ລາວ-ຫວຽດນາມສືບຕໍ່ແລກປ່ຽນບົດຮຽນວຽກງານພາຍໃນ
ກອງປະຊຸມພົບປະສອງ ຝ່າຍເພື່ອແລກປ່ຽນບົດຮຽນ ກ່ຽວກັບວຽກງານພາຍໃນລະ ຫວ່າງ ລາວ-ຫວຽດນາມ ໄດ້ມີ ຂຶ້ນໃນວັນທີ 14 ພະຈິກນີ້, ໂດຍ ການເຂົ້າຮ່ວມຂອງທ່ານ ຄຳມູນ ວິພົງໄຊ ຮອງລັດຖະມົນ ຕີກະ ຊວງພາຍໃນ ແລະ ທ່ານ ຢຸຍ ທັງ ຮອງລັດຖະມົນຕີກະຊວງພາຍ ໃນສສ.ຫວຽດນາມກອງປະຊຸມ ໄດ້ແຈ້ງໃຫ້ຮູ້ວ່າ: ໃນໄລຍະຜ່ານ ມາສອງກະຊວງພາຍໃນ ດັ່ງກ່າວກໍໄດ້ມີການພົວພັນຮ່ວມມືຢ່າງ ສະໜິດແໜ້ນນຳກັນຕະຫລອດ ມາ, ເຊິ່ງສະແດງອອກ ໃຫ້ເຫັນ ໃນແຕ່ລະປີໄດ້ໃຫ້ການຊ່ວຍເຫຼືອບຳລຸງຍົກລະດັບໃຫ້ວິຊາການ ຂະແໜງ ພາຍໃນຂອງລາວ ໃນ ດ້ານຕ່າງໆເຊັ່ນ:ດ້ານການບໍ ລິຫານລັດການປັບປຸງກົງຈັກ ການ ຈັດຕັ້ງການຄຸ້ມຄອງລັດຖະ ກອນການປົກຄອງທ້ອງຖິ່ນ ການຄຸ້ມ ຄອງເອກະສານການ ແຂ່ງຂັນ- ຍ້ອງຍໍ ວຽກງານສາ ສະໜາການຄຸ້ມຄອງສະມາຄົມ ແລະ ອື່ນໆ ແລະ ຍັງໄດ້ໃຫ້ ການ ຊ່ວຍ ເຫຼືອໃນການສ້າງພື້ນຖານ ໂຄງລ່າງໃຫ້ແກ່ກະຊວງ ພາຍໃນ ຂອງ ສປປ ລາວຈຳນວນໜຶ່ງຄື: ການສ້າງອາຄານສຳເນົາເອກະສານ ແລະ ຍັງໄດ້ສົ່ງຄະນະຊ່ຽວ ຊານມາຊ່ວຍຄົ້ນຄວ້າຫຼາຍຫົວ ຂໍ້ເປັນຕົ້ນຄົ້ນຄວ້າດ້ານນິຕິກຳ ການປົກຄອງ-ບໍລິຫານ ການປັບ ປຸງກົງ ຈັກການຈັດຕັ້ງການຄຸ້ມ ຄອງພະນັກງານ-ລັດຖະກອນ ແລະ ໄດ້ໃຫ້ທຶນອົບຮົມ ຍົກລະດັບ ວຽກງານສຳເນົາເອກະສານ ເຝິກອົບຮົມໃຫ້ພະນັກງານຂັ້ນ ອຳນາດການປົກຄອງທ້ອງ ຖິ່ນ ຂອງລາວ ພ້ອມໄດ້ສະໜັບສະ ໜູນໂຄງການສ້າງຖານຂໍ້ມູນ ຂ່າວສານພູມສັນຖານ ມາດຕາ ສ່ວນ 1/50.000 ຮັບໃຊ້ວຽກ ງານວາງແຜນພັດທະນາເສດ ຖະກິດ-ສັງຄົມ ຄຸ້ມຄອງຊັບ ພະຍາກອນທຳມະຊາດ ແລະ ປົກປັກຮັກສາສິ່ງແວດລ້ອມຢູ່ ສປປ ລາວ.
+ ລາວ-ຫວຽດນາມເພີ່ມທະວີການຮ່ວມມືພັດທະນາຊົນນະບົດ
+ ຜົນສຳເລັດຂອງກອງປະຊຸມບໍ່ເປັນທາງການ ອົງການອາເປັກທີ່ດານັງ
ໃນໂອກາດນີ້ ທ່ານ ຢຸຍ ທັງ ຮອງລັດຖະມົນຕີກະຊວງພາຍ ໃນສສ.ຫວຽດນາມ ໄດ້ມີຄຳ ເຫັນແລກປ່ຽນວ່າ: ໃນຕໍ່ໜ້າ ສອງກະຊວງດັ່ງກ່າວຈະໄດ້ສຶບຕໍ່ແລກປ່ຽນຢ້ຽມຢາມເພີ່ມທະວີ ພົວພັນຮ່ວມມືລະດັບວິຊາການ ແລະ ທ້ອງຖິ່ນ ໃຫ້ເປັນປົກກະຕິ ເພື່ອປະກອບສ່ວນຮັດແໜ້ນ ຄວາມສາມັກຄີລະຫວ່າງສອງ ອົງການຈັດຕັ້ງໃຫ້ໜັກແໜ້ນເລິກເຊິ່ງຍິ່ງໆຂຶ້ນ.
