ຄະນະຜູ້ແທນສະມາຄົມມິດຕະພາບແຂວງຄຳມ່ວນ ແລະ ນະຄອນດານັ່ງພົບປະແລກປ່ຽນດ້ານການພັດທະນາເສດຖະກິດ

ການພົບປະສອງຝ່າຍ ຂອງສະມາຄົມມິດຕະພາບ ແຂວງ ຄຳມ່ວນ ແລະ ນະຄອນ ດານັ່ງ ສສ ຫວຽດນາມ ໄດ້ມີຂຶ້ນ ໃນ ວັນທີ 22 ພະຈິກນີ້, ທີ່ແຂວງ ຄຳມ່ວນ ເຊິ່ງຝ່າຍ ນະຄອນດາ ນັ່ງນຳໂດຍທ່ານ ຟຸ່ງ ເຕິ້ນ ວຽດ, ຫົວໜ້າຄະນະຄຸ້ມຄອງ ເຂດເທັກໂນໂລຊີລະດັບສູງ, ຮອງປະທານສະມາຄົມມິດຕະພາບຫວຽດນາມ-ລາວ ຂັ້ນສູງ ກາງ, ປະທານສະມາຄົມມິດ ຕະພາບຫວຽດນາມ-ລາວ ນະ ຄອນດານັ່ງ ແລະ ຝ່າຍລາວນຳ ໂດຍທ່ານ ສິງເພັດ ແກ້ວໂສພາ, ຫົວໜ້າພະແນກພະລັງງານ ແລະ ບໍ່່ແຮ່, ຮອງປະທານ ສະມາ ຄົມ ມິດຕະພາບລາວ- ຫວຽດ ນາມ ແຂວງຄຳມ່ວນ, ພ້ອມ ດ້ວຍຄະນະເຂົ້າຮ່ວມ.

+ ຄະນະຜູ້ແທນສະມາຄົມນັກຂ່າວ ສສ ຫວຽດນາມຢ້ຽມຢາມ ສປປ ລາວ

+ ສະມາຄົມນັກຂ່າວລາວ ແລະ ນະຄອນເຊີນເຈີນຮ່ວມແລກປ່ຽນບົດຮຽນ

ສອງຝ່າຍໄດ້ລາຍງານ ກ່ຽວກັບສະພາບຈຸດພິເສດ, ການພັດທະນາເສດຖະກິດ-ສັງຄົມຂອງຕົນໃຫ້ກັນໄດ້ຮັບຊາບ. ເຊິ່ງລາວ-ຫວຽດນາມ ເປັນປະ ເທດບ້ານໃກ້ເຮືອນຄຽງທີ່ມີພູ ຜາປ່າໄມ້ ແລະ ແມ່ນ້ຳລຳເຊຕິດ ຈອດກັນ, ປະຊາຊົນສອງຊາດ ມີມູນເຊື້ອພົວພັນມິດຕະພາບ ສະນິດຕິພັນກັນຢ່າງໜຽວແໜ້ນມາແຕ່ດົນນານ ແລະ ນັບມື້ນັບ ໄດ້ຮັບການເສີມ ຂະຫຍາຍຂຶ້ນ ໄປເລື້ອຍໆ, ຄວາມຜູກພັນຖານ ອ້າຍນ້ອງລະຫວ່າງປະຊາຊົນ ສອງຊາດ ນັບມື້ຂະຫຍາຍຕົວ ການພົວພັນມິດຕະພາບອັນເປັນ ມູນເຊື້ອຄວາມສາມັກຄີແບບພິ ເສດ ແລະ ການຮ່ວມມືຮອບ ດ້ານລະຫວ່າງສອງພັກ, ສອງ ລັດ ແລະ ປະຊາຊົນສອງຊາດ ນັບມື້ກ້າວສູ່ລວງເລິກ ແລະ ແຕກ ດອກອອກຜົນຫງອກງາມ ຍິ່ງໆຂຶ້ນ.

ການພົບປະດັ່ງກ່າວ ທັງ ສອງຝ່າຍໄດ້ຮ່ວມປຶກສາຫາລື ການພົວພັນຮ່ວມມືໃນຫຼາຍດ້ານ ໂດຍສະເພາະແມ່ນ ດ້ານການ ຄ້າ-ການລົງທຶນ, ການແລກ ປ່ຽນບົດຮຽນໃນດ້ານຕ່າງໆ, ການສືບຕໍ່ຊ່ວຍເຫຼືອພັດທະນາ ຊັບ ພະຍາກອນມະນຸດ ແລະ ອຳ ນວຍຄວາມສະດວກໃຫ້ແກ່ນັກສຶກສາແຂວງຄຳມ່ວນ ທີ່ໄປສຶກ ສາທີ່ນະຄອນດານັ່ງ, ລວມເຖິງ ວຽກງານກະສິກຳ ແລະ ການບໍ ລິການອື່ນໆອີກ. ໃນໂອກາດນີ້ ຝ່າຍຄະນະຜູ້ແທນນະຄອນດາ ນັ່ງກໍ່ໄດ້ມອບທຶນການສຶກສາໃຫ້ແກ່ແຂວງຄຳມ່ວນຕື່ມອີກ 12 ທຶນ, ພ້ອມດ້ວຍເຄື່ອງຄອມພິວ ເຕີ ແລະ ປຶ້ມມິດຕະພາບພິເສດ ລະຫວາງກວາງນາມ, ດານັ່ງ- ລາວ ຈຳນວນໜຶ່ງ.