ເຈົ້າໜ້າໄທ ກວດຈັບຂໍທານ ພົບເງິນຕິດຕົວຫລາຍກວ່າ 300,000 ບາດ ແລະ ມີບັນຊີເງິນ ຝາກທະນາຄານ 1 ລ້ານບາດ
ສຳນັກຂ່າວສົດ ຂອງໄທລາຍງານວັນທີ່ 13 ທັນວາ 2024 ນີ້ວ່າ: ຕອນເດິກທີີ່ຜ່ານມາ ເຈົ້າຫນ້າທີ່ຄຸ້ມຄອງຄົນບໍ່ມີທີຢູ່ອາໄສ ທີ່ຢູ່ກາງເທບມະຫານະຄອນ ປະເທດໄທ, ໄດ້ລົງກວດພື້ນທີ່ເສດຖະກິດສຸຂູມວິດຊັ້ນໃນ ເນື່ອງຈາກມີປະຊາຊົນແຈ້ງວ່າມີກຸ່ມຄົນຂໍທານຈຳນວນຫລາຍ ເຂົ້າມາຂໍທານໃນພື້ນທີ່ດັ່ງກ່າວ ເຊິ່ງໄດ້ສົ່ງຜົນຕໍ່ພາບພົດ ຂອງປະເທດ ຈາກການລົງກວດກາຕົວຈິງສາມາດຈັບກຸມ ຄົນຂໍທານທີ່ເປັນຄົນໄທໄດ້ 8 ຄົນ ໃນຂໍ້ຫາການເປັນຂໍທານ, ຄົນກຳປູເຈຍ, ຄົນລາວ ແລະ ມຽນມາ ຊາດລະ1 ຄົນ ໃນຂໍ້ຫາເປັນຄົນຕ່າງຊາດເດີນທາງເຂົ້າປະເທດໂດຍບໍ່ໄດ້ຮັບການອະນຸຍາດ ແລະ ມາເປັນຂໍທານ.
ໃນການຈັບກຸມຄັ້ງນີ້ພົບຜູ້ຕ້ອງຫາເປັນເພດຍິງເຊິ່ງເປັນຄົນໄທ ມີເງິນສົດ ທີ່ໄດ້ຈາກການເປັນຂໍທານສະສົມໄວ້ຫລາຍກວ່າ 300,000 ບາດ ແລະ ປຶ້ມບັນຊີເງິນຝາກທະນາຄານປະມານ 1,000,000 ບາດ ຫລັງຈາກນັ້ນເຈົ້າໜ້າທີ່ຊຸດຈັບກຸມໄດ້ສົ່ງຜູ້ຕ້ອງຫາທັງໝົດໃຫ້ພະນັກງານສືບສວນດຳເນີນການຕາມກົດໝາຍຕໍ່ໄປ.
ທີ່ມາ: ຂ່າວສົດ
