ກັກຕົວຜູ້ບໍລິຫານ ແລະ ພະນັກງານໂຮງແຮມ NANA Backpacker Hostel ລວມ 8 ຄົນມາສືບສວນ

ພັທ ບົວທອງ ບໍລິບານ ຫົວໜ້າກອງບັນຊາການ ປກສ ເມືອງວັງວຽງ ແຂວງວຽງຈັນ ໄດ້ໃຫ້ສໍາພາດຕໍ່ສື່ມວນຊົນປ້ອງກັນຄວາມສະຫງົບ ວັນທີ 25 ພະຈິກ 2024 ວ່າ: ຜ່ານການສືບສວນ-ສອບສວນ ກ່ຽວກັບເຫດການນັກທ່ອງທ່ຽວຕ່າງປະເທດ ເສຍຊີວິດຢູ່ເຮືອນພັກແຫ່ງໜຶ່ງຂອງເມືອງວັງວຽງ ແຂວງວຽງຈັນ ໃນວັນທີ 12 ພະຈິກ 2024 ,ປັດຈຸບັນ ແມ່ນໄດ້ປິດການໃຫ້ບໍລິການ ແລະ ໄດ້ນໍາຕົວເປົ້າໝາຍຄືຜູ້ບໍລິຫານ ແລະ ພະນັກງານ ພາຍໃນໂຮງແຮມ ຈໍານວນ 8 ຄົນ ມາກັກຕົວເພື່ອດໍາເນີນການສືບສວນ-ສອບສວນຕາມຂັ້ນຕອນ ກົດໝາຍຄື:

1. ທ້າວ ເຢືອງວັນຮ່ວນ ອາຍຸ 34 ປີ

2. ທ້າວ ຫງຽງແມນຮຸ່ງ ອາຍຸ 38 ປີ

3. ທ້າວ ບູຍວັນດັດ ອາຍຸ 35 ປີ

4. ທ້າວ ຟາມດຶງຈິງ ອາຍຸ 42 ປີ

5. ທ້າວ ຈິກກັວກຕ່ວນ ອາຍຸ 23 ປີ

6. ທ້າວ ເຢືອງດຶກຕ່ວນ ອາຍຸ 47 ປີ

7. ທ້າວ ຫງຽງຊຸຍແອ້ງ ອາຍຸ 28 ປີ

8. ທ້າວ ກວາງຊຸງ ອາຍຸ 44 ປີ

ທັງໝົດແມ່ນ ພັກເຊົາຢູ່ບ້ານ ວຽງແກ້ວ ເມືອງວັງວຽງ ແຂວງວຽງຈັນ.

ອົງການປົກຄອງ ເມືອງວັງວຽງ ແຂວງວຽງຈັນ ໄດ້ສົມທົບກັບກະຊວງ, ກົມ, ອົງການ ແລະ ພາກສ່ວນທີ່ກ່ຽວຂ້ອງ ລົງຊຸກຍູ້, ຕິດຕາມ, ກວດກາ ແລະ ເກັບກໍາຂໍ້ມູນ ກ່ຽວກັບເຫດການ ສາເຫດໃນເບື້ອງຕົ້ນຂອງການເສຍຊີວິດນັກທ່ອງທ່ຽວຈໍານວນດັ່ງກ່າວ ຄາດວ່າ ຍ້ອນດື່ມເຄື່ອງດື່ມ ທີ່ມີສານພິດເຈືອປົນ ແລະ ບັນຫາອື່ນໆ ເຮັດໃຫ້ມີຜູ້ເສຍຊີວິດ 3 ຄົນ.

ຜູ້ທີ 1 ເພດຊາຍ ເຊື້ອຊາດ-ສັນຊາດ ອາເມລິກາ, ອາຍຸ 57 ປີ ແລະ ອີກ 2 ຄົນ ແມ່ນເພດຍິງ ຄົນສັນຊາດ-ເຊື້ອຊາດ ເດັນມາກ, ອາຍຸ 20 ປີ ແລະ 21 ປີ ມີອາການສາຫັດ ໄດ້ສົ່ງໄປປິ່ນປົວຢູ່ໂຮງໝໍສູນກາງ ຢູ່ນະຄອນຫລວງວຽງຈັນ ແລະ ໄດ້ເສຍຊີວິດໃນເວລາຕໍ່ມາ.

ສ່ວນການສືບສວນ-ສອບສວນຫາສາເຫດທີ່ແທ້ຈິງນັ້ນແມ່ນຍັງຢູ່ໃນຂັ້ນຕອນຂອງການປະສານສົມທົບກັບກະຊວງ, ກົມ, ອົງການ ແລະ ພາກສ່ວນທີ່ກ່ຽວຂ້ອງ ເກັບກໍາຂໍ້ມູນ ແລະ ເກັບຕົວຢ່າງຕ່າງໆ ເພື່ອຊອກຄົ້ນຫາຂໍ້ມູນທີ່ຍັງບໍ່ທັນຈະແຈ້ງກ່ຽວກັບເຫດການການເສຍຊີວິດ ຂອງນັກທ່ອງທ່ຽວຕ່າງປະເທດໃນຄັ້ງນີ້ ໃຫ້ມີຄວາມຊັດເຈນໂດຍໄວ ບົນພື້ນຖານຂອງການກວດກາ, ຢັ້ງຢືນຜົນຂອງການວິໄຈທາງດ້ານວິທະຍາສາດ.

ພັທ ບົວທອງ ບໍລິບານ ຫົວໜ້າກອງບັນຊາການ ປກສ ເມືອງວັງວຽງ ແຂວງວຽງຈັນ ໄດ້ໃຫ້ສໍາພາດຕໍ່ສື່ມວນຊົນປ້ອງກັນຄວາມສະຫງົບ ວັນທີ 25 ພະຈິກ 2024 ວ່າ: ຜ່ານການສືບສວນ-ສອບສວນ ກ່ຽວກັບເຫດການນັກທ່ອງທ່ຽວຕ່າງປະເທດ ເສຍຊີວິດຢູ່ເຮືອນພັກແຫ່ງໜຶ່ງຂອງເມືອງວັງວຽງ ແຂວງວຽງຈັນ ໃນວັນທີ 12 ພະຈິກ 2024 ,ປັດຈຸບັນ ແມ່ນໄດ້ປິດການໃຫ້ບໍລິການ ແລະ ໄດ້ນໍາຕົວເປົ້າໝາຍຄືຜູ້ບໍລິຫານ ແລະ ພະນັກງານ ພາຍໃນໂຮງແຮມ ຈໍານວນ 8 ຄົນ ມາກັກຕົວເພື່ອດໍາເນີນການສືບສວນ-ສອບສວນຕາມຂັ້ນຕອນ ກົດໝາຍຄື:

1. ທ້າວ ເຢືອງວັນຮ່ວນ ອາຍຸ 34 ປີ

2. ທ້າວ ຫງຽງແມນຮຸ່ງ ອາຍຸ 38 ປີ

3. ທ້າວ ບູຍວັນດັດ ອາຍຸ 35 ປີ

4. ທ້າວ ຟາມດຶງຈິງ ອາຍຸ 42 ປີ

5. ທ້າວ ຈິກກັວກຕ່ວນ ອາຍຸ 23 ປີ

6. ທ້າວ ເຢືອງດຶກຕ່ວນ ອາຍຸ 47 ປີ

7. ທ້າວ ຫງຽງຊຸຍແອ້ງ ອາຍຸ 28 ປີ

8. ທ້າວ ກວາງຊຸງ ອາຍຸ 44 ປີ

ທັງໝົດແມ່ນ ພັກເຊົາຢູ່ບ້ານ ວຽງແກ້ວ ເມືອງວັງວຽງ ແຂວງວຽງຈັນ.

ອົງການປົກຄອງ ເມືອງວັງວຽງ ແຂວງວຽງຈັນ ໄດ້ສົມທົບກັບກະຊວງ, ກົມ, ອົງການ ແລະ ພາກສ່ວນທີ່ກ່ຽວຂ້ອງ ລົງຊຸກຍູ້, ຕິດຕາມ, ກວດກາ ແລະ ເກັບກໍາຂໍ້ມູນ ກ່ຽວກັບເຫດການ ສາເຫດໃນເບື້ອງຕົ້ນຂອງການເສຍຊີວິດນັກທ່ອງທ່ຽວຈໍານວນດັ່ງກ່າວ ຄາດວ່າ ຍ້ອນດື່ມເຄື່ອງດື່ມ ທີ່ມີສານພິດເຈືອປົນ ແລະ ບັນຫາອື່ນໆ ເຮັດໃຫ້ມີຜູ້ເສຍຊີວິດ 3 ຄົນ.

ຜູ້ທີ 1 ເພດຊາຍ ເຊື້ອຊາດ-ສັນຊາດ ອາເມລິກາ, ອາຍຸ 57 ປີ ແລະ ອີກ 2 ຄົນ ແມ່ນເພດຍິງ ຄົນສັນຊາດ-ເຊື້ອຊາດ ເດັນມາກ, ອາຍຸ 20 ປີ ແລະ 21 ປີ ມີອາການສາຫັດ ໄດ້ສົ່ງໄປປິ່ນປົວຢູ່ໂຮງໝໍສູນກາງ ຢູ່ນະຄອນຫລວງວຽງຈັນ ແລະ ໄດ້ເສຍຊີວິດໃນເວລາຕໍ່ມາ.

ສ່ວນການສືບສວນ-ສອບສວນຫາສາເຫດທີ່ແທ້ຈິງນັ້ນແມ່ນຍັງຢູ່ໃນຂັ້ນຕອນຂອງການປະສານສົມທົບກັບກະຊວງ, ກົມ, ອົງການ ແລະ ພາກສ່ວນທີ່ກ່ຽວຂ້ອງ ເກັບກໍາຂໍ້ມູນ ແລະ ເກັບຕົວຢ່າງຕ່າງໆ ເພື່ອຊອກຄົ້ນຫາຂໍ້ມູນທີ່ຍັງບໍ່ທັນຈະແຈ້ງກ່ຽວກັບເຫດການການເສຍຊີວິດ ຂອງນັກທ່ອງທ່ຽວຕ່າງປະເທດໃນຄັ້ງນີ້ ໃຫ້ມີຄວາມຊັດເຈນໂດຍໄວ ບົນພື້ນຖານຂອງການກວດກາ, ຢັ້ງຢືນຜົນຂອງການວິໄຈທາງດ້ານວິທະຍາສາດ.