ວຸດທິສະພາອາເມລິກາໄຟຂຽວ ງົບການທະຫານຈຳນວນຫລາຍ
ຮ່າງງົບປະມານທາງທະຫານຂອງອາເມລິກາສຳລັບປີການເງິນ 2018 ທີ່ມີມູນຄ່າສູງເຖິງ 700.000 ລ້ານໂດລາສະຫະລັດ ຜ່ານຄວາມເຫັນພ້ອມຈາກທັງສະພາສູງ ແລະ ສະພາຕໍ່າແລ້ວໃນອາທິດນີ້.
FY18 started nearly 2 months ago. We cannot delay any further in appropriating these vital resources for our military — it would be an abdication of our responsibility.
— John McCain (@SenJohnMcCain) November 16, 2017
ສຳນັກຂ່າວຕ່າງປະເທດລາຍງານຈາກນະຄອນຫລວງວໍຊິງຕັນ ປະເທດສະຫະລັດອາເມລິກາ ໃນວັນທີ 16 ພະຈິກວ່າ: ກອງປະຊຸມວຸດທິສະພາອາເມລິກາມີມະຕິໃນວັນທີ 16 ພະຈິກ ເຫັນພ້ອມຮ່າງກົດໝາຍອຳນາດຄວາມໝັ້ນຄົງແຫ່ງຊາດ (NDAA) ປະຈຳປີງົບປະມານ 2018 ເຊິ່ງຈະເປັນການຈັດສັນງົບປະມານສຳລັບກະຊວງປ້ອງກັນປະເທດໂດຍສະເພາະ ໂດຍວົງເງິນທີ່ກອງປະຊຸມເຫັນພ້ອມສູງເຖິງ 700.000 ລ້ານໂດລາສະຫະລັດ ຫລາຍກວ່າປະທານາທິບໍດີ ໂດນັນ ທຣຳ ຍື່ນຂໍໄວ້ອີກ 26.000 ລ້ານໂດລາສະຫະລັດ ແລະ ສູງກວ່າ NDAA ສະບັບປີ 2015 ເຊິ່ງເປັນປີສຸດທ້າຍໃນຕຳແໜ່ງຜູ້ນຳອາເມລິກາຂອງປະທານາທິບໍດີ ບາຣັກ ໂອບາມາ ອີກ 15%.
ທັງນີ້, ການລົງມະຕິຮັບຮອງຮ່າງກົດໝາຍດັ່ງກ່າວຂອງວຸດທິສະມາຊິກ ເຊິ່ງໃຊ້ວິທີຂານຊື່ ມີຂຶ້ນ 2 ວັນຫລັງສະພາຜູ້ແທນລາຊະດອນລົງມະຕິເຫັນພ້ອມຮ່າງກົດໝາຍສະບັບດຽວກັນ ດ້ວຍຄະແນນສຽງສະໜັບສະໜູນ 365 ຕໍ່ 70 ສຽງ ໂດຍຮ່າງແຜນງົບປະມານ NDAA ສຳລັບປີໜ້າຈະຄວບຄຸມການເພີ່ມການຈັດຊື້ເຮືອບິນຂັບໄລ່ F-35 ເປັນ 90 ລຳ ຫລາຍກວ່າທີ່ທ່ານ ທຣຳ ຂໍໄວ້ອີກ 20 ລຳ, ເຮືອຮົບ ແລະ ລົດຫຸ້ມເກາະອີກຫລາຍຮຸ້ນ ແລະ ການເພີ່ມງົບປະມານສະໜັບສະໜູນສຳນັກງານປ້ອງກັນລູກສອນໄຟ (MDA) ເປັນ 12.300 ລ້ານໂດລາສະຫະລັດ ແລະ ການເພີ່ມຄ່າຕອບແທນໃຫ້ແກ່ທະຫານທຸກເຫລົ່າທັບອີກ 2,4%.
