ຟີລິບປິນຄາດວ່າຈະບັນລຸ ເປົ້າໝາຍເສດຖະກິດເຕີບໃຫຍ່ປີ 2017
November 16, 2017 - 5:27 PM
ທ່ານ ເອີເນສໂຕ ເປີເນຍ ລັດຖະມົນຕີກະຊວງວາງແຜນເສດຖະກິດຟີລິບປິນ ກ່າວໃນວັນທີ 16 ພະຈິກວ່າ: ລັດຖະບານມີຄວາມຫວັງໃນແງ່ດີວ່າຈະບັນລຸເປົ້າໝາຍການເຕີບໃຫຍ່ທາງເສດຖະກິດປະມານ 6,5-7,5% ໃນປີ 2017.
ທ່ານ ເປີເນຍ ຖະແຫລງຕໍ່ສື່ມວນຊົນວ່າ: ຟີລິບປິນຂະຫຍາຍຕົວຕາມເປົ້າໝາຍຕົວເລກເສດຖະກິດໃນປີນີ້, ເສດຖະກິດຟີລິບປິນ ເຊິ່ງຖືເປັນໜຶ່ງໃນປະເທດທີ່ມີອັດຕາການເຕີບໃຫຍ່ໄວທີ່ສຸດໃນອາຊີ ຂະຫຍາຍຕົວເກີນກວ່າການຄາດຄະເນໄວ້ 6,9% ໃນໄຕມາດ 3 ຈາກປີກ່ອນ. ປີນີ້ເສດຖະກິດຟີລິບປິນໃນໄຕມາດ 2 ຂະຫຍາຍຕົວເກີນຄວາມຄາດໝາຍ ຈາກຂະແໜງອະສັງຫາລິມະຊັບເຕີບໃຫຍ່ ແລະ ຂະແໜງກະສິກຳຟື້ນຕົວ.
