ຫລວງພະບາງຕິດຕັ້ງຊິງຊັ່ງລະບົບດີຈິຕອນ ຮັບປະກັນຄວາມເປັນທຳກັບຜູ້ບໍລິໂພກຫລາຍຂຶ້ນ

ທ່ານ ຊົມຊື່ນ ໄຊເກີຢາຈົ່ງຕົວ ຫົວໜ້າພະແນກ ອຸດສາຫະກຳ ແລະການຄ້າແຂວງ ໃຫ້ສຳພາດຕໍ່ຂ່າວວິທະຍຸ-ໂທລະພາບແຂວງຫລວງພະບາງວັນທີ 19 ທັນວາ 2024ນີ້ວ່າ: ປັດຈຸບັນຫລວງພະບາງ ໄດ້ ປຸກລະດົມໃຫ້ຜູ້ປະກອບການຊື້ຂາຍແລກປ່ຽນສິນຄ້າໄດ້ມີການຫັນປ່ຽນຈາກການນໍາໃຊ້ຊິງຊັ່ງ-ຜອງແບບທໍາມະດາ ມາໃຊ້ຊິງຊັ່ງ-ຜອງລະບົບດິຈິຕອນ ເປັນເອກະພາບກັນ ເພື່ອໃຫ້ມີຄວາມສະດວກສະ ບາຍ, ມີຄວາມຍຸຕິທຳຕໍ່ຜູ້ຊື້ ແລະ ຜູ້ຮຽກຮ້ອງມາຍັງ ພະນັກງານ, ທະຫານ, ຕຳຫຼວດ, ຜູ້ປະກອບການທຸລະກິດ, ປະຊາຊົນບັນດາເຜົ່າ ຈົ່ງເປັນເຈົ້າການໃນການໃນການຊື້-ຂາຍ, ຖ້າຫາກບໍ່ໝັ້ນໃຈຕໍ່ສິນຄ້າທີ່ຕົນເອງຊື້ເປັນຕົ້ນ ຊີ້ນ, ເຂົ້າ, ປາ ໃຫ້ບັນດາທ່ານໄປຊັ່ງຊິງກາງທີ່ຕິດຕັ້ງໄວ້ ແຕ່ລະຈຸດໃນຕະຫຼາດ. ການຕິດຕັ້ງຊິງກາງ ແລະ ຕິດຕັ້ງປາຍກຳນົດລາຄາສິນຄ້າ ເປັນການສ້າງຄວາມໂປ່ງໃສໃຫ້ແກ່ ຜູ້ຂາຍ ແລະ ຜູ້ຊົມໃຊ້ສິນຄ້າ,ຕັດບັນຫາຫາງສຽງ ຂອງສັງຄົມ ໃນການເອົາລັດເອົາປຽບທາງດ້ານປະລິມານ ແລະ ຄຸນນະພາບ. ພ້ອມນີ້ຍັງຮຽກຮອງໃຫ້ຊື້ຂາຍດ້ວຍເງິນກີບລາວ, ພ້ອມຊຸກຍູ້ສົ່ງເສີມຜະລິດຕະພັນພາຍໃນໃຫ້ຫລາຍຂຶ້ນ.

ການນຳໃຊ້ຊິງຊັ່ງ- ຜອງລະບົບດີຈິຕອນ ເພື່ອຜົນປະໂຫຍດທັງຜູ້ຊື້ ແລະ ຜູ້ຂາຍ, ໂດຍຕັ້ງຢູ່ 4 ຈຸດ ຄື: ຈຸດຂາຍເຂົ້າ, ຈຸດຂາຍຜັກ ຈຸດລະ 1 ໜ່ວຍ ແລະ ຈຸດຂາຍຊີ້ນ 2 ໜ່ວຍ ເບື້ອງຕົ້ນແມ່ນໄດ້ຕິດຕັ້ງຢູ່ຕະຫລາດໂພສີ, ແລະ ຕະຫລາດຊຸມຊົນ, ຕະຫລາດເຊົ້າບ້ານປ່າຂາມ, ຕະຫລາດຟອງສະຫວັນ, ຕະຫລາດມະໂນລັກ ແລະ ຕະຫລາດຊົນເຜົ່າມົ້ງບ້ານພູເຫລັກຈະເລີນ ທີ່ເປັນຈຸດຊື້-ຂາຍຫລັກ ຂອງປະຊາຊົນພາຍໃນນະຄອນຫລວງພະບາງ ປັດຈຸບັນແມ່ຄ້າຊາວຂາຍໄດ້ຫັນມາຊົມໃຊ້ຊິງດີຈິຕອນຫລາຍຂຶ້ນ.

ທີ່ມາ: ໂທລະພາບແຂວງຫລວງພະບາງ