ຈອນສັນ ຮ່ວມແຂ່ງຂັນກ໊ອຟ ເດີ ມາສເຕີ

ດັສຕິນ ຈອນສັນ ນັກກິລາ ກ໊ອຟມືວາງອັນດັບ 1 ຂອງໂລກ ຈາກ ສະຫຫະລັດ ກຽມລົງແຂ່ງ ໃນການແຂ່ງຂັນ ເດີ ມາສເຕີ 2017 ເມເຈີທຳອິດຂອງປີ ທີ່ສະ ໜາມອໍກັສຕາ ເນຊັນແນລ ກ໊ອຟ ຄັບ ໃນລັດຈໍເຈຍ ສະຫະລັດ ອາ ເມຣິກາ ໃນລະຫວ່າງວັນທີ 6-9 ເມສານີ້ ໂດຍຈະອອກຮອບຮ່ວມ ກັບ ບັບບາ ວັດສັນ ອະດີດແຊ໊ມ ລາຍການນີ້ 2 ສະໄໝ ແລະ ຈິມມີ ວອກເກີ 2 ນັກກ໊ອຟໝູ່ຮ່ວມຊາດ ໃນຮອບທຳອິດ ແລະ ຮອບ ສອງ.

ດ້ານ ຣໍຣີ ແມັກອິລຣອຍ ຈາກ ໄອແລນເໜືອ ເຊິ່ງໄດ້ແຊ໊ມ ເມເຈີມາຄົບທຸກລາຍການຍົກເວັ້ນ ເດີມາສເຕີ ນັ້ນ ຈະອອກຮອບໃນ ວັນທຳອິດ ແລະ ວັນທີ 2 ຮ່ວມ ກັບ ຈອນ ຣາມ ນັກກ໊ອຟຈາກ ສະເປນ ແລະ ຮິເດໂຕະ ທານິຮາ ນະ ຈາກ ຢິ່ປຸ່ນ.

ສ່ວນ ແດນນີ ວິລເລັດ ຈາກ ອັງກິດ ຈະອອກຮອບໃນ 2 ວັນ ທຳອິດຮ່ວມກັບ ເຄີຕິສ ລັກ ແລະ ແມັດ ຄູຊາ . ດ້ານ ຈໍແດນ ສະປິດ ຈາກ ອາເມຣິກາ ຈະຫຼິ້ນຢູ່ກຸ່ມ ດຽວກັບ ມາຕິນ ຄາຍເມີ ຈາກ ເຢຍລະມັນ ແລະ ແມດທິວ ຟິດ ແພທຣິກ ຈາກ ອັງກິດ ຂະນະທີ່ ເຮນຣິກ ສະເຕນສັນ ຈາກ ສະວີ ເດນ ຈະອອກຮອບຮ່ວມກັບ ໄທ ເຣລ ຮັດຕັນ ຈາກອັງກິດ ແລະ ອັງເຄລ ຄາເບຣຣາ ຈາກ ອາ ເຈນຕິນາ.