ຄົນເຢຍລະມັນພ້ອມເລືອກຕັ້ງໃໝ່ ຫລັງນາງ ແມເຄິລ ຕັ້ງລັດຖະບານບໍ່ໄດ້
ຜົນສຳຫລວດຄວາມຄິດເຫັນຂອງຊາວເຢຍລະມັນໃນອາທິດນີ້ພົບວ່າ: ເຄິ່ງໜຶ່ງຕ້ອງການໃຫ້ມີການເລືອກຕັ້ງຄັ້ງໃໝ່, ພາຍຫລັງນາຍົກລັດຖະມົນຕີ ອັງເກລາ ແມເຄິລ ລົ້ມເຫລວໃນການເຈລະຈາຕັ້ງລັດຖະບານປະສົມຮ່ວມກັບພັກນ້ອຍອີກ 2 ພັກ.
Angela Merkel managed to overcome every challenge she's faced so far.
And then came the @fdp's Christian Lindner #JamaikaAbbruch pic.twitter.com/Bak0TbG7XH
— DW News (@dwnews) November 20, 2017
ສຳນັກຂ່າວຕ່າງປະເທດລາຍງານຈາກນະຄອນຫລວງເບີລິນ ປະເທດເຢຍລະມັນ ໃນວັນທີ 22 ພະຈິກວ່າ: ຜົນສຳຫລວດຄວາມຄິດເຫັນປະຊາຊົນ ໂດຍສຳນັກວິໄຈ “ອິນຊາ” ສຳລັບໜັງສືພິມ “ບິລ” ເຊິ່ງເປັນສື່ສິ່ງພິມລາຍໃຫຍ່ທີ່ສຸດຂອງເຢຍລະມັນ ພົບວ່າ: 49,9% ຕ້ອງການໃຫ້ມີການເລືອກຕັ້ງທົ່ວໄປຄັ້ງໃໝ່ ພາຍຫລັງພັກສະຫະພາບປະຊາທິປະໄຕຄຣິສຕຽນແຫ່ງເຢຍລະມັນ (CDU) ພາຍໃຕ້ການນຳພາຂອງນາຍົກລັດຖະມົນຕີ ອັງເກລາ ແມເຄິລ ເຊິ່ງຊະນະການເລືອກຕັ້ງໃນວັນທີ 24 ກັນຍາຜ່ານມາ ປະສົບຄວາມລົ້ມເຫລວໃນການເຈລະຈາຕັ້ງລັດຖະບານຮ່ວມກັບພັກປະຊາທິປະໄຕເສລີ (FDP) ເຊິ່ງມີຖານສຽງຫລັກເປັນຂະແໜງທຸລະກິດເອກະຊົນ ແລະ ພັກກຣີນ.
President #Steinmeier warns of repercussions in Europe if #Germany's political forces fail to form a government. Two months after elections, coalition talks have collapsed after the @FDP walked out. Snap elections could still be on the cards: pic.twitter.com/LoevW0BfNy
— DW Politics (@dw_politics) November 20, 2017
ຂະນະທີ່ 48,5% ຂອງຜູ້ຕອບແບບສອບຖາມເບິ່ງວ່າ: ພັກສັງຄົມປະຊາທິປະໄຕ (SPD) ເຊິ່ງເປັນພັກການເມືອງອັນດັບ 2 “ຕັດສິນໃຈຖືກແລ້ວ” ທີ່ປະຕິເສດການຮ່ວມລັດຖະບານກັບພັກ CDU ໃນຄັ້ງນີ້, ເຖິງວ່າຍັງມີອີກ 18% ຕ້ອງການໃຫ້ພັກ SPD ຮ່ວມລັດຖະບານໃນຖານະ “ລັດຖະບານປະສົມໃໝ່”. ນອກຈາກນີ້ 28% ເບິ່ງຄວາມລົ້ມເຫລວຂອງການເຈລະຈາຕັ້ງລັດຖະບານປະສົມລະຫວ່າງພັກ CDU ກັບພັກ FDP ແລະ ພັກກຣີນ ວ່າເປັນ “ຄວາມຜິດ” ຂອງທ່ານ ຄຣິສຕຽນ ລິນເນີ ຫົວໜ້າພັກ FDP ເຊິ່ງບໍ່ສາມາດບັນລຸມະຕິຕໍ່ນະໂຍບາຍຜູ້ອົບພະຍົບຕາມແນວທາງຂອງພັກ CDU ໄດ້, ແຕ່ອີກ 27% ເບິ່ງເປັນ “ຄວາມຜິດ” ຂອງນາງ ແມເຄິລ.
