ຄະນະໂຄສະນາອົບຮົມສູນກາງພັກເຜີຍແຜ່ເນື້ອໃນກອງປະຊຸມວຽກງານກວດກາທົ່ວປະເທດ
ໃນວັນທີ 5 ເມສານີ້ຄະນະໂຄສະນາອົບຮົມສູນກາງພັກ (ຄອສພ), ໄດ້ຈັດເຜີຍແຜ່ເນື້ອໃນຂອງກອງປະຊຸມວຽກງານກວດກາທົ່ວປະເທດປະຈຳປີ 2016 ແລະ ທິດທາງແຜນການປີ 2017, ໂດຍການເປັນປະທານຂອງທ່ານ ຄຳໝັ້ນ ຈັນທະລັງສີ ຮອງຄະນະໂຄສະນາອົບຮົມສູນກາງພັກ.
ຈຸດປະສົງຂອງການເຜີຍແຜ່ເນື້ອໃນດັ່ງກ່າວເພື່ອສຶກສາອົບຮົມໃຫ້ສະມາຊິກພັກ, ພະນັກງານ-ລັດຖະກອນພາຍໃນ ຄອສພ ໄດ້ຮັບຮູ້ເຂົ້າໃຈບົດບາດ, ຄວາມສຳຄັນ ແລະ ຜົນງານການເຄື່ອນໄຫວຂອງວຽກງານກວດກາພັກ-ລັດ ກໍຄືຂອງ ຄອສພ ໃນໄລຍະ 1 ປີຜ່ານມາ ແລະ ທິດທາງແຜນການປີ 2017, ເພື່ອປຸກລະດົມຈິດໃຈພະນັກງານທີ່ເຮັດວຽກງານກວດກາໃຫ້ຍົກສູງຄວາມຮັບຜິດຊອບຕໍ່ວຽກງານຂອງຕົນ, ສ້າງເງື່ອນໄຂອຳນວຍໃຫ້ພະນັກງານ-ລັດຖະ
ກອນໄດ້ເຂົ້າຮ່ວມວຽກງານກວດກາເປັນຂະບວນກວ້າງຂວາງກວ່າເກົ່າ, ແນ່ໃສ່ຍົກສູງບົດບາດຂອງວຽກງານກວດກາ, ໂດຍສະເພາະບົດບາດຂອງການນຳພາຂອງ ຄອສພ ເພື່ອຮັບປະກັນການປະຕິບັດໜ້າທີ່ການເມືອງຂອງຕົນໃຫ້ໄດ້ຮັບຜົນດີກວ່າເກົ່າ.
