ປີ 2024 ອົງການໄອຍະການປະຊາຊົນ ແກ້ໄຂຄະດີທັງໝົດ 9,759 ເລື່ອງ
ວັນທີ 28 ພະຈິກ 2024 ນີ້, ທ່ານ ໄຊຊະນະ ໂຄດພູທອນ ຫົວໜ້າອົງການໄອຍະການປະຊາຊົນສູງສຸດ ໄດ້ລາຍງານກ່ຽວກັບການຈັດຕັ້ງປະຕິບັດວຽກງານຂອງອົງການໄອຍະການປະຊາຊົນສູງສຸດ ປະຈໍາປີ 2024 ແລະ ແຜນ ການປະຈໍາປີ 2025 ຕໍ່ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ IX ວ່າ: ໃນຈໍານວນທີ່ແກ້ໄຂນັ້ນ, ໄດ້ສົ່ງເຈົ້າໜ້າທີ່ ເພື່ອດໍາເນີນການສືບສວນ-ສອບສວນຄືນໃໝ່ 2,483 ເລື່ອງ, ສັ່ງຟ້ອງຂຶ້ນ ສານ 6,178 ເລື່ອງ, ໂຈະການດໍາເນີນຄະດີ 05 ເລື່ອງ, ຊັດມ້ຽນຄະດີ 427 ເລື່ອງ, ແກ້ໄຂທາງບໍລິຫານ 97 ເລື່ອງ. ໃນຈໍານວນທີ່ໄດ້ສັ່ງຟ້ອງຂຶ້ນສານນັ້ນ, ພະ ນັກງານໄອຍະການປະຊາຊົນ ໄດ້ເຂົ້າຮ່ວມຖະແຫລງໃນທີ່ປະຊຸມສານ ຈໍານວນ 5,145 ເລື່ອງ, ສານພິຈາລະນາຕັດສິນເອົາຕາມຄໍາຖະແຫລງຂອງໄອຍະການ ຈໍານວນ 5,123 ເລື່ອງ ເທົ່າກັບ 99,56%, ສານຕັດສິນບໍ່ເອົາຕາມຄໍາຖະແຫລງ 18 ເລື່ອງ ເທົ່າກັບ 0.34% ໄອຍະການສະເໜີຄັດຄ້ານ 4 ເລື່ອງ ແລະ ສານໄດ້ສົ່ງກັບຄືນ ອົງການໄອຍະການປະຊາຊົນ ຈຳນວນ 16 ເລື່ອງ; ຂັ້ນອຸທອນ ໄດ້ຮັບສຳນວນຄະດີ ຈຳນວນ 427 ເລື່ອງ, ໄດ້ແກ້ໄຂ ແລະ ສົ່ງໃຫ້ສານແລ້ວ 405 ເລື່ອງ ເທົ່າກັບ 94.85%, ກໍາລັງຄົ້ນຄວ້າ 22 ເລື່ອງ, ເຂົ້າຮ່ວມປະຊຸມສານເພື່ອຖະແຫລງ 259 ເລື່ອງ, ສານພິພາກສາເອົາຕາມຄໍາຖະແຫລງ ຈໍານວນ 244 ເລື່ອງ ເທົ່າກັບ 94.20%, ສານພິພາກສາເອົາຕາມຄໍາຖະແຫລງບາງສ່ວນ 1 ເລື່ອງ ເທົ່າກັບ 0.39%, ສານພິພາກສາບໍ່ເອົາຕາມຄໍາຖະແຫລງ 10 ເລື່ອງ ເທົ່າກັບ 3.92%, ໄອຍະການສະເໜີຄັດຄ້ານ 2 ເລື່ອງ; ຂັ້ນລົບລ້າງ: ໄດ້ຮັບສຳນວນຄະດີ ຈໍານວນ 133 ເລື່ອງ, ແກ້ໄຂ ແລະ ສົ່ງໃຫ້ສານແລ້ວ ຈໍານວນ 126 ເລື່ອງ ເທົ່າກັບ 94.74%, ໃນຈໍານວນທີ່ແກ້ໄຂນັ້ນໄດ້ເຂົ້າຮ່ວມປະຊຸມສານເພື່ອຖະແຫລງ 25 ເລື່ອງ, ສານພິພາກສາເອົາ ຕາມຄໍາຖະແຫລງ ຈໍານວນ 21 ເລື່ອງ ເທົ່າກັບ 84.00%, ສານພິພາກສາບໍ່ເອົາຕາມຄໍາຖະແຫລງ 3 ເລື່ອງ ເທົ່າກັບ 12.00% ແລະ ເອົາຕາມຄໍາຖະແຫລງບາງສ່ວນ ໐ ເລື່ອງ, ໄອຍະການສະເໜີຄັດຄ້ານ 0 ເລື່ອງ; ໄດ້ຮັບຄໍາຮ້ອງຂໍຕິດຕາມກວດກາການດໍາເນີນຄະດີອາຍາ ແລະ ຄໍາຮ້ອງຂໍຮື້ຟື້ນຄະດີເຂົ້າໃໝ່ ຈໍານວນ 42 ເລື່ອງ, ຄ້າງມາແຕ່ປີ 2023 ຈຳນວນ 4 ເລື່ອງ, ລວມທັງໝົດ 46 ເລື່ອງ ໄດ້ແກ້ໄຂແລ້ວ 32 ເລື່ອງ ແລະ ກໍາລັງ ຄົ້ນຄວ້າ 14 ເລື່ອງ; ໄດ້ຮັບສໍານວນກ່ຽວກັບການຂໍຮື້ຟື້ນ ຈໍານວນ 41 ເລື່ອງ, ຄ້າງມາແຕ່ປີ 2023 ຈໍານວນ 11 ເລື່ອງ, ລວມທັງໝົດ 52 ເລື່ອງ ໄດ້ແກ້ໄຂແລ້ວ 33 ເລື່ອງ ແລະ ກໍາລັງຄົ້ນຄວ້າ 19 ເລື່ອງ; ໄດ້ຮັບໜັງສືສະເໜີຂອງສະພາແຫ່ງຊາດ ໃຫ້ຕິດຕາມກວດກາການດໍາເນີນຄະດີອາຍາ 34 ສະບັບ, ແກ້ໄຂແລ້ວ 32 ສະບັບ, ກຳລັງຄົ້ນຄວ້າ 2 ສະບັບ, ໃນຈໍານວນທີ່ໄດ້ແກ້ນັ້ນ ໄດ້ທວງສໍານວນ 10 ເລື່ອງ, ປະກອບໃສ່ຄະດີດຽວກັນ 5 ເລື່ອງ, ເກັບມ້ຽນຕິດຕາມກວດກາ 3 ເລື່ອງ, ບົດລາຍງານສະພາ ແລະ ຄໍາແນະນໍາ 1 ເລື່ອງ, ເຮັດສະໂນດນໍາສົ່ງ 2 ເລື່ອງ, ບົດລາຍງານສະພາແຫ່ງຊາດ 10 ເລື່ອງ, ຄໍາແນະນໍາ 1 ເລື່ອງ, ເຮັດຄຳຕົກລົງບໍ່ຮື້ຟື້ນ ແລະ ລາຍງານສະພາ 1 ເລື່ອງ.
ທ່ານ ໄຊຊະນະ ໂຄດພູທອນ ຍັງໃຫ້ຮູ້ອີກວ່າ: ການແກ້ໄຂຄະດີແພ່ງ ຂັ້ນຕົ້ນ ໄດ້ຮັບບົດສະ ຫລຸບຄະດີແພ່ງເຂົ້າໃໝ່ ຈໍານວນ 1,196 ເລື່ອງ ແລະ ມີຄະດີຄ້າງມາແຕ່ປີ 2023 ຈໍານວນ 107 ເລື່ອງ, ລວມທັງໝົດ 1,303 ເລື່ອງ, ໄດ້ແກ້ໄຂ ແລະ ຖະແຫລງສົ່ງສານແລ້ວ 1.240 ເລື່ອງ, ເທົ່າກັບ 95.17%, ກຳລັງຄົ້ນຄວ້າ 63 ເລື່ອງ, ເຂົ້າຮ່ວມປະຊຸມສານເພື່ອຖະແຫລງ 703 ເລື່ອງ, ສານຕັດສິນເອົາຕາມຄໍາຖະແຫລງ 698 ເລື່ອງ ເທົ່າກັບ 99.29%, ສານຕັດສີນບໍ່ເອົາຕາມຄໍາຖະແຫລງ 5 ເລື່ອງ ເທົ່າກັບ 0.71%; ຂັ້ນອຸທອນ: ໄດ້ຮັບສໍານວນຄະດີເຂົ້າໃໝ່ ຈໍານວນ 510 ເລື່ອງ ແລະ ມີຄະດີຄ້າງມາແຕ່ປີ 2023 ຈຳນວນ 38 ເລື່ອງ, ລວມທັງໝົດ 548 ເລື່ອງ, ໄດ້ແກ້ໄຂ ແລະ ຖະແຫລງສົ່ງໃຫ້ສານແລ້ວ 524 ເລື່ອງ ເທົ່າກັບ 95.62%, ຍັງຄ້າງ 24 ເລື່ອງ, ເຂົ້າຮ່ວມປະຊຸມສານເພື່ອຖະແຫລງ 504 ເລື່ອງ, ສານພິພາກສາເອົາຕາມຄໍາຖະແຫລງຈໍານວນ 478 ເລື່ອງ ເທົ່າກັບ 94.84%, ສານພິພາກສາເອົາຕາມຄໍາຖະແຫລງບາງສ່ວນ 12 ເລື່ອງ ເທົ່າກັບ 2.38%, ສານພິພາກສາບໍ່ເອົາ ຕາມຄໍາຖະແຫລງ 14 ເລື່ອງ ເທົ່າກັບ 2.78%.
