ເຕືອນພາຍຸໝູນ ເຂດຮ້ອນ TRAMI ! ກໍ່ໂຕຢູ່ທະເລຈີນໃຕ້ ຈະຂຶ້ນຝັ່ງຟີລິບປິນ ຫວຽດນາມ ແລະ ລາວຕາມລຳດັບ ປະມານວັນທີ 24-28 ຕຸລາ 2024

ວັນທີ 22 ຕຸລາ 2024 ນີ້ ອຸຕຸວິທະຍາ ຂອງຟິລິບປິນ ລາຍງານ ວ່າ: ພາຍຸດີເປຣສຊັນໃນມະຫາສະມຸດປາຊີຟິກຕາເວັນຕົກ ກໍ່ຕົວຂຶ້ນຢູ່ພາກຕາເວັນອອກຂອງຟີລິບປິນ ໄດ້ເພີ່ມກຳລັງແຮງຂຶ້ນເປັນພາຍຸໝູນເຂດຮ້ອນ TRAMI ຫົວທີ 20 ເຊິ່ງເປັນພາສາຫວຽດນາມ ແປວ່າ ດອກໄມ້ ໃນຕະກຸນດອກກຸຫລາບ.

ປັດຈຸບັນພາຍຸໝູນເຂດຮ້ອນ TRAMI ຈະເຄື່ອນຕົວຂຶ້ນຝັ່ງເກາະ ລູຊອນລ໌ ຂອງຟິລິບປິນ ໃນວັນທີ 24-25 ຕຸລາ ແລະ ຈະພັດຜ່ານທະຈີນໃຕ້ ໃນເບື້ອງຕົ້ນຄາດວ່າຈະຂຶ້ນ ສູ່ເກາະ ຮາຍຫຼຳ(ຮາຍໜານ) ແຕ່ຫລ້າສູດ ພາຍຸໄດ້ປ່ຽນເສັ້ນທາງ ຄາດວ່າຈະພັດເຂົ້າສູ່ແຂວງພາກກາງຂອງຫວຽດນາມ ປະມານ 26-27 ຕຸລາ ແລະ ເຂົ້າສູ່ແຂວງພາກກາງ ແລະ ພາກໃຕ້ ຂອງລາວຕາມລຳດັບ ເຊິ່ງອາດຈະເຮັດໃຫ້ມີລົມພັດແຮງ, ຝົນຕົກ, ຟ້າຮ້ອງຟ້າເຫລື້ອມ ແລະ ອາກາດໜາວ.