ມີ 12 ທີມເຂົ້າຮ່ວມບານເຕະຊີງຂັນປະທານສະຫະພັນ ນວ ຈະເລີ່ມຕົ້ນຂຶ້ນເດືອນທັນວາ

ສະຫະພັນບານເຕະນະ ຄອນຫລວງວຽງຈັນ (ນວ) ຈະເປີດການແຂ່ງຂັນເຕະບານນັກຮຽນມັດທະຍົມຍິງ-ຊາຍ ຮຸ່ນອາຍຸບໍ່ເກີນ 18 ປີ ຂຶ້ນຕົ້ນ ເດືອນທັນວານີ້ ເພື່ອຊີງຂັນປະ ທານສະຫະພັນພ້ອມທັງສະ ເຫລີມ ສະຫລອງວັນຊາດ 2 ທັນວາ 42 ປີ ແລະ ຍັງເປັນ ການຄັດເລືອກເອົານັກກິລາ ບັນຈຸເຂົ້າທີມນັກກິລາເຕະບານຂອງ ນວ ໂດຍມີ 12 ທີມເຂົ້າ ຮ່ວມ.
ໃນວັນທີ 15 ພະຈິກຜ່ານ ມານີ້ ທີ່ສະໜາມກິລາບຶງຂະ ຫຍອງ ເມືອງສີສັດຕະນາກ ນວ ໄດ້ມີກອງປະຊຸມປຶກສາ ຫາລືເພື່ອກຽມຄວາມພ້ອມຈັດການແຂ່ງຂັນເຕະບານຊີງຂັນປະທານສະຫະພັນບານເຕະ ນະຄອນຫລວງວຽງຈັນ ໂດຍ ເປັນປະທານຂອງທ່ານ ວຽງ ສະຫວັນ ແສງຈັນ ປະທານສະ ຫະພັນເຕະບານ ນວ ພ້ອມ ດ້ວຍບັນດາພາກສ່ວນກ່ຽວ ຂ້ອງເຂົ້າຮ່ວມ.
ທ່ານ ກອງແກ້້ວ ແຫ່ງດາ ວົງໄຊ ຫົວໜ້າຂະແໜງກິລາ ລະດັບສູງ ນວ ໄດ້ເວົ້າວ່າ: ເພື່ອປະຕິບັດແຜນການເຄື່ອນ ໄຫວຂອງສະຫະພັນບານເຕະ ນວ ໃຫ້ມີຂະບວນຟົດຟື້ນພ້ອມ ດ້ວຍບັນຍາກາດການສະ ເຫລີມສະຫລອງວັນຊາດ 2 ທັນວັນຄົບຮອບອີກວາລະໜຶ່ງ ທັງນີ້ເພື່ອຄັດເລືອກເອົານັກກິ ລາບັນຈຸເຂົ້າທີມບານເຕະ ນວ ເຂົ້າຮ່ວມການແຂ່ງຂັນຂັ້ນ ຕ່າງໆພາຍໃນ ແລະ ຕ່າງປະ ເທດ ມາຮອດປັດຈຸບັນ ມີ 12 ທີມຊາຍໄດ້ລົງທະບຽນເຂົ້າcແຂ່ງຂັນດັ່ງກ່າວ ເຊິ່ງປະກອບ ມີ: ມສ ວຽງຈັນ 1, ມສ ເຈົ້າ ອານຸວົງ, ມປ ໂຮ່ຈີມິງ1, ມສ ເພຍວັດ, ມສ ໄຊເສດຖາ, ມສ ໜອງບອນ, ມສ ຮ່ອງຄ້າ, ມສ ສາທິດ, ມສ ນາຊາຍທອງ, ມປ ໂຮ່ຈີມິງ 2, ມສ ບໍ່ນາງົວ, ມສ ວຽງຈັນ 2; ສໍາລັບທີມ ຍິງປະກອບມີ 8 ທີມເຂົ້າຮ່ວມ ຄື: ມສ ວຽງຈັນ 1, ມສ ເຈົ້າ ອານຸວົງ, ມປ ໂຮ່ຈີມິງ, ມສ ເພຍວັດ, ມສ ໄຊເສດຖາ, ມສ ນາຊາຍທອງ, ມສ ບໍ່ນາງົວ. ຂະນະທີ່ຮູບແບບການແຂ່ງ ຂັນຈະແບ່ງອອກເປັນ 4 ກຸ່ມ ໂດຍແຕ່ລະກຸ່ມຈະແຂ່ງຂັນ ເພື່ອຄັດເລືອກເອົາທີມອັນດັບທີ 1 ເຂົ້າແຂ່ງຂັນກັບທີມອັນດັບ ທີ 1 ຂອງກຸ່ມຕໍ່ໄປ.