ເຕືອນການສັນຈອນ ! ມີການສ້ອມແປງ ຢູ່ເສັ້ນທາງ R3 ແລະ R3B  ເມືອງຫ້ວຍຊາຍ ແຂວງບໍ່ແກ້ວ ຫາ ແຂວງຫລວງນໍ້າທາ

ວັນທີ 26 ທັນວາ 2024 ນີ້ ແຂວງບໍ່ແກ້ວ ອອກແຈ້ງການເຖິງຜູ້ສັນຈອນຮັບຊາບວ່າ: ຈະໄດ້ມີການສ້ອມແປງຖົມຂຸມເສັ້ນທາງ R3 ແລະ R3B, ແຕ່ບ້ານນໍ້າເກິ່ງໃໝ່ – ຫ້ວຍຊາຍ – ກິ່ວອ້ອມ (ຊາຍແດນແຂວງບໍ່ແກ້ວ ແລະ ແຂວງຫຼວງນໍ້າທາ), ເພື່ອຄວາມເປັນ ລະບຽບຮຽບຮ້ອຍ ແລະ ຮັບປະກັນຕໍ່ຄວາມປອດໄພໃນການສັນຈອນ ໄປ-ມາ ຂອງຜູ້ຊົມໃຊ້ເສັ້ນທາງດັ່ງກ່າວ:

1. ການສັນຈອນໄປ-ມາ ໃຫ້ຫຼຸດຜ່ອນຄວາມໄວການຂັບຂີ່ລົງ ຫຼື ຢຸດຊົ່ວຄາວ, ໃນຊ່ວງຈຸດທີ່ດໍາເນີນການ ສ້ອມແປງຖົມຂຸມ ຕາມເສັ້ນທາງດັ່ງກ່າວ.

2. ທຸກພາກສ່ວນທີ່ກ່ຽວຂ້ອງ ຈົ່ງໃຫ້ຄວາມຮ່ວມມື, ອໍານວຍຄວາມສະດວກ ແກ່ບໍລິສັດທີ່ເຄື່ອນໄຫວ ສ້ອມແປງຖົມຂຸມ ເປັນຕົ້ນແມ່ນ: ພາຫະນະກົນຈັກ, ບຸກຄະລະກອນ ແລະ ຈຳນວນແຮງງານ.

ດັ່ງນັ້ນ, ຈຶ່ງແຈ້ງມາຍັງບັນດາທ່ານ ເພື່ອຊາບ ແລະ ພ້ອມກັນຈັດຕັ້ງປະຕິບັດໃຫ້ໄດ້ຮັບຜົນດີ.