ພາຍຸ kong-rey ພັດຂຶ້ນຝັ່ງໄຕ້ຫວັນ ສ້າງຄວາມເສຍຫາຍຈຳນວນຫລາຍ ແລະ ມີຜູ້ເສຍຊີວິດ 1 ຄົນ.

ສຳນັກຂ່າວຕ່າງປະເທດລາຍງານວ່າ: ເວລາ 13:00 ໂມງ ຂອງວັນທີ່ 31 ຕຸລາ 2024 ພາຍຸ kong-rey ໄດ້ພັດຂຶ້ນຝັ່ງ ໄຕ້ຫວັນ ຈາກຕາເວັນອອກສຽງໃຕ້ພັດຜ່ານຂຶ້ນທາງເໜືອ ເຮັດໃຫ້ການຂົ່ນສົ່ງທາງບົກ, ທາງທະເລ ແລະ ທາງອາກາດ ຖືກປິດບາງສ່ວນ.

ພາຍຸລູກນີ້ຖືວ່າເປັນພາຍຸຂະໜາດໃຫຍ່ທີ່ສຸດໃນຮອບ 30 ປີ ທີ່ພັດຖະຫລົ່ມເກາະໄຕ້ຫວັນ ມີຄວາມຮຸນແຮງທຽບເທົ່າເຮລິເຄນລະດັບ 4 ຄວາມໄວຂອງລົມຫລາຍກວ່າ 250 ກິໂລແມັດ/ຊົ່ວໂມງ ແລະ ພາຍຸໄດ້ອ່ອນກຳລັງລົງ ກ່ອນພັດຂຶ້ນຝັ່ງ ຢູ່ທີ່ຄວາມໄວ 160-180ກິໂລແມັດ/ຊົ່ວໂມງ. ພາຍຸລົມແຮງເຮັດໃຫ້ຕົ້ນໄມ້ຫັກທັບຫົນທາງ, ທັບລົດ ແລະ ເຮືອນປະຊາຊົນໄດ້ຮັບຄວາມເສຍຫາຍຈຳນວນຫລາຍ ແລະ ມີຜູ້ເສຍຊີວິດ 1 ຄົນ.

ກົມອຸຕຸໄດ້ອອກຄຳເຕືອນຝົນຕົກໜັກ ລົມແຮງ ແລະ ມີຄຳສັ່ງພັກຮຽນ, ພັກວຽກຮອດວັນທີ 1 ພະຈິກ 2024 ນີ້. ທາງການສົ່ງກຳລັງທະຫານ 36,000 ນາຍ ກຽມພ້ອມຮັບມື.