ສະວອນຊີ ຄອງຂັນຊະນະເລີດເຕະບານ 7 ຄົນ ລາວແຟນຄລັບ ພຣີເມຍລີກ ອັງກິດ 2 ສະໄໝຊ້ອນ

ສະວອນຊີ ຊິຕີ້ ລາວແຟນ ຄລັບ ຊະນະເລີດເຕະບານ 7 ຄົນ ລາຍການລາວແຟນຄລັບ ພຣີເມຍລີກ ອັງກິດ ປະຈໍາປີ 2017 ( LAO EPL FAN CLUB ) ຫລັງຊະນະເຊົາ ແຮມຕັນ ລາວແຟນຄລັບ 11-3 ປະຕູ ເກັບເພີ່ມເປັນ 27 ຄະແນນ ຈາກ 11 ນັດ ບຽດອັນດັບ 2 ເຊລຊີ ລາວແຟນຄລັບ ພຽງ 1 ຄະແນນ ກ່ອນຄວ້າຂັນຊະນະ ເລີດສະໄໝທີ 2 ຕິດຕໍ່ກັນໄປ ຄອງໄດ້ສໍາເລັດ. ຂະນະທີ່ອັນ ດັບ 3 ເປັນຂອງເບີມິງແຮມ ລາວແຟນຄລັບ.
ການແຂ່ງຂັນເຕະບານ 7 ຄົນ ລາວແຟນຄລັບ ພຣີເມຍລີກ ອັງກິດ ປະຈໍາປີ 2017 ປິດລົງ ຢ່າງເປັນທາງການ ໃນວັນທີ 19 ພະຈິກນີ້ ທີ່ສະໜາມລ້ານ ຊ້າງ ອິນດໍ ໃຫ້ກຽດເຂົ້າຮ່ວມ ໂດຍ ທ່ານ ວຽງສະຫວັນ ແສງ ຈັນ ປະທານສະຫະພັນບານເຕະ ນະຄອນຫລວງວຽງຈັນ ພ້ອມ ດ້ວຍພາກສ່ວນກ່ຽວຂ້ອງ, ຄູຝຶກ, ນັກກິລາ ແລະ ແຟນບານ ເຂົ້າຮ່ວມເປັນຈຳນວນຫລາຍ.
ຂະນະດຽວກັນນັ້ນ ທີມສະ ວອນຊີ ສາມາດເອົາຊະນະເຊົາ ແຮມຕັນໃນນັດສຸດທ້າຍຂອງ ການແຂ່ງຂັນປີນີ້ໄປແບບບໍ່ເຫັນຝຸ່ນ 11-3 ປະຕູ ເກັບເພີ່ມເປັນ 27 ຄະແນນຈາກ 11 ນັດໄດ້ຂັນ ຊະນະເລີດໄປຄອງ ແລະ ເປັນ ແຊ໊ມສະໄໝທີ 2 ຕິດຕໍ່ກັນ, ສ່ວນ ເຊລຊີ ລົງ 11 ນັດມີ 26 ຄະ ແນນໄດ້ຮອງແຊ໊ມໄປຄອງ.
ສ່ວນ ເບີມິງແຮມ ຊິຕີ້ ລາວ ແຟນຄລັບເຖິງຈະເສຍນັດສຸດ ທ້າຍໃຫ້ເຊລຊີ 3-4 ປະຕູ ແຕ່ຍັງ ມີ 21 ຄະແນນຄວ້າອັນດັບ 3 ໄປຄອງ, ອັນດັບ 4 ເປັນຂອງ ທ໊ອດແນມ ຮ໊ອດສະເປີ ມີ 18 ຄະແນນ, ອັນດັບ 5 ແມນຊິຕີ້ ມີ 16 ຄະແນນ, ອັນດັບ 6 ຊັນເດີ ແລນ ມີ 15 ຄະແນນ, ອັນດັບ 7 ເດີຄ໋ອບ ອິນລາວ ມີ 15 ຄະ ແນນ, ອັນດັບ 8 ແມນເຊສເຕີ ຢູໄນເຕັດ 13 ຄະແນນ, ອັນດັບ 9 ເຊົາແຮມຕັນ ມີ 12 ຄະແນນ ແລະ ອັນດັບ 10 ນີວຄາສເຊິລ ມີ 10 ຄະແນນ, ສ່ວນ ອາເຊ ນອລ ລົງສະໜາມ 11 ນັດມີ 8 ຄະແນນ ກອດຄໍ ເລສເຕີ ຊິຕີ້ ທີ່ ມີພຽງ 1 ຄະແນນຈາກ 11 ນັດ.