ເກີດເຫດຝົນຕົກໜັກ ນໍ້າຖ້ວມ ບາເຊໂລນາ ປະເທດສະເປນ

ສຳນັກຂ່າວ BBC NEWS ຕ່າງປະເທດ ລາຍງານວ່າ ວັນທີ 4 ພະຈິກ 2024 ນີ້ ເກີດເຫດຝົນຕົກໜັກແບບຜິດປົກກະຕິຕໍ່ເນື່ອງກັນຫລາຍຊົ່ວໂມງ ຢູ່ບາເຊໂລນາ ປະເທດສະເປນ ເຊິ່ງພາສາທ້ອງຖິ່ນເອີ້ນປາກົດການນີ້ວ່າ DANA ເຊິ່ງເຫດການລັກສະນະນີ້ເກີດຂຶ້ນທີ່ເມືອງບາເລນເຊຍ ໃນອາທິດຜ່ານມາ.

ຈາກເຫດການດັ່ງກ່າວສົ່ງຜົນໃຫ້ສະໜາມບິນບາເຊໂລນາ ຍົກເລີກຖ້ຽວບິນ 60 ຖ້ຽວບິນ, ລົດຢູ່ບ່ອນຈອດລົດໃຕ້ດິນ ແລະ ລົດສຳນັກງານຕ່າງໆ ໄດ້ຮັບຄວາມເສຍຫາຍຈຳນວນຫລາຍ ແຕ່ຍັງບໍ່ມີການລາຍງານຜູ້ບາດເຈັບ ຫລື ຜູ້ເສຍຊີວິດ.