ສວນພຶກສາບ່ອນທ່ອງທ່ຽວໃໝ່ທີ່ປະທັບໃຈ

ນັກທ່ອງທ່ຽວສ່ວນຫລາຍອາດຍັງບໍ່ທັນຮູ້ແລະສຳຜັດກັບ ບັນຍາກາດຕົວຈິງຂອງບ່ອນ ທ່ອງທ່ຽວແຫ່ງໃໝ່ໃນນະຄອນຫຼວງວຽງຈັນນັ້ນຄື “ສວນພຶກ ສາ” ເຫັນແລ້ວມີຄວາມປະທັບ ໃຈໃຫ້ຄວາມເພີດເພີນກັບການ ເລາະຊົມສວນນະວັດຕະກຳ ແປກໃໝ່ຫຼາກຫຼາຍສີສັນປະສານກັບທຳມະຊາດຢ່າງກົມກືນສຳ ຜັດໄດ້ກັບຄວາມສຸກ, ເຊິ່ງເປັນ ການລົງທຶນ ສ້າງຂອງນັກທຸລະ ກິດລາວ100% ຕັ້ງໃຈນຳເມັດ ເງິນກ້ອນໃຫຍ່ເຂົ້າເນລະມິດພຶ້ນ ແຜນດິນແຫ່ງນີ້ກາຍເປັນບ່ອນ ທ່ອງທ່ຽວໃໝ່ຕ້ອນຮັບປີທ່ອງ ທ່ຽວລາວ2018.

+ ແຂວງເຊກອງມີຫລາຍກິດຈະກຳທີ່ໜ້າທ່ຽວຊົມໃນປີທ່ອງທ່ຽວ

+ ເອົາໃຈໃສ່ຕື່ມການສ້າງສິ່ງອຳນວຍດຶງດູດນັກທ່ອງທ່ຽວ

ເມື່ອທ່ານເດີນທາງຈາກ ນະຄອນຫລວງວຽງຈັນໄປ ຕາມເສັ້ນທາງເລກທີ13 ເໜືອ ໄປປະມານ 22 ກິໂລແມັດ ກໍ່ຈະ ເຫັນເສັ້ນທາງມຸ້ງສູ່ “ສວນພຶກ ສາ”ຕັ້ງຢູ່ບ້ານດານຊີເມືອງນາ ຊາຍທອງນັ້ນເອງ ແລະ ທ່ານ ຈະໄດ້ສຳຜັດກັບບັນຍາກາດຕົວ ຈິງ. ດັ່ງທ່ານ ພູວົງ ພະມີສິດ ຜູ້ລົງ ທຶນເຮັດຕົວຈິງເປີດເຜີຍຕໍ່ນັກ ຂ່າວພວກເຮົາວ່າ: ມີຄວາມຕັ້ງ ໃຈສູງໃນການລົງທຶນ ຢ່າງມະຫາສານສ້າງສິ່ງແປກໃໝ່ມອບ ໃຫ້ແກ່ສັງຄົມກໍ່ຄືບ່ອນທ່ອງທ່ຽວ ທີ່ເປັນເອກກະລັກບໍ່ຄືບ່ອນໃດ ເພື່ອຮອງຮັບນັກນັກທ່ອງທ່ຽວ ມາທ່ຽວ ໃນນະຄອນຫຼວງວຽງ ຈັນ, ເມື່ອໄປຊົມຫໍພະແກ້ວ, ພະ ທາດຫຼວງ, ວັດສີສະເກດ, ປະຕູ ໄຊ, ແຄມຂອງແລ້ວກໍ່ສາມາດ ມາທ່ຽວຊົມສວນພຶກສາໄດ້ ແລະ ພັກເຊົາຢ່າງເຕັມອີ່ມກັບ ບັນຍາກາດແບບໃໝ່ໆໃນທີ່ນັ້ນ.

ທ່ານບອກວ່າ:ໃນສວນພຶກ ສານີ້ເມື່ອທ່ານເຂົ້າໄປຈະເຫັນໄດ້ ສວນດອກໄມ້, ປະຕິມະກຳໄດ ໂນເສົາ, ປະຕິມະກຳພະຍານາກ ທີ່ມີປະຫວັດຍາວນານ ໃນສະ ຖານທີ່ນັ້ນ, ປະຕິມະກຳແບ້ຄຳ ນຳໂຊກ,ປະຕິມະກຳນ້ຳຕົກ, ຈຸດ ຖ່າຍຮູບຕ່າງໆ, ຂົວແຫ່ງຄວາມ ຮັກ, ປະຕູສູ່ສະຫວັນ, ຕູບພັກ ຜ່ອນແບບດັ້ງເດີມ, ແບບທັນສະ ໄໝ, ສວນໄມ້ປະດັບ, ສວນໄມ້ ໃຫ້ໝາກ, ສວນແບບຝຣັ່ງ, ສວນ ຜັກປອດສານພິດ ແລະ ມີສະໂມ ສອນສະແດງສິນລະປະ, ຈັດ ກອງປະຊຸມ, ຈັດກິດຈະກຳ, ຫ້ອງວາງສະແດງຂາຍສິນ ຄ້າທີ່ລະນຶກ, ບໍລິການອາຫານ ແບບລາຄາປະທັບໃຈ, ບໍລິ ການລົດຂີ່ເລາະຊົມ, ບໍລິການ ຂີ່ມ້າ ແລະ ນອກຈາກນີ້ກໍ່ມີ ຈຳລອງເຮືອນຊົນເຜົ່າຕ່າງໆ ນຳອີກ.

ເຈົ້າຂອງກິດຈະການ ເວົ້າວ່າ: ໃນລະຫວ່າງວັນທີ14-20 ທັນວານີ້ສວນພຶກສາ ຈະໄດ້ ຮ່ວມກັບຊາວບ້ານຈັດ ງານບຸນກິນຈຽງຢູ່ທີ່ນັ້ນ, ຈະ ມີກິດຈະກຳງານສະແດງສິນ ລະປະລວມທັງເລົ່ານັກສິລະ ປິນຊື່ດັງມາຮ່ວມຄອນເສີດ, ຈະມີການເປີດຕົວນາງງາມ ລາວ, ນາງງາມນະຄອນຫຼວງ ນາງສາວ ປະຕິທິນ, ຊາຍງາມ 30 ຄົນທີ່ ຜ່ານການປະກວດ ແລ້ວ, ມີໂຍນໝາກຄອນ, ຕີ ໝາກຄ່າງ, ແຂ່ງຂັນບານເຕະ, ງົວຊົນງົວ, ຕະຫຼາດນັດ ແລະ ອື່ນໆຕາມປະເພນີລາວເຜົ່າ ມົ້ງ. ນີ້ກໍ່ເພື່ອ ເປີດບັນຍາກາດ ສູ່ປີທ່ອງທ່ຽວລາວ 2018 ໃຫ້ ບັນລຸຜົນສຳເລັດສູງ.