ລັ່ງ ໄດ້ແຊ໊ມເຕັນນິສເອັສພີພີ ພັດທະນາສີມືເຍົາວະຊົຄັ້ງທີ 2 ຮຸ່ນ 16-18 ປີ

ທ້າວ ລັ່ງ ໄຊສົມບູນ ນັກ ກິລາດາວຮຸ່ງນ້ອງໃໝ່ສາມາດເອົາຊະນະ ທ້າວ ເທບລະພັກ ໃນນັດຊີງຊະນະເລີດ 2-0 ເຊັດ 6-4, 6-2. ໄດ້ແຊ໊ມການ ແຂ່ງຂັນເຕັນນິສ ເອັສພີພີ ພັດ ທະນາສີມືນັກກິລາເຍົາວະຊົນລາວ ຄັ້ງທີ 2 ປະຈຳປີ 2017 ໃນຮຸ່ນອາຍຸ 16-18 ປີໄປ ຄອງ.
ການແຂ່ງຂັນລາຍການດັ່ງກ່າວໄດ້ຈັດຂຶ້ນລະຫວ່າງ ວັນທີ 11-12 ພະຈິກ ຜ່ານມາ ທີ່ສະໜາມເຕັນນິສເຈົ້າອານຸ ວົງ ເມືອງຈັນທະບູລີ ນະຄອນ ຫຼວງວຽງຈັນ ເຊິ່ງການແຂ່ງ ຂັນຄັ້ງນີ້ກໍເພື່ອເປັນການສືບຕໍ່ສົ່ງເສີມທັບນັກກິລາເຕັນນິສ ເຍົາວະຊົນລາວໃຫ້ມີທ່າກ້າວທີ່ດີຂຶ້ນເລື້ອຍໆ ສາມາດກາຍ ເປັນນັກກິລາຜູ້ທີ່ມີພອນສະ ຫວັນດີເດັ່ນຕາມເປົ້າໝາຍ ຂອງ ສທລ ກຳນົດໄວ້, ເຊິ່ງ ການ ແຂ່ງຂັນມີຮຸ່ນອາຍຸບໍ່ເກີນ 18 ປີ ໂດຍມີນັກກິລາ 8 ຄົນ ເຂົ້າຮ່ວມ, ຮຸ່ນອາຍຸ 10 ປີ ຊາຍມີ 8 ຄົນ, ຮຸ່ນອາຍຸ 10 ປີຍິງມີ 6 ຄົນ, ຮຸ່ນອາຍຸ 12 ປີຊາຍມີ 12 ຄົນ, ຮຸ່ນອາຍຸ 14 ປີຊາຍມີ 8 ຄົນ ແລະ ຮຸ່ນອາຍຸ 16 ປີມີ 6 ຄົນ. ໂດຍການຈັບ ສະຫຼາກປະກົບຄູ່ແຂ່ງຂັນເສຍຕົກຮອບເລີຍ. ຜ່ານການແຂ່ງ ຂັນຄູ່ຊີງຊະນະເລີດໃນຮຸ່ນອາຍຸ 16-18 ປີ ຜົນປາກົດວ່າ: ທ້າວ ລັ່ງ ໄຊສົມບູນ ສາມາດ ເອົາຊະນະ ທ້າວ ເທບພະລັກ ໄປ 2-0 ເຊັດ ໄດ້ແຊ໊ມລາຍ ການນີ້ໄປຄອງ. ສ່ວນ ທ້າວ ເທບພະລັກ ໄດ້ພຽງທີ 2 ແລະ ທີ 3 ຮ່ວມ ແມ່ນ ທ້າວ ສັນຕິ ແລະ ທ້າວ ບຸນມີ.
ສ່ວນຜົນການແຂ່ງຂັນ ຮຸ່ນອາຍຸ 14 ປີ ທີ 1 ແມ່ນ ທ້າວ ລັດຕະນະສິນ, ທີ 2 ທ້າວ ພູລິພັດ ແລະ ທີ 3 ຮ່ວມແມ່ນ ທ້າວ ສົມພອນ ແລະ ທ້າວ ວັດ ທະນາ, ຮຸ່ນອາຍຸ 12 ປີທີ 1 ແມ່ນ ທ້າວ ສົມພອນ, ທີ 2 ທ້າວ ວຽງທອງ, ທີ 3 ຮ່ວມ ແມ່ນ ທ້າວ ຄຳຫຼ້າ ແລະ ທ້າວ ໄຊສະວັດ, ຮຸ່ນອາຍຸ 10 ປີ ທີ 1 ແມ່ນາງ ວັນ, ທີ 2 ນາງ ແພນເຂັກ ແລະ ທີ 3 ຮ່ວມ ແມ່ນ ນາງ ອານຸລັກ ແລະ ນາງ ທິລະດາ. ຮຸ່ນອາຍຸ 10 ປີ ຊາຍ ທີ 1 ແມ່ນ ທ້າວໄຊ, ທີ 2 ທ້າວ ໄດມ້ອນ ບູນທາດ ແລະ ທີ 3 ຮ່ວມແມ່ນ ທ້າວ ໄຊສະ ຫວັນ ແລະ ທ້າວ ອານົນ. ຮຸ່ນ ອາຍຸ 8 ປີທີ 1 ແມ່ນ ທ້າວ ໄອ ທອງ, ທີ 2 ທ້າວ ວຸດທິສັກ ແລະ ທີ່ 3 ຮ່ວມແມ່ນທ້າວ ໂອ ນ້ອຍ ແລະ ທ້າວ ອານົນ.
ສຳລັບລາຍການດັ່ງກ່າວ ນັກກິລາທີ່ຊະນະເລີດໄດ້ຮັບ ຂັນລາງວັນ ແລະ ຫຼຽນຄຳໄປ ຄອງ, ຮອງຊະນະເລີດໄດ້ຮັບ ຂັນ ແລະ ຫຼຽນເງິນ, ທີ 3 ໄດ້ ຮັບຂັນ ແລະ ຫຼຽນທອງ.