ສະຫວັນນະເຂດເປີດຂະບວນການຜະລິດພືດລະດູແລ້ງວາງຄາດໝາຍປູກເຂົ້າໃຫ້ໄດ້ 30.000 ກວ່າເຮັກຕາ
ເມື່ອມໍ່ໆມານີ້, ພະແນກກະ ສິກຳ ແລະ ປ່າໄມ້ແຂວງ ສະ ຫວັນນະເຂດ ແລະ ເມືອງພະລານ ໄຊໄດ້ຮ່ວມກັນເປີດລະດູການຜະ ລິດພືດລະດູແລ້ງຂຶ້ນທີ່ໂຄງການ ຊົນລະປະທານຈັກສູບນ້ຳບ້ານ ພະນົມໄຊ ເມືອງພະລານໄຊ ໂດຍ ການ ເຂົ້າຮ່ວມຂອງ ທ່ານ ບຸນ ຂວາງ ຄຳມູນເຮືອງ ຮອງ ລັດຖະ ມົນຕີກະຊວງກະສິກຳ ແລະ ປ່າ ໄມ້, ທ່ານ ກົງແກ້ວ ມີວໍລະຈັກ ເຈົ້າ ເມືອງພະລານໄຊ, ທ່ານ ຫົວໜ້າ ພະແນກກະສິກຳ ແລະ ປ່າໄມ້ ແຂວງ ແລະ ກຸ່ມຊາວນາເຂົ້າ ຮ່ວມຢ່າງຫລວງຫລາຍ ແລະ ໄດ້ວາງຄາດໝາຍປູກເຂົ້າ ນາແຊງໃຫ້ໄດ້ຫລາຍກວ່າ 30.000 ເຮັກຕາ.
+ ຊາວບ້ານດົງໝາກຢາງ, ໂພນສູງ, ບ້ານຍາງສູງໄດ້ຮຽນຮູ້ເຕັກນິກປູກເຂົ້າ
+ ປີນີ້ເຊກອງວາງຄາດໝາຍປູກເຂົ້າໃຫ້ໄດ້ 10 ພັນກວ່າເຮັກຕາ
ການເປີດຂະບວນການຜະ ລິດພືດລະດູແລ້ງປີນີ້ແມ່ນໄດ້ຕິດ ພັນກັບການສາທິດໃນການຕົກ ກ້ານາແຊງ, ການປູກເຂົ້າດ້ວຍ ການຢອດເມັດແຫ້ງ-ຢອດເມັດ ປຽກ, ການໄຖຖົກ ຕຳເຟືອງ ພາຍຫລັງເກັບກ່ຽວສຳເລັດ ແລະ ການສັກຢາປ້ອງກັນພະ ຍາດສັດເນື່ອງໃນໂອກາດວັນສັກ ຢາກັນພະຍາດສັດແຫ່ງຊາດ 11 ພະຈິກ ແລະ ວັນຊົນລະປະທານ ແຫ່ງຊາດ 3 ພະຈິກ. ເຊິ່ງເມືອງ ພະລານໄຊ ແມ່ນໄດ້ເລືອກເອົາ ນ້ຳເຊຊັງຊອຍເປັນແຫລ່ງນ້ຳທີ່ ສະໜອງເນື້ອທີ່ທຳການຜະລິດ ພືດລະດູແລ້ງຂອງຊາວກະສິ ກອນເພື່ອຮັບປະກັນໃຫ້ການຜະ ລິດສະບຽງອາຫານໄດ້ພຽງພໍ ກັບຄວາມຕ້ອງການ ແລະ ຂາຍ ເປັນສິນຄ້າໂດຍທາງແຂວງ ແລະ ພາກສ່ວນກ່ຽວຂ້ອງໄດ້ມີ ຄວາມພະຍາຍາມຕັດສິນໃຈພັດ ທະນາລະບົບຄອງຊົນລະປະ ທານ ແລະ ຕິດຕັ້ງຈັກສູບນ້ຳ ເພື່ອສະໜອງນ້ຳໃສ່ເນື້ອທີ່ການ ຜະລິດຂອງ ປະຊາຊົນໄດ້ພຽງພໍ.
ຈາກນັ້ນທ່ານຮອງລັດຖະ ມົນຕີກະຊວງກະສິກຳ ແລະ ປ່າ ໄມ້, ເຈົ້າເມືອງພະລານໄຊ, ກົມ ຊົນລະປະທານ ແລະ ພະແນກ ກະສິກຳ ແລະ ປ່າໄມ້ແຂວງກໍໄດ້ ຮ່ວມກັນຕີຄ້ອງ ແລະ ຕັດແຖບ ຜ້າເປີດລະດູການຜະລິດລະດູ ແລ້ງຢ່າງເປັນທາງການດ້ວຍ ການລົງມືຕົກກ້ານາແຊງ ແລະ ປູກເຂົ້າດ້ວຍການຢອດເມັດຢ່າງ ເປັນຂະບວນຟົດຟື້ນ.
