ອຸຕຸນິຍົມໄຕ້ຫວັນເຕືອນທຸກພາກສ່ວນກຽມຮັບມື ໄຕ້ຝຸ່ນ Kong Rey ຈະຂຶ້ນຝັ່ງ 30-31 ຕຸລາ
October 30, 2024 - 9:25 AM
ວັນທີ 29 ຕຸລາ 2024 ສໍານັກງານອຸຕຸນິຍົມວິທະຍາກາງ (CWA) ຂອງໄຕ້ຫວັນ ອອກເຕືອນຝົນຕົກໜັກ ແລະ ລົມແຮງ ໃນບາງພື້ນທີ່ຂອງໄຕ້ຫວັນ ເນື່ອງຈາກພາຍຸ Kong Rey ເພີ່ມຄວາມຮຸນແຮງກາຍເປັນພາຍຸໄຕ້ຝຸ່ນແລ້ວ ແລະ ຍັງສືບຕໍ່ເຄື່ອນຕົວເຂົ້າໃກ້ເກາະທາງທິດຕາເວັນອອກສຽງໃຕ້ ເຊິ່ງໃນພື້ນທີ່ແຈ້ງເຕືອນອາດໄດ້ຮັບປະລິມານນໍ້າຝົນຫລາຍກວ່າ 80 ມມ ໃນ 24 ຊົ່ວໂມງ ຫລື ຫລາຍກວ່າ 40 ມມ ໃນ 3 ຊົ່ວໂມງ.
ສໍາລັບພື້ນທີ່ ທີ່ມີລົມແຮງ ມີເຂດຈີຫລົງ, ນະຄອນໄທເປ ໃນພື້ນທີ່ດັງກ່າວອາດປະສົບກັບລົມແຮງຕໍ່ເນື່ອງ ດ້ວຍຄວາມໄວ 41- 51 ກມ/ຊົ່ວໂມງ ແລະ ລົມພັດແຮງເຖິງ 63-75 ກມ/ຊົ່ວໂມງ
ພາຍຸ Kong Rey ເພີ່ມກຳລັງເປັນພາຍຸໄຕ້ຝຸ່ນ ໂດຍຈະຂຶ້ນຝັ່ງ ທິດຕາເວັນອອກຂອງໄຕ້ຫວັນໃນເຂດ Hualien ຫລື Taitung ໄຕ້ຫວັນຈະໄດ້ຮັບຜົນກະທົບຈາກພາຍຸໜັກທີ່ສຸດ ໃນວັນພະຫັດ ແລະ ວັນສຸກນີ້.
