ມູນຄ່າການຄ້າຕ່າງປະເທດ ປະຈໍາເດືອນພະຈິກ ປີ 2024 ປະຕີບັດໄດ້ 1,428 ລ້ານໂດລາສະຫະລັດ

ມູນຄ່າການນໍາເຂົ້າ ແລະ ສົ່ງອອກ ສິນຄ້າ (ບໍ່ລວມໄຟຟ້າ) ຂອງ ສປປ ລາວ ປະຈໍາ ເດືອນພະຈິກ 2024 ບັນລຸໄດ້ 1,428 ລ້ານໂດລາສະຫະລັດ.

ສິນຄ້າສົ່ງອອກຕົ້ນຕໍ 
ມູນຄ່າການສົ່ງອອກສິນຄ້າທັງໝົດ ປະຕິບັດໄດ້ ປະມານ 610 ລ້ານໂດລາສະຫະລັດ ເພີ່ມຂື້ນ 3% ທຽບໃສ່ ເດືອນຕຸລາ ຜ່ານມາ. ໃນນີ້, ສິນຄ້າສົ່ງອອກຫຼັກ ປະກອບມີ: ຄໍາປະສົມ, ຄຳແທ່ງ 85 ລ້ານໂດລາສະຫະລັດ, ເຄື່ອງໃຊ້ໄຟຟ້າ ແລະ ອຸປະກອນເຄື່ອງໃຊ້ໄຟຟ້າ 72 ລ້ານໂດລາສະຫະລັດ, ຢາງພາລາ 62 ລ້ານໂດລາສະຫະລັດ, ເກືອກາລີ 52 ລ້ານໂດລາສະຫະລັດ, ເຈ້ຍ ແລະ ເຄື່ອງທີ່ເຮັດດ້ວຍເຈ້ຍ 36 ລ້ານໂດລາສະຫະລັດ, ແຮ່ທອງ 28 ລ້ານໂດລາສະຫະລັດ, ເຍື່ອໄມ້ ແລະ ເສດເຈ້ຍມັນຕົ້ນ 24 ລ້ານໂດລາສະຫະລັດ, ເຄື່ອງນຸ່ງຫົ່ມ 23 ລ້ານໂດລາສະຫະລັດ ແລະ ມັນຕົ້ນ 6 ລ້ານໂດລາສະຫະລັດ.

ສິນຄ້ານໍາເຂົ້າຕົ້ນຕໍ  
ມູນຄ່າການນຳເຂົ້າສິນຄ້າທັງໝົດ ປະຕິບັດໄດ້ປະມານ 818 ລ້ານໂດລາສະຫະລັດ ເພີມຂື້ນ 29% ທຽບໃສ່ ເດືອນຕຸລາ ຜ່ານມາ. ໃນນີ້, ສິນຄ້ານໍາເຂົ້າຫຼັກປະກອບມີ: ອຸປະກອນກົນຈັກ (ນອກຈາກເຄື່ອງກົນຈັກພາຫະນະ) 162 ລ້ານໂດລາສະຫະລັດ, ນໍ້າມັນກາຊວນ 91 ລ້ານໂດລາສະຫະລັດ, ພາຫະນະທາງບົກ (ນອກຈາກລົດຈັກ,ລົດໄຖ) 59 ລ້ານໂດລາສະຫະລັດ, ຜະລິດຕະພັນເຄມີປະສົມສໍາເລັດຮູບ 43 ລ້ານໂດລາສະຫະລັດ, ເຫຼັກ ແລະ ເຄື່ອງທີ່ເຮັດດ້ວຍເຫຼັກ, ເຫຼັກກ້າ 32 ລ້ານໂດລາສະຫະລັດ, ເຄື່ອງໃຊ້ທີ່ເຮັດດ້ວຍພລາສະຕິກ 25 ລ້ານໂດລາສະຫະລັດ, ເຄື່ອງໄຟຟ້າ ແລະ ອຸປະກອນໄຟຟ້າ 24 ລ້ານໂດລາສະຫະລັດ, ເຍື່ອໄມ້ ແລະ ເສດເຈ້ຍ 22 ລ້ານໂດລາສະຫະລັດ, ເຄື່ອງດື່ມ (ນໍ້າ, ນໍ້າອັດລົມ, ຊູກໍາລັງ…) 22 ລ້ານໂດລາສະຫະລັດ ແລະ ນໍ້າມັນແອັດຊັງ, ແອັດຊັງພິເສດ 16 ລ້ານໂດລາສະຫະລັດ.

5 ອັນດັບປະເທດ ທີ່ ສປປ ລາວ ສົ່ງອອກຫຼາຍ

ປະກອບມີ: ຈີນ ປະມານ 201 ລ້ານໂດລາສະຫະລັດ; ຫວຽດນາມ ປະມານ 159 ລ້ານໂດລາສະຫະລັດ, ໄທ ປະມານ 91 ລ້ານໂດລາສະຫະລັດ, ອົດສະຕາລີ ປະມານ 43 ລ້ານໂດລາສະຫະລັດ ແລະ ສ.ອາເມລິກາ ປະມານ 35 ລ້ານໂດລາສະຫະລັດ. 

5 ອັນດັບປະເທດ ທີ່ ສປປ ລາວ ນໍາເຂົ້າຫຼາຍ ທີ່ສຸດ ປະກອບມີ
 ໄທ ປະມານ 312 ລ້ານໂດລາສະຫະລັດ, ຈີນ ປະມານ 266 ລ້ານໂດລາສະຫະລັດ, ຫວຽດນາມ ປະມານ 97 ລ້ານໂດລາສະຫະລັດ, ສ.ອາເມລິກາ ປະມານ 18 ລ້ານໂດລາສະຫະລັດ ແລະ ຍີ່ປຸ່ນ ປະມານ 16 ລ້ານ ໂດລາສະຫະລັດ.
 
ມູນຄ່າການນໍາເຂົ້າ ແລະ ສົ່ງອອກ ປະຈໍາພະຈິກ ປີ 2024 ແມ່ນຍັງບໍ່ລວມເອົາມູນຄ່າການນໍາເຂົ້າ ແລະ ສົ່ງອອກ ໄຟຟ້າ (ສໍາລັບມູນຄ່າການນຳເຂົ້າ ແລະ ສົ່ງອອກ ໄຟຟ້າ ພວກເຮົາຈະເອົາລົງພາຍຫຼັງທີ່ເກັບກໍາຕົວເລກສະຖິຕິໄດ້ຄົບຖ້ວນ ແລະ ຊັດເຈນແລ້ວ).

ທີ່ມາ: laotradeportal.gov.la