ເມສຊີ ເຊັນສັນຍາຍາວກັບ ບາເຊໂລນາ ເຖິງປີ 2021
November 26, 2017 - 4:03 PM
ສຳນັກຂ່າວຕ່າງປະເທດລາຍງານວັນທີ 26 ພະຈິກວ່າ: ລິໂອເນລ ເມສຊີ ເຊັນສັນຍາສະບັບໃໝ່ກັບ ບາເຊໂລນາ ຮຽບຮ້ອຍແລ້ວ ຈົນເຖິງປີ 2021.
ໂດຍກ່ອນໜ້ານີ້ ເຖິງວ່າຈະມີຂ່າວວ່າ ເມສຊີ ແລະ ບາເຊໂລນາ ໄດ້ຕົກລົງເງື່ອນໄຂທາງວາຈາຮຽບຮ້ອຍແລ້ວ, ແຕ່ພັດບໍ່ມີຖະແຫລງການຢືນຢັນຈາກທັງສອງຝ່າຍ. ຫລ້າສຸດ ໂຈເຊບ ມາເຣຍ ບາຣໂຕເມວ ແລະ ລິໂອເນລ ເມສຊີ ໄດ້ຖະແຫລງຂ່າວຮ່ວມກັນ ເພື່ອຢືນຢັນການຕໍ່ສັນຍາສະບັບໃໝ່ອອກໄປອີກຈົນເຖິງປີ 2021. ນອກຈາກນີ້ ຍັງມີການລະບຸເງື່ອນໄຂຄ່າຈີກສັນຍາຂອງ ເມສຊີ ສູງເຖິງ 700 ລ້ານເອີໂຣ ເຊິ່ງຖືເປັນສະຖິຕິສູງທີ່ສຸດໃນປະຫວັດສາດກິລາບານເຕະ.
