ຮ້ານຄຳສີຫອມມີສຸກ ຈັດງານຂອບໃຈ ແລະ ຄືນກຳໄລໃຫ້ລູກຄ້າ
ວັນທີ 25 ພະຈິກນີ້, ຮ້ານຄຳສີຫອມມີສຸກ SMJ ຮ່ວມກັບ WCG Diamond, ໄດ້ຈັດງານຂອບໃຈ ແລະ ຄືນກຳໄລໃຫ້ລູກຄ້າເປັນປີທີ 3, ຂຶ້ນທີ່ສູນການຄ້າຊ໋ອບປິ້ງມໍ2 ນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານ ວິໄລສັກ ສຸລີຈັນ ຜູ້ກໍ່ຕັ້ງ ແລະ ບໍລິຫານຮ້ານຄຳສີຫອມມີສຸກ, ມີທ່ານນາງ ສຸພາກອນ ປີຊາ ປະທານບໍລິສັດ WCG Diamond ແລະ ມວນຊົນເຂົ້າຮ່ວມເປັນຈຳນວນຫລາຍ.
ພາຍໃນງານດັ່ງກ່າວ ໄດ້ມີຫລາຍກິດຈະກຳທີ່ໜ້າສົນໃຈເຊັ່ນ: ການປະມູນຄຳແທ້, ເພັດແທ້, ການປະກວດໜ້າກາກສວຍງາມ ແລະ ໂດດເດັ່ນທີ່ສຸດ, ພ້ອມ ຍັງມີການຈັບສະຫລາກຫາຜູ້ໂຊກດີຮັບຂອງລາງວັນຕ່າງໆເປັນຕົ້ນ ໂທລະສັບຫົວເຫວີຍ, ຄູປອງເງິນສົດ, ກີ້ສາຍຄໍເປັນພະຄຳ 99,99%, ພິເສດ ຍັງໄດ້ເຊີນ ສິລະປິນນັກຮ້ອງວົງແບັກອາຍ ແລະ ດາລານັກສະແດງຈາກປະເທດເພື່ອນບ້ານເຂົ້າຮ່ວມງານດ່ັງກ່າວ, ເພື່ອສ້າງບັນຍາກາດເບີກບານມ່ວນຊື່ນຟົດຟື້ນ.
ທ່ານ ວິໄລສັກ ສຸລີຈັນ ກ່າວວ່າ: ໃນປີທີ 3 ນີ້, ຈະໄດ້ຈັດໂປຣໂມຊັ້ນພິເສດທີ່ມີ ຊື່ວ່າ: “ລວຍແຫລກແຈກໂຊກ4ຊັ້ນ” ຊື່ງມີຂອງລາງວັນ ລວມມູນຄ່າຫລາຍ ກວ່າ 300 ລ້ານກີບ, ໃນນັ້ນ ໂຊກຊັ້ນທີ 1: ແຈກທຸກມື້ແຈກຂອງ ສົມມະນາຄຸນຟຣີທັນທີ (ເສື້ອຢືດ, ຈອກ, ຄັນ ຫົ່ມ, ຫມໍ້ຕົ້ມນໍ້າ, ຫມໍ້ຫຸງເຂົ້າ, ຫມໍສຸກີ້ ແລະ ອື່ນໆ); ໂຊກຊັ້ນທີ 2: ແຈກທຸກທ້າຍເດືອນ ຄື: ຄຳໜັກ1ສະຫລືງ ຈຳນວນ 1 ລາງ ວັນ ແລະ ຄູປອງເງີນສົດ1 ແສນກີບຈຳນວນ 5 ລາງວັນ; ໂຊກຊັ້ນທີ 3: ແຈກໂຊກກາງ ປີ ແຫວນເພັດແທ້ 0.20 ກະຣັດ ຈຳນວນ 1 ລາງວັນ, ຄຳໜັກ1 ບາດ ຈຳນວນ 1 ລາງ ວັນ, ໂທລະສັບ Huawei P9 ຈຳນວນ 1 ລາງວັນ, ແຫວນຈັບເພັດCZ 1 ລາງວັນ ແລະ ອື່ນໆອີກ, ສ່ວນໂຊກຊັ້ນທີ 4: ແຈກໂຊກທ້າຍປີ ແມ່ນແຫວນ ເພັດແທ້, ຄຳແທ້, ໂທລະສັບ ແລະ ຂອງ ລາງວັນອື່ນໆອີກຢ່າງຫລວງຫລາຍ. ທຸກຄົນແມ່ນມີສິດໄດ້ຮັບລາງວັນທັງໝົດນີ້, ພຽງ ແຕ່ຊື້ສິນຄ້າຈາກຮ້ານສີຫອມມີສຸກ ຄົບ 1 ລ້ານກີບ, ຮັບທັນທີຄູປອງ 1 ໃບ, ເພື່ອລຸ້ນຮັບຂອງລາງວັນຕ່າງໆດັ່ງກ່າວ.
