ມືສຳຄັນເພື່ອຊ່ວຍໃຫ້ການໂຄ ສະນາແນວທາງນະໂຍບາຍ ຂອງພັກ ແລະ ລັດຖະບານ, ເປັນເວທີແລກປ່ຽນຂໍ້ມູນຂ່າວ ສານເຮັດໃຫ້ຊຸມຊົນສາມາດ ຕິດຕາມການເຄື່ອນໄຫວຂອງ ສັງຄົມ, ແນວທາງນະໂຍບາຍ ຂອງພັກເຮົາ, ການພັດທະນາ ເສດຖະກິດ-ສັງຄົມ, ວັດທະ ນະທຳ, ການຫັນປ່ຽນຂອງ ດິນຟ້າອາກາດ ແລະ ອື່ນໆ;
ສະຖານີວິທະຍຸຊຸມຊົນ ທັງໝົດນີ້ແມ່ນດໍາເນີນອອກ ອາກາດໂດຍອາສາສະໝັກ ຈາກຊຸມຊົນ ເຊິ່ງໄດ້ລາຍງານ ກ່ຽວກັບສະພາບດິນຟ້າອາ ກາດ, ກະສິກຳ, ການກະກຽມ ຮັບມືກັບໄພພິບັດ, ສຸຂະພາບ, ບົດ ບາດຍິງ-ຊາຍ ແລະ ການເຄື່ອນ ຍ້າຍຖິ່ນຖານ, ສໍາລັບສະຖານີ ວິທະຍຸຊຸມຊົນ ເມືອງທ່າແຕງ ແມ່ນ 1 ໃນສະຖານີວິທະຍຸຊຸມ ຊົນທັງໝົດ 8 ແຫ່ງໃນທົ່ວປະ ເທດທີ່ໄດ້ຮັບການສະໜັບສະໜູນ ຈາກອົງການສະຫະປະຊາຊາດ ເພື່ອການພັດທະນາ, ເຊິ່ງສາ ມາດເຂົ້າເຖິງຜູ້ຟັງຫຼາຍກວ່າ 3 ແສນຄົນແລະອອກອາກາດເປັນ ພາສາທ້ອງຖິ່ນເຖິງ 11 ພາສາ.
ໃນໂອກາດເຄື່ອນໄຫວ ຢ້ຽມຢາມສະຖານີວິທະຍຸຊຸມ ຊົນ ດັ່ງກ່າວ ທ່ານ ຮາວ ລຽງ ຊູ ໄດ້ເນັ້ນຄວາມສໍາຄັນຂອງການ ເປັນ ຄູ່ຮ່ວມງານທີ່ດີສະເໝີມາ ລະຫວ່າງລັດຖະບານ ລາວ ແລະ ອົງການສະຫະປະຊາຊາດເພື່ອ ການພັດທະນາ ແລະ ໄດ້ຮັບຮູ້ ຄໍາໝັ້ນສັນຍາຂອງລັດຖະບານ ໃນການພັດທະນາປະເທດຊາດ ໄປສູ່ຄວາມຍືນຍົງ ແລະ ຄວາມ ສະເໝີພາບໂດຍ ຜ່ານການປັບ ປຸງການເຂົ້າເຖິງຂໍ້ມູນ-ຂ່າວສານ ແລະ ບັນຫາສຳຄັນຕ່າງໆ.
